29 июналъул сардилъ щалали лъаларел чагIаз Хасавюрталда Казбек Алхаматовасул рукъ кьвагьизабун буго.
Къуваталъул идарабазул баяналда рекъон кьвагьиялъул хIасилалда лъиениги зарал ккун гьечIо. Рукъалъул бетIергьабаз бицухъе сардилъ маскабиги тIадхун ункъояс гьел рокъоса къватIире лъугьинарун руго. Гьелдаса хадуб минаги кьвагьизабун буго. Дагъистаналъул Жанисел ишазул министерлъиялъул баяназда рекъон кьвагьулеб алаталъул къуват бахунеб буго 50 тротилалъул килограммалде. Казбек Алхаматов ккола 2009 соналда чIварав Хасавюрт мухъалъул бетIер ГIалим Алхаматовасул вацасул вас.Ч1варав имгIаласул букIараб хъулухъалде вачIине ракIалда букIанин гьесда, гьединлъидал гьев хIинкъизавиялъе кьвагьизабун бугин минайилан лъазабулеб буго гьесул сверухълъиялъ.