Рубрики

Новость часа

МуртазагIали Дугъричил

Автор МуртазагIали Дугъричил

Июнь 19, 2013
Кин Украиналъул миллатчагIаз Россиялъул Автономия гIуцIулеб

Гьалкъоязда интернеталда загьирабун буго информация 15 июлялдаса байбихьун 31 август швезегIан Киев ва Харьков икълимаздаги Карпатаздаги Украиналъул Миллияб Цолъиялъ Дон, Терек, Кубань ва Черноземье абулел бакIаздаса гIурус миллаталъул гIолохъаназе яравуллъиялъул мархьиял гIуцIизехъин ругин абураб. Рехсарал бакIазда Украиналъул миллатчагIаз абулеб буго гьеб бугин букIинесеб ГIурусазул автономияилан. Сундул мурад бугеб гьелъул?
Июнь 07, 2013
Россиялъ Европаялъе газ биччалебгIан мехалъ ритIухълъи букIинадай?

Европяалъул диваналъ 6 июнялда Россия гIайибияблъун рикIкIана Гъабардагун-Балкариялъул 50 сиясул ва чачаназул чIварав президент Аслан Масхадовасул гIага-божаразул ихтиярал хвезариялда бан. Амма рехсараб кIиябго рахъ гьеб хIукмуялда разияб гьечIо.
Июнь 06, 2013
Сириялда Ливаналъул гражданияб рагъги байбихьана

Сириялъул яргъидгIуцIараб оппозициялъ «ХIизбуллагь» абулеб шигIитазул гIуцIиялде данде фронт рагьун буго Ливаналъул территориялда. «Аль-Маядин» телеканалалъул баяналда рекъон 5-билеб маялъул сардилъ анцI-анцI ракета биччан буго Бекаа абулеб жаниблъиялда бугеб Баальбек шагьаралде. Гьелъул хIасилалда Ливалда лъабго чи лъукъун вуго.
Июнь 04, 2013
«Кавказалда конфликтал байбихьана империя бачIараб мехалда»

Гуржиялда бугеб Лопота абулеб кIкIалахъ ккаралъул хIакъалъулъ нижеца чанги баян гьабуна цебе. Гьале Чачаназул Ичкерияин абулеб республикаялъул хасаб комиссиялъ къватIибе биччана хасаб доклад. Гьениб мухIканаб бицен унеб буго 2012 соналъул 29 августалда лъугьа-бахъаралъул хIакъалъулъ.
Июнь 03, 2013
Амиров кквеялдаса Дагъистаналда ругел проблемаби тIагIинаро

Дагъистаналъул бетIерлъун заманалъ тIамурав Рамазан ГIабдулатIиповас лъазабуна, СагIид Амиров кквей – гьеб бугин Дагъистаналде Путинил низам бачIин.
Июнь 02, 2013
«НекIо заманалда имамзабазул аттестациял рукIинчIо»

Цебе нижер мухбирзабаз чанго баянал гьаруна Дагъистаналда байбихьараб росдал мажгитазул имамзабазул аттестациялъул темаялда тIасан. Гьаб нухалъ баянал гьарулел руго динияб идараялъул пресс-секретарас ва тарихиял гIелмабазул докторас.
Май 28, 2013
Плотниковас Царнаевасе асар гьабун букIанищ?

Гьалкъояз Цолъарал Штатазул ва Канадаялъул прессалъ нахъеги борхизабуна Бостоналда гьабураб теракталъул тема. Гьаб нухалъ бицен унеб буго Россиялда гьавурав ва хадув Канадаялде гочун гьеб улкаялъул гражданлъи щварав Уильям Плотниковасул хIакъалъулъ. БукIанищ-букIинчIищ гьесул бухьен вацал Царнаевасулгун. Гьале гьадинаб суал цебе лъолеб буго журналистаз.
Май 16, 2013
Къуран буссинаби ва дин лъазаби гъукъизе бегьулищ?

Араб анкьида Америкалъул Цолъарал Штатазул тIалъиялъул консультативияб комиссиялъ лъазабуна Иранги, ГIиракъги, Пакистанги, Узбекистанги, Тажикистанги, Туркменистанги кколин диниял эркенлъаби хъачIго хвезарулел улкаби. Докладалда рехсон буго Россияги.
Май 15, 2013
БукIине бугищ Сибиралда халифат?

«Комсомольская правда» газетаялъ иргадулаб макъалда къватIибе биччан буго Россиялъул жанисел регионазда ругел Кавказ миллатазул гIадамазул хIакъалъулъ. Гьаб нухалъ бицен унеб буго Сургуталда лъугьа-бахъаралъул.
Май 14, 2013
ТIугьдулги экстремизмги

«Макка» ян абураб Петербургалъул бусурбабазул жамгIияталъул бетIер Ринат Валеевас Интернеталда загьирабуна Муфтиязде гьабураб жиндириго хитIаб. Гьес абулеб буго ЦIар Лъаларев Солдатасул хобалда тIад тIугьдул лъей Ислам диналде данде кколареб гIадат бугин ва киналго муфтиязде ахIи бана гьелдаса инкар гьабиялде.
Май 13, 2013
Саакашвилица цебесеб хIукумат ритIухъ гьабулеб буго

Гуржиялъул президент Михаил Саакашвилица иргадулаб нухалъ лъазабуна улкаялъул цебесеб хIукуматалъул кинаб гIаги хурхен гьечIин чачан миллаталъул яргъид гIуцIараб къукъаялъ гьениб рагъулаб яравуллъи гьабун букIиналде.
Апрель 24, 2013
Рингалда кьолеб тарбия

Чачан республикаялъул бетIер Къадиров Рамзаница гIайиб ккарал жиндирго хъулухъхчагIазе тамихI гьабиялъул цIияб къагIида ургъун буго. Масала гьаб анкьалда гьес боксалъул рингалде ахIана спорталъул министр.
Апрель 18, 2013
«Мекъаб тарихги буго - колониалияб политика»

Дагъистан хIадураб буго Россиялде гъорлъе иналдаса 200 сон тIубай кIодо гьабизе. Гьадинаб лъазаби баккана гьалкъояз прессалда. Ва гьединаб жигаргун цеве вахъана республикаялъул бетIерлъун заманалъ тIамурав ГIабдулатIипов Рамазан. ГIелмияб рахъалъан гьеб гъалатI бугин абулеб буго цо-цо гIалимзабаз.
Апрель 03, 2013
Дагъистаналъе цIияб къанун

Россиялъул губернаторазул рищиязул цIияб къанун къабул гьабун буго хас гьабун Шималияб Кавказалъул республикабазул бутIрул рищиялда бан. Гьелда рекъон, республикабазул бутIрузе рес кьолеб буго рищиязул къагIида жидецаго тIаса бищизе. Гьедин бугониги гьезул цо-цоял хIIдурал руго гIаммал рищиязде.
Апрель 02, 2013
«Рилълъа, васал, кIкIалахъе»

Гъоркьиса август моцIалъ Гуржистаналда бугеб Лопота абулеб кІкIалахъ лъугьа-бахъаралъул цIех-рех байбихизе бегьулилан абулеб буго Гуржистаналъул омбудсмен Учи Нануашвилица. ХIадур гьабураб докладалда гьес абулеб буго доб хIужаялда такъсирчилъиялъул лъалкIал ратун ругин.
Март 23, 2013
Британиялда Путинил тушман Березовский хвана

Британиялъул полициялъ лъазабуна 67 сон барав Борис Березовскиясул хвелалъул цIех-рех байбихьун бугин. Цебеккунго гьабураб баяналда рекъон гьеб бугин бичIчIизе захIматаб хвел. Щиб гьелъие гIиллалъун ккун бугебали жеги лъалеб гьечIо, гьеб инфарктги батилин, живго жинцаго чIвайги батилин абулеб буго цIех-рехчагIаз ва цогидаз.
Март 15, 2013
Туснахъазда ругел кавказиял гьенир даимго рукIине кколищ?

Россиялъул туснахъазда жанир ругел г1адамазул зах1матаб къисмат бугин абулеб буго инсанасул ихтиярал гьелъие г1емерал мисалалги рачулаго. Ахирисеб мехалда ц1ияб пашманаб г1адат баккун буго Россиялъул туснахъалъул системаялда – жанир ругел кавказиял эркенлъуде риччангут1и мурадалда гьел рикъи.
Март 14, 2013
Рамзанги Рамазанги

Дагъистан Республикаялъул бетIерлъун заманалъ тIамурав ГIабдулатIипов Рамазаница 13 марталда сапар бухьана Чачан республикаялде ва данделъана гьелъул бетIер Къадиров Рамзангун.
Март 11, 2013
Мажгит бай – кири буго, гьеб халкъалъе балеб бугони

Чачан республикаялъул бетIер Къадиров Рамзанил хиял буго ГIизраилалда кIудияб мажгит базе.
Март 08, 2013
"Цоязе - цо къанун, цогидазе - цогидаб" - 2

2013 соналда Россиялъул 9 регионалда тIоритIила бутIрузул рищиял. ТIалъиялъул хиял буго Дагъистаналдаги Гъалгъастаналдаги гIаммал рищиял нахъе рахъизе. Гьеб суалалда тIаса жиндирго пикраби Эркенлъи радиоялъе загьирабуна гIемерал соназ Дагъистаналъул Рищиязул Централияб комиссиялда хIалтIулев вукIарав юрист Сулайманов Сулайманица. VIA Skype.

Загрузить еще

XS

SM

MD

LG