Рубрики

Новость часа

Рамазан Абакаров

Автор Рамазан Абакаров

Ноябрь 03, 2015
Ракьазул суал - захIматаб суал

Дагъистаналъул парламенталъ хIадурулеб ракьазул суалалда хурхараб къануналъ республикаялда нахъойги бижизабуна ракьул суалалда хурхун бахIс. Метер 4 абилеб ноябралда МахIачхъалаялда тIобитIизе буго лъарагIазул жамгIиял идарабазул данделъи ва бицине буго гьеб ракьул суалалъул хIакъалъулъ. Жалго Халкъияб собраниялъул депутатаз рикIкIунеб буго, цIияб къануналъ ракьул суалалда кIудиял хиса-басиял гьарулел гьечIин.
Октябрь 31, 2015
Щиб гьабизе кколеб МахIачхъалаялъул мэрас?

29 октябралда МахIачхъалаялъул шагьаралъул депутатаз щуго сонил болжалалъ вищана шагьаралъул бетIерлъун Муса Мусаев. Кинал ишаздаса гьес байбихьизе кколеб жиндир хIалтIи, кинал ругел тIоцере роцIцIине кколел шагьаралъул проблемаби, лъил ва сундул кумекалдалъун хIалтIизе кколев цIияв мэр абурал суалалал кьуна «Эркенлъи» радиоялъ батIи-батIиял экспертазе.
Октябрь 26, 2015
МаршрутчагIазулгун МахIачхъалаялъул тIалъиялъул дандечIей

Гьал къоязда МахIачхъалаялда 19-абилеб маршруталъул хIалтIухъабаз лъазабуна жидеца гIадамал раччиялъул багьа кIиго гъурушалъ гIодобегIан гьабулеб бугин ва шагьаралъул муниципалияб транспорталъул идараялде гIарац кьезе гьечIин. МахIачхъалаялъул администрациялда лъазабуна, гьез къанун хвезабулеб бугин ва гIадамал раччизе ихтияр цохIо гьеб муниципалияб идараялъул гурони гьечIин.
Октябрь 24, 2015
Адвокат Расул Къадиевасул аргументал "рихьун" гьечIо диваналда

Дагъистаналда тIолгохалкъалъул рищиял нахъе рахъиялъул къанун Россиялъул Конституциялда данде кколеб гьечIоян рикIкIунеб буго МахIачхъалаялдаса адвокат Къадиев Расулица. Дагъистаналъул тIадегIанаб диваналде гIарза хъван букIана гьес гьеб къунун хисизе тIалаб гьабун. Гьал къоязда диваналъ инкар гьабуна гьесие.
Октябрь 21, 2015
Авар-Кахетиялъул нух хьул хIисабалда хутIана

Аваро-Кахетиялъул нух бахъизе ккеялъул хIакъалъулъ Дагъистаналъул нухмалъулев Рамазан ГIабдулатIиповас абуралдаса нахъе ана кIиго сон.
Октябрь 20, 2015
ХIакимзабазе гIоло конкуренция къинабулеб буго

Октябралъул 15 абилеб къоялъ Нальчик шагьаралда тIобитIана ТIолгороссиялъул халкъияб фронталъул форум. Гьениб аслияб тема букIана ракIбацIадго хIукуматалъул тендерал тIоритIи.
Октябрь 19, 2015
Дагъистаналъе ччугIа гуреб къваригIун бугеб, къваригIун буго ччугIа кколеб алат

Шималияб Кавказ цебетIеялъул министерлъиялъ гьал къоязда цIигьабун буго регион цебетIеялъул хасаб программа. Гьелда рекъон, цебеккун Дагъистаналъе бихьизабураб гIарац дагь гьабун буго кIиго нухалъ. Гьединго дагь гьабун буго Кавказалда социалиял проектазе биччалеб гIарац. Кинаб бугеб федералиял инвестициязул рикьиялъул цIияб къагIида, щай гIарац дагь гьабулеб ва щиб гьелъ хисизе бугеб Шималияб Кавказалда ва хасго Дагъистаналда?
Октябрь 08, 2015
Чачаназул цояз бертаби Дагъистаналда гьаризе ратила

Гьал къоязда Чачаналъул бетIер Рамзан Къадировас гъулбасун буго республикаялда бертаби гьариялъул низам чIезабиялъул документалда. Гьелъ гIорхъичIвай гьабун буго бертабазул батIи-батIиял гIадатазе. Гьезул гIемерисел гьукъун руго. Гьелъул хIасилалда гIемерисел чачанал бертаби гьаризе Дагъистаналде рачIине рес бугилан абулеб буго «Эркенлъи» радиоялъ цIех-рех гьабурал экспертаз.
Сентябрь 25, 2015
Маян кьечIелъул, кьурун бахъулеб буго пачалихъалъ...

Пачалихъалъул буголъиялда рукIарал газулъул рогIрал хасал чагIазе ричун рукIиналда щаклъи ккун жанив тIамун вуго Дагъистаналда цо хъулухъчи. Цогидав цIех-рехалъул идарабаздаса вахчун вуго. Гьединго, «Газпромалъул» Дагъистаналда бугеб филиалалъул нухмалъулев хIалтIудаса ун вугилан хъвалеб буго цо-цо информалатаз. Бугищ гьел хIужабазда гьоркьоб бухьен, кинан ва лъихъе ругел Дагъистаналда газулъул рогIрал ва щай гьезда хурхун тIатIала уголовиял хIалтIаби рагьулел республикаялъул хIакимзабазда тIад абурал суалазе жаваб балагьулеб буго нижер мухбир Абакаров Рамазаница.
Сентябрь 23, 2015
Салафиязул мажгит къана ЦIияб Къурушалда

Хасавюрт мухъалъул ЦIияб Къуруш росдал гIадамаца салафиязул мажгит къан буго ва гьел жалго росу тун къотIулел руго. Гьелъие гIиллалъун ккана дагьалъ цеве гьенив изну гьечIого яргъид гIуцIараз росдал имам чIвай.
Сентябрь 21, 2015
Лъималазул ахазул дефицит яги гIагсаб ирга

МахIачхъалаялда ясли-ахалде электроннияб иргаялда буго 35 азарго лъимер. ТIолалго гьел лъималазе къваригIуна ругезда тIаде жеги 70 лъималазул ах.
Сентябрь 11, 2015
Къеркьей гьечIел рищиял

ГьатIан къоялъ 13 сентябралда Дагъистаналда гIемерисел муниципалиял гIуцIабазда тIоритIизе руго рищиял. Гьезда жаниса къого муниципалиябазда рищизе руго бутIрул. Аслияб къагIидаялъ къеркьей ине буго МахIачхъала, Буйнакск, Дагогни, шагьаразда. Кинаб бугеб республикаялда рищиязда цебе ахIвал-хIал ва кинал хIасилал гьезул рукIине бегьулел абурал суалазда хурхун цIех-рех гьабулеб буго нижер мухбир Абакаров Рамазаница.
Сентябрь 09, 2015
ЦIидасан чIвана имам

Жакъа 9 сентябралда Хасавюрт мухъалъул ЦIияб Къуруш росулъ щалали лъаларел яргъид гIуцIараз чIвана росдал имам МухIамад Хидиров. ЦIех-рехалъул идарабаз такъсиралъе аслияб гIиллалъун рикIкIунеб буго имамасул пиша. Гьев вукIун вуго Дагъистаналъул динияб идараялъул хIалтIухъан. Экспертазул пикруялда рекъон, Дагъистаналда ва тIолабго Кавказалда рухIаниял чIваялъе аслияб гIиллалъун буго пачалихъалъул ургъичIеб рухIияб политика.

XS

SM

MD

LG