АрбагI къоялда Прагаялда байбихьана исана ихдал Дагъистаналда ругел террористазе квер-бакъи гьабиялда щаклъи букIунин ккурал болгаралгун дагъистаниязда тIад диваналъул процесс. Диваналда цеве эхетарав анкьго чиясул лъабгоясда гьанже гIунтIизабулеб буго гьереси документал гьари абураб гIайиб, хутIарав ункъгоясда цебе гIунтIизабулеб букIараб Дагъистаналда терроризмалъе квер-бакъи гьаби абураб гIайиб.
Диваналда цеве эхетун вуго анлъго бихьинчиги цо чIужугIаданги. Гьезулги лъабгояв вуго дагъистанияв, цо молдованав ва лъабгоял кколел руго болгарал.
«Ункъго чиясда: ГIалиев ТIагьирида, Къурбанов Залимханида, Надиров Камилида ва Шаповалов Леонидида гIунтIизабулеб буго дагъистаналда ругел террористиял къукъабигун бухьен бугел гIадамазе гьересиял документал гьариялъул гIайиб. Гьел къукъабазда гьоркьосанги рехсолеб буго «ДжамагIат ШаригIат» абулеб исламияб къукъа»-ян абулеб прокурор Питер Босил рагIаби кьолел руго чехазул информалатаз.
Гьеб къукъаялда щивасул букIанин жиндирго хIалтIи. Цояз документал гьарулел рукIанин, цогияз тIиритIизарулел рукIанин, лъабабилез финансазул тIалаб гьабулеб букIанин абулеб буго низам цIунулез. Документалги гьарулел рукIанин Чехиялда хадур щвезарулел рукIанин Алманиялда гIумру гьабун ругел дагъистаниязухъейин хъвалеб буго чехазул информалатаз.
Амма жиндир клиент ГIалиев Аликбер къукъаялда хIалтIулев вукIинчIин, гьес документал жинцаго гьарулелги рукIинчIин, террористиял къакъабигун бухьен бугезулгун гьесул гIаммаб жоги букIинчIин бицана гьересиял документал гьариялъул гIайиб гIунтIизабулев ГIалиев Аликберил адвокат Фркалова Ярославаца.
Фркалова Ярослава: «Дир клиентас диванханаялда абуна жинца гьарулел рукIанин гьересиял документал гьелдаса жив цIакъ рекIекълъунги вугин. Амма гьел документал хIалтIизарунин ккурав цониги террорист яги терроризмалда гIахьаллъи бугев чи гьечIо. Гьел хIалтIизарулел рукIун руго масала Германиялда автомашина бачине изну кьолел документал полициялъ нахъе росарал яги ругезда рекъон автомашина бачине ихтиярал гьечIел чагIаз. Масала нухлул низам хвезабунин абурал «бодал» 18 нухалда чиясе щун ругони, лъагIалица автомашина бачине ихтияр букIунаро гьесул. Гьединлъидал гIадамаз гьарулел рукIун руго гьереси документал».
Диваналъул процессалда ГIалиев ТIагьирица бицун буго жинца лъабго нухалда лъабго батIияв жинда лъаларев чиясухъе лъабго рахараб конверт кьунин, гьезда жаниб щиб букIарабалиги жинда лъалароанин, щибаб конверталъухъ жиндие 50 евроги кьунин. Террористазулгун жиндир кинабгIаги бухьенги букIинчIин.
Гьез гьарурал гьереси-документалгун кодор ккурал чIагIи ругищин яги ккурал ратаниги, гьел террористал рукIин чIезабун бугищан гьикъана нижеца адвокаталда.
Фркалова Ярослава: «ГьечIо, гьечIо гьедин ккурав цониги чи. Гьедин хъварал батIи-батIиял гIемерал кагътал руго, амма цониги терроризмалъул гIайиб тIад чIезабулеб цониги далил гьечIо».
Гьересиял документал гьарулел рукIун руго 2008 соналъул ноябралдаса 2011 соналъул июлалде щвезегIан. Диванаханаялда рихьизарурал хIужабаздасан бичIчIулеб бугин гьезда хадуб хал ккун букIараблъи, чанго нухалда документазухъ гIарац кьеялъул хIужаги тIатинабизе кIун бугин хъвалеб буго чехазул прессаялъ. Гьеб къукъаялдаса цо-цояз цебе гIумру гьабулеб букIун буго Алманиялда. Гьениса гьел Чехиялде гочараб мехалда немцазул полициялъ документал кьун руго чехазухъе. Амма гьезда гьоркьов цониги терроризмалда щаклъи бугев чи вукIаравани немцаз гьев Чехиялде виччазе вукIиналда щаклъи бугин жиндирин абуна Ярославаца.
Фркалова Ярослава: «Цониги террорист гьезда гьоркьов вукIаравани, дида кколаро немцаз гьев Чехиялде ине виччан тезе вукIанин. Гьез рачIарал кагътазда хъвалеб букIана гьезул терроризмалда гIахьаллъи бугищали хал гьабизе кколин».
Документал лъил цIаралда гьарулел рукIарал? Масала Дагъистаналдаса пуланав МухIамадие бусурбабазул цIаралдайищ гьарулел рукIарал документал европалъулазул цIаралдайищ?
Фркалова Ярослава: «Документал гьарулел рукIана болгаразул цIаразда. ТIаде балагьун рихьизе цоцазда релъарал рукIиналъ гьарулел рукIун ратизеги рес буго. Масала, Алманиялда автомашина бачунев дагъистанияс полициялда рихьизарулел рукIун руго болгарасул цIаралда ругел документал. Дица дагIба балеб гьечIо чехазул полициягун, дица абулеб гьечIо гьеб къануна хвезаби гурин. Гьеб буго къанун хвезаби, тамихI гьабизе кколаха жинца гьабураб такъсиралъухъ».
Чехазул рахъалъе гьел чагIазда терроризмалъе квер-бакъи гьабулеб букIиналъул гIайиб тIад чIезабиялдасан кинаб букIаниги пайда букIине рес бугищ? Дуца бицухъе, гIиллаго гьечIого, терроризмалъул гIайиб кин гIунтIизабизе бегьулеб демократияб улкаялда?
Фркалова Ярослава: «Дида лъаларо чехазе гьелдаса бугеб пайда щибали. Дида биччулебцин гьечIо гьеб ишалда хурхун терроризмалъул щай бицунеб бугебали. Чехазул полициялдаги руго цIакъ гIакъилал гIадамал. БичIчIулеб буго гьереси документал гьарун рукIин, гьедин къанун хвезабун буго, терроризмалъул суал гьениб кисан баккарабали бичIчIулеб гьечIо. Гьелде тIадеги терроризмалъул рахъ кколеб букIиналъул хIужа чIезабулел далилалги гьечIелъул. Дида ккола терроризмалъе квербакъулел ккунинги лъазабун, гьез байбихьудасанго гIалатI гьабун бугин, гьанже гьелъие мукIурлъизе гьезие бокьун гьечIин».
Адвокаталъ бицухъе, гьеб къукъаялъул киназго полициялъ жал кквелалде лъагIелалъ цебе чIезе тун букIун буго жидерго къануналде данде кколареб хIалтIи-пиша.
Диванханалъул процесс гIагарал къоязда халат бахъине буго. Гьересиял документал гьарулел рукIанин гIайиб тIад чIезабуразе кьезе рес буго шартI бихьизабураб лъабго соналдаса туснахъалъул анцIго соналде щвезегIан. Гьеб бараб букIине буго такъсир къукъаялдайищ гьабураб цо жинцагойищ гьабурабин абуралда. Гьезул терроризмалъулгун бухьен букIин чIезабуниги бихьизабулеб буго туснахъалъул анцIго сон.
«Ункъго чиясда: ГIалиев ТIагьирида, Къурбанов Залимханида, Надиров Камилида ва Шаповалов Леонидида гIунтIизабулеб буго дагъистаналда ругел террористиял къукъабигун бухьен бугел гIадамазе гьересиял документал гьариялъул гIайиб. Гьел къукъабазда гьоркьосанги рехсолеб буго «ДжамагIат ШаригIат» абулеб исламияб къукъа»-ян абулеб прокурор Питер Босил рагIаби кьолел руго чехазул информалатаз.
Гьеб къукъаялда щивасул букIанин жиндирго хIалтIи. Цояз документал гьарулел рукIанин, цогияз тIиритIизарулел рукIанин, лъабабилез финансазул тIалаб гьабулеб букIанин абулеб буго низам цIунулез. Документалги гьарулел рукIанин Чехиялда хадур щвезарулел рукIанин Алманиялда гIумру гьабун ругел дагъистаниязухъейин хъвалеб буго чехазул информалатаз.
Амма жиндир клиент ГIалиев Аликбер къукъаялда хIалтIулев вукIинчIин, гьес документал жинцаго гьарулелги рукIинчIин, террористиял къакъабигун бухьен бугезулгун гьесул гIаммаб жоги букIинчIин бицана гьересиял документал гьариялъул гIайиб гIунтIизабулев ГIалиев Аликберил адвокат Фркалова Ярославаца.
Фркалова Ярослава: «Дир клиентас диванханаялда абуна жинца гьарулел рукIанин гьересиял документал гьелдаса жив цIакъ рекIекълъунги вугин. Амма гьел документал хIалтIизарунин ккурав цониги террорист яги терроризмалда гIахьаллъи бугев чи гьечIо. Гьел хIалтIизарулел рукIун руго масала Германиялда автомашина бачине изну кьолел документал полициялъ нахъе росарал яги ругезда рекъон автомашина бачине ихтиярал гьечIел чагIаз. Масала нухлул низам хвезабунин абурал «бодал» 18 нухалда чиясе щун ругони, лъагIалица автомашина бачине ихтияр букIунаро гьесул. Гьединлъидал гIадамаз гьарулел рукIун руго гьереси документал».
Диваналъул процессалда ГIалиев ТIагьирица бицун буго жинца лъабго нухалда лъабго батIияв жинда лъаларев чиясухъе лъабго рахараб конверт кьунин, гьезда жаниб щиб букIарабалиги жинда лъалароанин, щибаб конверталъухъ жиндие 50 евроги кьунин. Террористазулгун жиндир кинабгIаги бухьенги букIинчIин.
Гьез гьарурал гьереси-документалгун кодор ккурал чIагIи ругищин яги ккурал ратаниги, гьел террористал рукIин чIезабун бугищан гьикъана нижеца адвокаталда.
Фркалова Ярослава: «ГьечIо, гьечIо гьедин ккурав цониги чи. Гьедин хъварал батIи-батIиял гIемерал кагътал руго, амма цониги терроризмалъул гIайиб тIад чIезабулеб цониги далил гьечIо».
Гьересиял документал гьарулел рукIун руго 2008 соналъул ноябралдаса 2011 соналъул июлалде щвезегIан. Диванаханаялда рихьизарурал хIужабаздасан бичIчIулеб бугин гьезда хадуб хал ккун букIараблъи, чанго нухалда документазухъ гIарац кьеялъул хIужаги тIатинабизе кIун бугин хъвалеб буго чехазул прессаялъ. Гьеб къукъаялдаса цо-цояз цебе гIумру гьабулеб букIун буго Алманиялда. Гьениса гьел Чехиялде гочараб мехалда немцазул полициялъ документал кьун руго чехазухъе. Амма гьезда гьоркьов цониги терроризмалда щаклъи бугев чи вукIаравани немцаз гьев Чехиялде виччазе вукIиналда щаклъи бугин жиндирин абуна Ярославаца.
Фркалова Ярослава: «Цониги террорист гьезда гьоркьов вукIаравани, дида кколаро немцаз гьев Чехиялде ине виччан тезе вукIанин. Гьез рачIарал кагътазда хъвалеб букIана гьезул терроризмалда гIахьаллъи бугищали хал гьабизе кколин».
Документал лъил цIаралда гьарулел рукIарал? Масала Дагъистаналдаса пуланав МухIамадие бусурбабазул цIаралдайищ гьарулел рукIарал документал европалъулазул цIаралдайищ?
Фркалова Ярослава: «Документал гьарулел рукIана болгаразул цIаразда. ТIаде балагьун рихьизе цоцазда релъарал рукIиналъ гьарулел рукIун ратизеги рес буго. Масала, Алманиялда автомашина бачунев дагъистанияс полициялда рихьизарулел рукIун руго болгарасул цIаралда ругел документал. Дица дагIба балеб гьечIо чехазул полициягун, дица абулеб гьечIо гьеб къануна хвезаби гурин. Гьеб буго къанун хвезаби, тамихI гьабизе кколаха жинца гьабураб такъсиралъухъ».
Чехазул рахъалъе гьел чагIазда терроризмалъе квер-бакъи гьабулеб букIиналъул гIайиб тIад чIезабиялдасан кинаб букIаниги пайда букIине рес бугищ? Дуца бицухъе, гIиллаго гьечIого, терроризмалъул гIайиб кин гIунтIизабизе бегьулеб демократияб улкаялда?
Фркалова Ярослава: «Дида лъаларо чехазе гьелдаса бугеб пайда щибали. Дида биччулебцин гьечIо гьеб ишалда хурхун терроризмалъул щай бицунеб бугебали. Чехазул полициялдаги руго цIакъ гIакъилал гIадамал. БичIчIулеб буго гьереси документал гьарун рукIин, гьедин къанун хвезабун буго, терроризмалъул суал гьениб кисан баккарабали бичIчIулеб гьечIо. Гьелде тIадеги терроризмалъул рахъ кколеб букIиналъул хIужа чIезабулел далилалги гьечIелъул. Дида ккола терроризмалъе квербакъулел ккунинги лъазабун, гьез байбихьудасанго гIалатI гьабун бугин, гьанже гьелъие мукIурлъизе гьезие бокьун гьечIин».
Адвокаталъ бицухъе, гьеб къукъаялъул киназго полициялъ жал кквелалде лъагIелалъ цебе чIезе тун букIун буго жидерго къануналде данде кколареб хIалтIи-пиша.
Диванханалъул процесс гIагарал къоязда халат бахъине буго. Гьересиял документал гьарулел рукIанин гIайиб тIад чIезабуразе кьезе рес буго шартI бихьизабураб лъабго соналдаса туснахъалъул анцIго соналде щвезегIан. Гьеб бараб букIине буго такъсир къукъаялдайищ гьабураб цо жинцагойищ гьабурабин абуралда. Гьезул терроризмалъулгун бухьен букIин чIезабуниги бихьизабулеб буго туснахъалъул анцIго сон.