Рубрики

Новость часа

БисавгIалиев МухIамад

Автор БисавгIалиев МухIамад

Ноябрь 25, 2015
"Меседил лълъараниб лъама-гIаракъи..."

Россиялъ Шималияб Кавказ империялъул гIурхъабазда жанибе бачун хадуб гьаниб тIоцебесеб иргаялда банила Петровскиялда танхьил, хъалияназул фабрикаги, Темихан-Шураялда гьакълил заводгиян цIалун букIана цо бакIалда.
Ноябрь 24, 2015
Гьонода гуребги хутIила дур цIар...

Араб рузман къоялъ ХIамзатовасул къотIноб М.Горькийил цIар кьураб гIурусазул театр тункун цIун букIана шагIир МухIамад АхIмадовасда баркизе бачIараб гIаламалъ.
Ноябрь 23, 2015
"Жеги къачIеб мажгит телариланищ?.."

Котровасул къотIноб бугеб салафиязул мажгиталда имам хиси гъалатIлъун рикIкIине бегьула лъил рахъалдаса гьеб гали батаниги. Киналго диназе, хIатта дин гьечIезецин ращадал ихтиярал кьолеб конституциялдаги, "диналъулъ хIалица дин гьабизе тIами" гьечIин абулеб Аллагьасул калам Къуръаналдаги данде кколареб жо гьаби цо хасал къокъабазул политикияб провокация гIадин бихьулеб буго.
Ноябрь 21, 2015
Баркала, Сергей Борисович...

"Терроризмаялда данде къеркьеялъулъ парламенталъул пикру аслияблъун кколаро" - ян абурал президентасул администрациялъул нухмалъулев Сергей Ивановасул рагIаби ругин абизе бегьула тIалъикодосез къанагIатго бицунел ритIарал рагIаздаса цояллъун. Щиб хIисаб тIадегIанав хIакимчиясул гьал рагIабалъ букIарабали абизе захIмат буго, амма гьел рагIаби руго магIарулаца абухъе тIехь бакьулъа рагIаби. РачIаха хIисаб гьабизе кинаб букIараб цIияб Россиялъул парламентизмалъул тарих. Щай жакъа Ивановас гьедин абураб? Хал гьабилин цересел соназул.
Ноябрь 20, 2015
Щай Данияловас ва Расулица Шамил какарав?

Тарихиял цIаразда сверухъ цIакъ гIемер маргьабиги, ургъун рахъарал, гIадамаца жидерго гIиналда рагIизе бокьарал жал рукIуна рицунел. КигIанго жиндир хIакъалъулъ бицен гьабулев чи машгьуравги, лебалавги вугевгIан гьесул рахъалъ бицунеб хабарги букIуна хIакъикъаталдаса кьурараб, рикIкIадаб, санаца, гIасрабаца тIад гIадамаз батIи-батIиял кьерал, релъаби, лажбарал рахъараб.
Ноябрь 19, 2015
Лъебелас кьураб гIакълу ва кватIараб кантIи

Блокноталдаса хъвай-хъвагIаял
Ноябрь 18, 2015
ХIалихьат бергьунеб рагъ ва цIияб заман

ХIХ абилеб гIасруялда гIурусазул дворяназдагун аристократиялда гьоркьоб бокьараб жагъалаб, чиясул къадруялда хъинтIараб рагIухъ дуэлалде ахIулаан. Гьеб къадру цIуниялъул къануналда рекъон, тохаб, ургъичIеб рагIул къурбаналлъун кколаан битIун завалалда ругел гIолохъаби. Гьениб хасаб лебаллъиялда ва бахIарчилъиялда бараб жоги дагьаб букIана. Икъбал битIун ккеялда, цебе кьвагизе щвеялда, гIемерисеб мехалда эхеде реххараб гIабасиялъ къотIулаан чиясул къисмат. Гьеб гIадаталъ битIахъе харицелалъ чIахI гIадин рецана чанги лебалал гIолохъаби ва цере тIурал гIадамал.
Ноябрь 17, 2015
Туризмаялъул министерство ва картошка

"2025 абилеб соналде щвезегIан Шималияб Кавказ цебетIезабиялъул программаялда Россиялъул хIукуматалъ ва инвестораз харж гьабизе бугеб гIарцул къадар бахине буго 4 триллион гъурущалде" - ян хъвалеб бук1ана 2011 абилеб соналъ республикаялъул прессаялъ.
Ноябрь 16, 2015
ГьечIо авар мацIалъе фестиваль гIадинаб жо

Метер ДГУялда тIобитIизе буго миллиял мацIал цIуниялъул фестиваль. Гьеб фестиваль тIобитIиялъул аслияб мурадги рагIула гьелъул хIасилалда холел мацIал чIаго гьари, мацI бицунеразда бицинаби ва милиял газетал цIалуларезда цIализаби.
Ноябрь 14, 2015
Байрамазул, баркиязул ва хIакимзабазул хIакъалъулъ

Дагьал церегIан къояца социалиял сайтазда унеб букIана цо дагIба улкаялда тIоритIулел байрамазда хурхун. Россиялда цолъиялъул къолъун лъазабураб ункъабилеб ноябрь лъугьун буго улкаялда цолъиялъул гуреб миллатал ва динал рикьизарулеб къолъун. Гьел къоязда Россиялъул шагьаразда къватIир рахъула миллатчагIи улка чIегIераздаса цIунизеян цоял, мигрантаздаса цIунизеян цогидал, кIияздасагоян лъабилел. Щиб жо кколеб гьеб байрамкъо? Гьаб хъвай-хъвагIаялъул аслияб пикру букIине буго гьел "байрамал" щал ва лъица гьел тIоритIулел абурал суалазда тIад ургъи. Гьебги гьабизе ккола нилъеца цадахъ - бицунев дицаги, гIенеккарал (макъала цIалулел) нужецаги.
Ноябрь 13, 2015
Имамасул Иван гьавулеб кино ва цIиял "тарихчагIи"

"ХъахIаб чалмаялъулъ, чергесаб ратIлилъ, Чарамул хвалчада квегIаб кверги лъун, Гучав имамасул къадруяб сурат, Къояца букIана нижер къеда бан..." абурал мухъал рагIичIев чи магIарулазда гьоркьов къанагIат гурони ватиларо.
Ноябрь 12, 2015
"ГIомо борлъулел чагIи" ва гIадада чIвалеб заман...

"Гьабизе жо тIагIун батани гIомо борлъе" - ян абула магIарулаца щиб гьабилебали лъаларого гIадада тирулев чиясда. Дун гьитIинаб мехалда магIарухъ росдал годекIанир ракIарарал гIадамаца годекIанирги кIусун байбихьулаан бихьа-рагIарарлъул бицине. Гьезда гьоркьов вугев анцIгоясдаса кIиго-лъабго чиясниги кIичIвалеб носоца нухда батараб гIучI, цIулал къотIел цо щиб бугониги бус-буссунаан. ТIубараб къоялъ цIулада тIадеги къулун гьебгун квал-квадулел рукIунаан харбихъги гIенеккун.
Ноябрь 11, 2015
Мун лъил чи?

Россиялдаги Дагъистаналдаги хъулухъалъул ракьанда вугев чи кидаго вукIуна цо «лъилалиго чи». ГIемер рагIана нилъеда гьелъул бицунеб – «президентасул чи», «мэрасул чи», щивалиго авторитетас хъулухъалда лъурав чиян бицунеб. СанагIат гьечIеб жо букIуна гьеб саламатав, эркенаб пикруялъул магIарул чиясе «мун лъил чи?» ян кьолеб суал. Гьелдасаги квешаб буго дуда гьикъичIого мун лъиеялиго кьей.
Ноябрь 10, 2015
ТIарада - жагьиллъи, ахада - бецIлъи

Академик Шамил ГIалиевасда республикаялъул бетIерас тIоцебесеб иргаялда кIвар буссинабизе кколел суалал щалин гьикъарабго, гьес кьун букIана киналго академикаца кьолеб гIадаб жаваб - лъайкьеялда тIад хIалтIизе кколин. КIиабилеб суал щибан гьикъани, кIиабилабги гьеб кIикъоабилебги гьебин абуна Шамилица. Лъайкьейгун культура борхичIого щибниги нилъеда экономикаялъулъги, нухмалъиялъулъги, гIумру цебе бачиналъулъги гьабизе кIоларо.
Ноябрь 09, 2015
Кириллги килисаги, гьелда сверухъ бахIсалги

Насраниязул кашиш Кириллица пролетариатазул вождь Сталиниде гъегъ бай тIубанго битIараб гьечIин абураб пикруялъ кьвагьизе рахъана ритIахъе социалиял гьинал ва гьенибе ккараб жули-гIалам. Каламалъул стеннограмма цIаларабго щибниги бегьулареб жо абун гьечIоан гьениб, реакция кьуна гьел рагIаби улкаялъул рухIияв цевехъанасул кIалдиса арал рукIиналъ.
Ноябрь 08, 2015
Нахъойги митингал, лъарагI миллаталъул ракь ва магIарул росаби

Советияб пачалихъалъул плановияб экономикаги, гIаммал магIишаталги, цо хIарччиниса киналго кваналеб къагIидаги лъугIаралдаса нахъе магIишатазул буголъи, хасго лъарагIлъиялда ругел ракьал хутIана кинабгIаги статус гьечIого.
Ноябрь 06, 2015
"Сумма" компанияги дуниялалда ва ахираталда ритIун кколеб хIалтIиги

"Барселона" абураб клубалъул футболист Лионель Мессие лъагIалие 65 миллион евро щолеб бугин рагIидал цо магIарулас дарс цIалулев васасухъа тIехь нахъе бахъун бугила "вилъа а, футбол хIай вилъа, дур физикаялъ хъизан хьихьуларо..."- ян. КигIан гIемер гIаламалда диналъги, мактабазги, пачалихъалъги ритIун хьваде, закон цIуне, шаргI хвезабугеян малъаниги гьеле гьеб "гъурущ" абураб хIалкIолъиялъ тIалъи босулеб букIун буго кидаго.
Ноябрь 05, 2015
ГьоцIо - мохмохалде, нах - тIатIиялде...

Машгьураб кинофильмалда бандитаз, кинха нилъеца гIумру гьабизе бугеб жакъаялдасаян гьикъарабго актер Евгений Матвеевас жаваб кьолеб буго: "Намусалъ малъухъе..."- ян. Гьеле гьеб "намус" абураб жо буго хъвадарухъабаца тIахьазулъги, дибирзабаца вагIзаялъулъулъги, гIадамаца жидедаго гьоркьобги цIакъ гIемер хIалтIизабулеб жо. Я балагьун бихьулареб, я квашун батулареб, щивасда жиндирго къагIидаялъ бичIчIулеб.
Ноябрь 04, 2015
Гьаби цIунулезда лъалел, бусурбабазда лъаларел ихтиярал

Политикияб бичIчIи гIадамазухъе щола улкаялда лъугьа-бахъунелда хадуб хал ккун ва гьелда гъорлъ гIахьаллъун. Нилъ, дагъистаниял гьеб рахъалъ кьижун руго, рорчIизе заман цебего щваниги кьижун руго.
Ноябрь 03, 2015
РакIалдещвеязул щенон балеб цIад...

(Фазул вечер, МахIачевасул гъутухъ, Сайгидпашагун даргиялъ ахIулеб авар кечI)

Загрузить еще

XS

SM

MD

LG