ГIумру нахъе араб анцIго бакI

Приморье. 206 номералъул ремонталъул завод чIобого буго щуго соналъ. Рагъулаб техникаялъул аслияб бутIа бикъун буго металлолом хIисабалда.

 

Москва. Ховринил азархана. Гьеб байбихьун бук1ана базе 1980 соназдаго. Гьеб объкт лъугIинабичIого хутIана. Гьеб объекталда сверун руго гIеме-гIемер харбал. Гьеб, цояз абухъего, кколеб буго "квешлъиялъул центр", гьенир данде ракIарулел руго "готал" ва батIи-бат1иял субкультураялъул гIадамал.

 

Припять. 1986 соналда Чернобылалъул атомияб станциялда авария ккун хадуб, гьенисан гIадамал тIагIана. 

Соцлагералда гъорлъ букIараб Румыниялдаги цо заманалда гIуралъ цебетIураблъун рикIкIунеб букIараб Рошия Поени абураб пахь бахъулеб шахта гьанже буго реххун тараб карьер ва экологияб катастрофаялъул бакI.
 

Чадыр-Лунга абураб Молдовалъул шагьаралдаса аэропланал роржунел гьечIо 20 соналъ. СССР биххун хадуб улкаялъул нухмалъиялъе ресал гIун гьечIо гьеб шагьаралъул аэропорталъул гIумру халат бахъинабиялъе.