МоцI сверун батиларо СултIанянгъиюрталда росдал магIишаталъул форум тIобитIаралдаса. Гьеб форумалда Гъизилюрт районалъ гьалбадерида рихьизарулел рукIана росдал магIишаталъул рахъалъ жидер бугеб техника, боцIи-панз, чуял, къиматал цIаказул гIунхрул ва гIи-цIани. Гьезул хал-шалги гьабун республикаялъул бетIерас хIасилал гьаруна росдал магIишаталъул хIалтIул, кьуна лъикIазе шапакъатал, гьаруна бадирчIваял квешазе, вахъана хъулухъалдаса министр. ХIасил калам, росдал магIишат буго чIван къотIун пуланаб болжалалде ролъ, хIан, яги гьан гьечIони гьелъул жавабиял хIисаб кьезе тIамулеб отрасль. Гьелъул щай бицунеб бугебали бичIчIила нужеда гъоркьехун бицунелъухъ гIенеккун.
