Жакъа къоялда бакIал раялда сверухъ Дагъистаналда лъугьараб бичIчIизе захIматаб ахIвал-хIалалъул бицине июлалалъул ахиралда «Черновикалъул» конференц-залалде данделъана ралел бакIазда жидерго гIумру бухьинабурал чагIи. Бицунеб букIана жакъа гIемертIалаял минаби ралел бакIазул хважаинзаби- бечедал хIакимзабаз гьабулеб бугеб кIудияб заралалъул. Аслияб кIвар кьолеб букIана гьалдаса хадуб ралел бакIазул бизнес Дагъистаналда цебетIеялъе ругел масъалабазде.
Жакъа лъиениги баян гьабизе кколеб хIакъикъат букIинаро Дагъистаналда ралел бакIазул хIалIти цебетIун букиIн. Ралел руго минаби гIисиналги чIахIиялги, дармил централ офисал… гьаб сияхIалда гIей гьабуниги гIелин ккола.
Амма кигIан гIемерал ралел ругониги унтараб суал добго хутIун буго мискин халкъалъе. Жакъа гIемерисезул гьечIо рес майилан абун кIал цIураб багьаги кьун квартираби росизе.
Лъабго-ункъо рукъалъул абиларин, цо рукъалъул квартираялъул квадраталъул метрадухъ багьа жакъа 20 азарго гъурщидаса бахъараб буго МахIачхъалаялда.
Гьеб киналъулго хIакъалъулъ ва шагьаралад гIумру гьабун ругел гIадамазе учузаб багьаялда мина босизе бугеб ресалъул бицунеб букIана июлалъул 31-абилеб къоялъ «Черновик» газеталда данделъарал хасал предпринимателал хIисабалда жидерго гIарацги хIалтIизабун минаби ралел чагIаз.
Анкьабилеб июлалда Авар-театаралда букIараб данделъиялда гьез гIуцIун «Общество застройщиков Дагестана» абураб коммерциялъулаб гуреб партнерство.
Жакъа Дагъистаналда ралел щинал гIемертIалаял минабазул бетIергьаби кколин расги къоги бихьичIого бечелъарал хIакимзабиян бицана пресс-конференциялда Абакар Абакаровас.
ТIадехун рехсараб обществоялъул гIуцIиялъулаб комитеталъул нухмалъулев ккола гьев. РагIа-ракьанде щвараб каламалда гьес гIезегIан мухIканго бицана жакъа хъахIилаб экраналъ гьоркьо кодоб рекламаялда рехсолеб «Доступное жилье» абураб рагIул гьел чванта биццатаб къавмалъе ургъел гьечIеблъи.
Эбел-инсул боцIи гIадин шагьаралъул бищунго лъикIаб бакIалда бугеб ракьул бутIаги ккун гьенир минабиги ран жидеего гIарац ххалел ругин гьел. Гьеб «Доступное жильеялде» гIадатияб мискин халкъалъе хьул лъезе бегьулеб даражаялда хIалтIулел ругин жал - гьоркьохъел тIалаязул (щутIалаял минаби) минаби ралел застройщикал.
Амма жидер хIалтIуеги квал-квал гьабулеб бугин хIукуматалъ. Сон-церекъадги жидер пикруги гIахьал гьабун цадахъ хIадтIулел рукIарал шагьаралъул нухмалъиялъ жакъа чIезабун бугин ралел бакIазул хIалтIи.
БитIараб бугин жидер хIалтIулъги ругин гIемерал гъалатIал, экономикаялъул рагIдукье жал ккезаризе квербакъарал чагIи кколин жакъа нижеего квал-квал гьабулеб хIукуматилан бицана Абакарица.
Амма гьеб хIукуматалъул цо копейк гIарацги харж гьабичIого ранин МахIачхъалаялда аскIоб бугеб Семендералда минабиян бицана гьес хадубги.
Тахшагьаралда аскIор ругел бакIазда гьоркьоб бищун цебесеб бугеб бакI кколеб буго Семендералъ. Пресс-конференция унеб заманалда жаниб чанго нухалъ кIвар буссинабулеб букIана Абакарица шагьаралъул гьеб бутIаялде:
Абакар Абакаров: «Бокьани божа нуж бокьани божуге, амма Семендералда тIоцебесеб мина эхетаралдаса нахъе пачалихъалъ цониги гъурущ гьениб харж гьабичIо, цониги токалъул хIуби, лъим хьвадулеб мухъ, ясли-ахалъул мина, цониги бакIгьечIо гьез бан кьураб. Лъица гьеб кинабго бараб? ГIадатиял гIадамазул квераз. Гьениб гIахьаллъи гьабуна нижецаги».
Гьеб мухъалдаса гIебеде щуготIалаялъул минаби разе хIадурарал проектазул макет бихьизабуна Абакарица пресс-конференциялда. Гьес мисалалъе бачана жакъа къватIисел хIукуматазда ралел бакIазда гьоркьор кIудияб къиматалда ругин гьединал тайпаялъул минаби.
Квартира босизе бокьарав чиясе бигьаяб масъалаги лъолеб буго Абакарил проекталъ 12 азаргоялдаса 15 азаргоялде щвезегIан багьа буго гьениб цо квадраталъухъ. Гьедин мисалалъе 45 квадраталъул рукъ босизе унеб буго гIицIго 600 азарго гъурущ.
ГIицIгоян абуни гьебги дагьаб гIарац кколаро, амма шагьар бакьулъ ралел ругел 10 тIалаялъул минабахъ 20 -25 азарго гъурущ буго квадраталъул метраялъухъ:
Абакар Абакаров: «Гьале нижеца хIадур гьарурал проектал! Гьале! Щайха нижее рес кьолареб гьел гIумруялде рахъинаризе. Кье нижее ракьал. ТокIаб щибго къваригIинаро.
ГIарацги нижерго буго, архитекторалги руго, хIалтIухъабиги руго. Эркенго хIалтIизе щай ниж толарел? Бизнес классалъул минаби сундуе жакъа къваригIун ругел.
Разе риччай эконом классалъул тайпаялъул щутIалаял минаби. ГIадамазе кье хIалтIизе рес. Гьелда тIаде щай пачалихъалъ кIвар кьолареб. Жакъа тIубарал данделъаби тIоритIулел руго.
Сириялда унеб рагъулъ дагъистаниял гIахьаллъулел рукIиналда тIасан. Щиб гьез тIокIабги гьабилеб рохьореги къватIиреги инчIого?! ГьечIелъул гьезул я рукъ босизе, я лъикIаб хIалтIуде лъугьине рес.
ТIадежоялъе гьединаб рес къоIтраб гIумурялде кинаб нух тIаса бищизе колебали гьесда малъулел».
Дагъистаналъул нухмалъулесул ишал тIуразарулев ГIабдулатIипов Рамазанилгун гьел киналго суалал дандразе бокьун буго застройщиказул обществоялъул вакилзабазе.
КъватIиса хIукуматалде анани жидее кигIан бокьаниги хIалтIиги, хIалтIизе бигьаял шартIалги чIезарулин дора. Гьениб хIалтIун щолеб хайирги Дагъистаналда щолелдаги бащалъуларин.
Амма нижее гьеб хайираялдасаги гIагараб республикаялда хIалтIи билълъине бокьун бугилан цо кIалдисан гIадин кIалъалел рукIана гьеб данделъиялда гIахьалъарал ралел бакIалъул хIалтIухъаби.
Гъоркье бетIер бегьизе бакI гьечIого къварилъиялда ругел ракьцоязе санагIатал шартIазул минаби разе гъежгуризе мурад буго гьел киназулго.
Амма кигIан гIемерал ралел ругониги унтараб суал добго хутIун буго мискин халкъалъе. Жакъа гIемерисезул гьечIо рес майилан абун кIал цIураб багьаги кьун квартираби росизе.
Лъабго-ункъо рукъалъул абиларин, цо рукъалъул квартираялъул квадраталъул метрадухъ багьа жакъа 20 азарго гъурщидаса бахъараб буго МахIачхъалаялда.
Гьеб киналъулго хIакъалъулъ ва шагьаралад гIумру гьабун ругел гIадамазе учузаб багьаялда мина босизе бугеб ресалъул бицунеб букIана июлалъул 31-абилеб къоялъ «Черновик» газеталда данделъарал хасал предпринимателал хIисабалда жидерго гIарацги хIалтIизабун минаби ралел чагIаз.
Анкьабилеб июлалда Авар-театаралда букIараб данделъиялда гьез гIуцIун «Общество застройщиков Дагестана» абураб коммерциялъулаб гуреб партнерство.
Жакъа Дагъистаналда ралел щинал гIемертIалаял минабазул бетIергьаби кколин расги къоги бихьичIого бечелъарал хIакимзабиян бицана пресс-конференциялда Абакар Абакаровас.
ТIадехун рехсараб обществоялъул гIуцIиялъулаб комитеталъул нухмалъулев ккола гьев. РагIа-ракьанде щвараб каламалда гьес гIезегIан мухIканго бицана жакъа хъахIилаб экраналъ гьоркьо кодоб рекламаялда рехсолеб «Доступное жилье» абураб рагIул гьел чванта биццатаб къавмалъе ургъел гьечIеблъи.
Эбел-инсул боцIи гIадин шагьаралъул бищунго лъикIаб бакIалда бугеб ракьул бутIаги ккун гьенир минабиги ран жидеего гIарац ххалел ругин гьел. Гьеб «Доступное жильеялде» гIадатияб мискин халкъалъе хьул лъезе бегьулеб даражаялда хIалтIулел ругин жал - гьоркьохъел тIалаязул (щутIалаял минаби) минаби ралел застройщикал.
Амма жидер хIалтIуеги квал-квал гьабулеб бугин хIукуматалъ. Сон-церекъадги жидер пикруги гIахьал гьабун цадахъ хIадтIулел рукIарал шагьаралъул нухмалъиялъ жакъа чIезабун бугин ралел бакIазул хIалтIи.
БитIараб бугин жидер хIалтIулъги ругин гIемерал гъалатIал, экономикаялъул рагIдукье жал ккезаризе квербакъарал чагIи кколин жакъа нижеего квал-квал гьабулеб хIукуматилан бицана Абакарица.
Амма гьеб хIукуматалъул цо копейк гIарацги харж гьабичIого ранин МахIачхъалаялда аскIоб бугеб Семендералда минабиян бицана гьес хадубги.
Тахшагьаралда аскIор ругел бакIазда гьоркьоб бищун цебесеб бугеб бакI кколеб буго Семендералъ. Пресс-конференция унеб заманалда жаниб чанго нухалъ кIвар буссинабулеб букIана Абакарица шагьаралъул гьеб бутIаялде:
Абакар Абакаров: «Бокьани божа нуж бокьани божуге, амма Семендералда тIоцебесеб мина эхетаралдаса нахъе пачалихъалъ цониги гъурущ гьениб харж гьабичIо, цониги токалъул хIуби, лъим хьвадулеб мухъ, ясли-ахалъул мина, цониги бакIгьечIо гьез бан кьураб. Лъица гьеб кинабго бараб? ГIадатиял гIадамазул квераз. Гьениб гIахьаллъи гьабуна нижецаги».
Гьеб мухъалдаса гIебеде щуготIалаялъул минаби разе хIадурарал проектазул макет бихьизабуна Абакарица пресс-конференциялда. Гьес мисалалъе бачана жакъа къватIисел хIукуматазда ралел бакIазда гьоркьор кIудияб къиматалда ругин гьединал тайпаялъул минаби.
Квартира босизе бокьарав чиясе бигьаяб масъалаги лъолеб буго Абакарил проекталъ 12 азаргоялдаса 15 азаргоялде щвезегIан багьа буго гьениб цо квадраталъухъ. Гьедин мисалалъе 45 квадраталъул рукъ босизе унеб буго гIицIго 600 азарго гъурущ.
ГIицIгоян абуни гьебги дагьаб гIарац кколаро, амма шагьар бакьулъ ралел ругел 10 тIалаялъул минабахъ 20 -25 азарго гъурущ буго квадраталъул метраялъухъ:
Абакар Абакаров: «Гьале нижеца хIадур гьарурал проектал! Гьале! Щайха нижее рес кьолареб гьел гIумруялде рахъинаризе. Кье нижее ракьал. ТокIаб щибго къваригIинаро.
ГIарацги нижерго буго, архитекторалги руго, хIалтIухъабиги руго. Эркенго хIалтIизе щай ниж толарел? Бизнес классалъул минаби сундуе жакъа къваригIун ругел.
Разе риччай эконом классалъул тайпаялъул щутIалаял минаби. ГIадамазе кье хIалтIизе рес. Гьелда тIаде щай пачалихъалъ кIвар кьолареб. Жакъа тIубарал данделъаби тIоритIулел руго.
Сириялда унеб рагъулъ дагъистаниял гIахьаллъулел рукIиналда тIасан. Щиб гьез тIокIабги гьабилеб рохьореги къватIиреги инчIого?! ГьечIелъул гьезул я рукъ босизе, я лъикIаб хIалтIуде лъугьине рес.
ТIадежоялъе гьединаб рес къоIтраб гIумурялде кинаб нух тIаса бищизе колебали гьесда малъулел».
Дагъистаналъул нухмалъулесул ишал тIуразарулев ГIабдулатIипов Рамазанилгун гьел киналго суалал дандразе бокьун буго застройщиказул обществоялъул вакилзабазе.
КъватIиса хIукуматалде анани жидее кигIан бокьаниги хIалтIиги, хIалтIизе бигьаял шартIалги чIезарулин дора. Гьениб хIалтIун щолеб хайирги Дагъистаналда щолелдаги бащалъуларин.
Амма нижее гьеб хайираялдасаги гIагараб республикаялда хIалтIи билълъине бокьун бугилан цо кIалдисан гIадин кIалъалел рукIана гьеб данделъиялда гIахьалъарал ралел бакIалъул хIалтIухъаби.
Гъоркье бетIер бегьизе бакI гьечIого къварилъиялда ругел ракьцоязе санагIатал шартIазул минаби разе гъежгуризе мурад буго гьел киназулго.