4 сентябралъул бакъанида МахIачхъалаялда Котровасул къотIноб бугеб мажгиталде бакIарун букIана Буйнахъскиялдаса викъун унги вукIун, лъукъун МахIачхъалаялъул азарханаялде ккарав Хасаев Сиражудинил гIагарлъи. Буйнахъскиялдагун МахIачхъалаялда гьоркьоб бугеб нухищ къалеб, ялъуни митингищ гьабилебали лъаларого чара къосун ругин жалин бицана гьез Эркенлъи Радиоялъе.
Буйнахъскиялдаса Хасаев Сиражудинил вацгIал СалахIица бицана низам цIунулез МахIачхъалаялъул азарханаялдаса вачун ун ватанин гьев.
Сиражудинил вацгIал СалахI: «Азарханаялда гьев ватичIеб мехалда нижеца ахIи-хIур бахъинабуна, гьеб мехалда цо лъалел чагIи ратана гьенир, гьез абуна вукIанин гьев гьанив, амма санчасталде анинха вачун».
2 сентябралда Буйнахъскиялда кIиго гIолохъанчиясде гьужумал тIарикъатчагIазул такъия-тIагърал лъурал гIадамаз гьарунин бицунеб буго нугIзабаз.
Цин гIужие восун вуго ПирмухIамадов Хизри абулев гIолохъанчи. Лъабго автомобилалдаса къватIире рахъун рачIарал гIадамал лъугьун руго гьев автомобилалъув къазавизеян. Дов данде чIезе байбихьидал, гьел чагIи кьвагьдон руго гьесде. Цинги Хизрил къаркъалаги босун ун руго.
Чанго сагIаталдасан, 3 сентябралъул рогьалилъ, Буйнахъскиялдаса МахIачхъалаялде рачIунеб шагьранухда батун буго цIаги рекIун бухIулеб багIараб кьералъул автомобиль. Гьелдаса чанго метралъ добегIан рехун бихьинчиясул жаназаги букIун буго.
Гьебго заманалда гьебго Буйнахъск шагьаралдаса Хасаев Сиражудин абулев чиги ун вуго викъун. Дов ПирмухIамадов Хизри вачун унел чагIи рекIараб автомобилалъулго гIадал рукIанин Хасаев вачун арал чагIазул автомобилалъул номералгийин бицана журналистазе «Правозащита» абураб жамгIияб гIуцIиялъул вакилзабаз.
ТIагIун гIемер мех иналде Хасаев Сиражудин гъежги лъукъун, бохдулги рухIун МахIачхъалаялъул азарханаялда вугин бачIана хабар.
«Правозащитаялъул» баяназда рекъон, Хизриги Сиражудинги цадахъ рикъун, цо бакIалде рачун, гIакъуба кьун буго. Хизрил бохдулги керенги букIанин лъукъун, жив цо заманалда лъавудаса анин, амма рекIеде вачIиндал бухIулеб автомобилалъув ватанин Хизрида цадахъилан бицун буго Хасаев Сиражудиница лъади Заирае.
Гьеб мехалда нуцIаги рагьун Хасаевасухъа бажарун буго гьениса лъутизе, амма лъутулелъул дол чагIаз хадурги кьвагьдон, гьесул гъеж лъукъун буго. Хадур кьвагьдолел долги тун, Хасаев тIурун ворчIун вуго, нухдаса автомобильги ккун, гьев МахIачхъалаялъул централияб азарханаялде щун вуго.
Амма гьенисанги Хасаев Сиражудин Хъумторхъалаялъул прокуратураялде вачун вуго, прокуратураялдасан гьев витIун вуго жанисел ишазул министерлъиялъул санчасть абулеб хасаб азарханаялде.
Гьениве вачиналъе гIилла Сиражудин цеве Буйнахъскиялъул полициялда хIалтIулев вукIин батилин кколеб буго гIагралъиялда. Ялъуни жидецаго гIакъубаги кьун унтизарурал чагIи санчасталда рахчизарулинги рагIанила жидеда.
4 сентябралъул къади баккана Хасаев Сиражудин гьенисаги викъун ун вукIиналъул баян.
Гьанже гьесул къисматги ПирмухIамадов Хизрилго гIадаб ккелин абураб хIинкъи буго Сиражудинил гIагаразул – я цо бакIалде рехун ватилила чIвазеги чIван, ялъуни низам цIунулез хIалбихьилила гьесда тIад цониги такъсир чIезабизе.
Сиражудинил вацгIал СалахI: «Азарханаялда гьев ватичIеб мехалда нижеца ахIи-хIур бахъинабуна, гьеб мехалда цо лъалел чагIи ратана гьенир, гьез абуна вукIанин гьев гьанив, амма санчасталде анинха вачун».
2 сентябралда Буйнахъскиялда кIиго гIолохъанчиясде гьужумал тIарикъатчагIазул такъия-тIагърал лъурал гIадамаз гьарунин бицунеб буго нугIзабаз.
Цин гIужие восун вуго ПирмухIамадов Хизри абулев гIолохъанчи. Лъабго автомобилалдаса къватIире рахъун рачIарал гIадамал лъугьун руго гьев автомобилалъув къазавизеян. Дов данде чIезе байбихьидал, гьел чагIи кьвагьдон руго гьесде. Цинги Хизрил къаркъалаги босун ун руго.
Чанго сагIаталдасан, 3 сентябралъул рогьалилъ, Буйнахъскиялдаса МахIачхъалаялде рачIунеб шагьранухда батун буго цIаги рекIун бухIулеб багIараб кьералъул автомобиль. Гьелдаса чанго метралъ добегIан рехун бихьинчиясул жаназаги букIун буго.
Гьебго заманалда гьебго Буйнахъск шагьаралдаса Хасаев Сиражудин абулев чиги ун вуго викъун. Дов ПирмухIамадов Хизри вачун унел чагIи рекIараб автомобилалъулго гIадал рукIанин Хасаев вачун арал чагIазул автомобилалъул номералгийин бицана журналистазе «Правозащита» абураб жамгIияб гIуцIиялъул вакилзабаз.
ТIагIун гIемер мех иналде Хасаев Сиражудин гъежги лъукъун, бохдулги рухIун МахIачхъалаялъул азарханаялда вугин бачIана хабар.
«Правозащитаялъул» баяназда рекъон, Хизриги Сиражудинги цадахъ рикъун, цо бакIалде рачун, гIакъуба кьун буго. Хизрил бохдулги керенги букIанин лъукъун, жив цо заманалда лъавудаса анин, амма рекIеде вачIиндал бухIулеб автомобилалъув ватанин Хизрида цадахъилан бицун буго Хасаев Сиражудиница лъади Заирае.
Гьеб мехалда нуцIаги рагьун Хасаевасухъа бажарун буго гьениса лъутизе, амма лъутулелъул дол чагIаз хадурги кьвагьдон, гьесул гъеж лъукъун буго. Хадур кьвагьдолел долги тун, Хасаев тIурун ворчIун вуго, нухдаса автомобильги ккун, гьев МахIачхъалаялъул централияб азарханаялде щун вуго.
Амма гьенисанги Хасаев Сиражудин Хъумторхъалаялъул прокуратураялде вачун вуго, прокуратураялдасан гьев витIун вуго жанисел ишазул министерлъиялъул санчасть абулеб хасаб азарханаялде.
Гьениве вачиналъе гIилла Сиражудин цеве Буйнахъскиялъул полициялда хIалтIулев вукIин батилин кколеб буго гIагралъиялда. Ялъуни жидецаго гIакъубаги кьун унтизарурал чагIи санчасталда рахчизарулинги рагIанила жидеда.
4 сентябралъул къади баккана Хасаев Сиражудин гьенисаги викъун ун вукIиналъул баян.
Гьанже гьесул къисматги ПирмухIамадов Хизрилго гIадаб ккелин абураб хIинкъи буго Сиражудинил гIагаразул – я цо бакIалде рехун ватилила чIвазеги чIван, ялъуни низам цIунулез хIалбихьилила гьесда тIад цониги такъсир чIезабизе.