Сочиялъул Олимпиял хIаял ккола жакъа дунялалъул информалазул ва блогосфераялъул тIоцебесеб тема. Спорт бокьулезул ботIролъ руго, щив вахъине вугев чемпионлъун, лъида бажаризе бугеб бищунго гIемер щапакъатал щвезаризеян абурал суалал. Гьебго заманалда журналистазда кIочонеб гьечIо Олимпиадаялда сверун загьирлъулел битIахъего спорталде хурхен гьечIел гIадамал тамашалъизарулел, ккимизарулел ва ракI хвезабулел лъугьа-бахъинал ва хIужжаби.
КъватIисел улкабазул щивав журналистас, спортсменас яги къецазухъ балагьизе вачIарас тIадаблъун рукIкIунеб буго жидер берзукье ккараб гIиси-бикIинаб жоялде щун Твиттер гIадал интернет-сурсатазда гьелъул хIакъалъулъ бицине ва суратал лъезеян хъвалеб буго «Губерния» абураб сайталъул автораз.
Цо-цояз интернеталда хъвалеб буго сихIирал къватIисел пачалихъабазул журналистаз гIамал гьабулеб бугин ургъунго гьединал хIужжаби ралагьизеян, россиялъул къадру-къимат хвезабиялъул мурадалдайин. Ахирисезул пикруялда разилъичIого цогидаз хъвалеб буго, Олимпиада гIуцIаразда жидедаго гIайиб бугин, гIеме-гIемерал миллиардал хвезарурал мехалдаги, щвалде щун, букIине кколеб къагIидаялда хIадурлъизе бажарун гьечIин абун.
Сундеха кIвар буссинабулеб бугеб гIунгутIиял ратарал автораз Олимпиадаялде журналистал ва спортсменал рачIине байбихьаралдаса?
Жакъаялде бищунго жиндего кIвар буссинабураб хIужжа цо-цо информалатазул пикруялда кколеб буго спортсменаз гIумру гьабулел бакIазда бан бугеб яги бан лъугIинчIеб цого заманалда кIиго чиясе бакI бугеб туалет. Цоязул пикруялда, гьеб кIибикьулел къедал разе кIочIон руго яги заман гIун гьечIо. Цогидаз абулеб буго, гьеб гьедин ургъун букIунго батилин. Амма кин букIаниги, гьединал «хасал физикиял балъголъиял» цIунизе рес гьечIел бакIал машгьурлъун руго Олимпиял петеразда. Жив-жив спортсменас, журналистас тIадаблъун рикIкIунеб буго гьениб жиндирго сурат бахъи.
«КIигобакIалъулаб» туалеталда
хурхараб эпопея байбихьана 20 январалда BBCялъул корреспондент Стив Розенбергица жиндирго Твиттералда гьелъул сурат лъун хадуб. ТIоцебе абулеб букIана гьединаб цо гурони гьечIин, хадуб баккана гьединал туалетал цогиги ратанин абураб информацияги.
Олимпиада рагьулеб байрамалъул мехалда Олимпиял хIаязул щуго горалдаса цо гор рагьичIого
хутIараб мехалдаги, гьелде кIвар буссинабуна тIолабго дунялалда. Амма гьелда тIад релъанхъиялъул бакIалда AUDI автомобилал риччалеб ва цогидал компаниялъ гьелдаса пайда босана.
AUDI-ялъул рекламаялда ункъго рагьараб ва цо рагьичIеб горги бихьизабун, жидерго фирмаялъул ункъго горалъул эмблемаги бихьищабун абулеб буго ункъгоги гIолин.
Интеренталда гьеб рикIкIана цIакъ оригиналияб рекламалъун. ГIемерисез кIвар буссинабуна, рекламаялъул авторазул жигарлъиялде, хIужжа загьирлъарабго гьеб рекламаялде буссинабунин абун.
Новосибирскалъул «Синица» абураб пиццериялъул рекламаялда гIадатияб ункъго пицца лъун буго
олимпиял горалгIадин, щуабилеб буго гьитIинаб. Гьелда гъоркь хъван буго: «Босе ункъго гIадатияб пицца, гьитIинаб щуабилеб - чIобого» абун.
Китаялъул фирмабаз гьанжеялдего риччан руго футболкаби Олимпиада рагьулеб мехалда ккараб гъалатI бихьизабун. «Обозреватель» абураб сайталъ хъвалеб буго, Олимпияб комитеталда жиндирго ишара
хIалтIизабулеб букIиналда бан киналгIаги претензияби загьир гьаризе бажаризе гьечIин ва гьелъ хIалцин бихьулебги гьечIин, гьединаб къагIидаялда гьеб олимпияб ишаралъун риIкIкIине бегьуларинги абун.
Сочиялъул Олимпиадаялъе квешаб реклама гьабулеб буго дора-гьанир ратулел рукIа-рахъиналъул хасияталъул гIунгутIияз.
«Хоккей хIалел гIуралъ рорхатал чагIи ккола. Канадаялъул тIаса рищаразул командаялда вуго 195 сантиметралъул 6 спортсмен. Амма гьезие кьураб рукъ санагIатаб букIине батила хоббитазе.» - ян хъвалеб буго Канадаялъул журналист ва комментатор Стивен Виноца жиндирго Твиттералда. Хоббиталин абуни, ккола хъвадарухъан Джон Толкиенил «Горазда тIад кверщел бугев» абураб маргьуялъул гIисинал персонажал.
CNNалъул корреспондент Гарри Рикица жиндирго посталда бицун буго петералъул номералда пардав бортиялъул. Гьеб мехалда гьев жанив вукIун гьечIо.
Амма канадаялъул Calgary Herald абураб сурсаталъул корреспондент Вики Полл кьижун вукIараб мехалда гьесул ботIородаса аскIоб бортун буго плафон. Гьесги гьеб хIужжаялъул балъголъи гьабун гьечIо.
Олимпиял петеразул рукъазул нуцIабазда сверун. National Post-алъул жуналист Шон Фицджеральдил твитталда бицунеб буго, жиндир кколлегаца билизабун букIанин номералъул нуцIил кIул. Регистратураялда гьелъул дубликат батичIин. Аммайин хъвалеб буго гьес, гьеб проблема цIакъ бигьаго рагIалде бахъинабунин петералъул хIалтIухъабаз. Гьез гьеб нуцIа нахъе бахъанин.
Цолъарал штатазул бобслеялъул спортсмен Джонни Куиница интернеталда лъун буго бекизабураб цогидаб нуцIаялъул сурат. Чурдон хадуб жинда бажаричIин нуцIа рагьизе. Жиндихъ букIинчIин телефон кумек ахIизе. Гьениб жинца хIалтIизабизе кканин спорталъул махшел ва бекизабунин жинда бичIчIунареб къагIидаялда жибго рахараб нуцIайин.
ГIемер спортсменазул ва журналистазул гIарз букIана гьединго цо номеразда чираххъал кьурун гьечIин, цогдазда - гIунги тIокIал чирахъал ругин абун.
Олимпиада халат бахъунеб буго. Бокьараб жоялъул кIудияб интерес бугел журналистазе хутIарал къоязги ратулин олимпиадаялъул «сверухълъиялда» гIадамал тамашалъизарулел яги релъанхъизарулел щуабилеб хIужжабиян, хъвалеб буго блоггераз. Гьез кIвар буссинабулеб буго цересел Олимпиадабаздаги батIи-батIиял курьезал рукIараблъиялде. Аммаян абулеб буго гьез, рукIа-рахъиналъул «сфераялда» гьединал хIужжабазул рахъалдаса Сочиялъул Олимпиада чемпионлъун бахъине бегьулин.
Цо-цояз интернеталда хъвалеб буго сихIирал къватIисел пачалихъабазул журналистаз гIамал гьабулеб бугин ургъунго гьединал хIужжаби ралагьизеян, россиялъул къадру-къимат хвезабиялъул мурадалдайин. Ахирисезул пикруялда разилъичIого цогидаз хъвалеб буго, Олимпиада гIуцIаразда жидедаго гIайиб бугин, гIеме-гIемерал миллиардал хвезарурал мехалдаги, щвалде щун, букIине кколеб къагIидаялда хIадурлъизе бажарун гьечIин абун.
Сундеха кIвар буссинабулеб бугеб гIунгутIиял ратарал автораз Олимпиадаялде журналистал ва спортсменал рачIине байбихьаралдаса?
«КIигобакIалъулаб» туалеталда
Олимпиада рагьулеб байрамалъул мехалда Олимпиял хIаязул щуго горалдаса цо гор рагьичIого
Интеренталда гьеб рикIкIана цIакъ оригиналияб рекламалъун. ГIемерисез кIвар буссинабуна, рекламаялъул авторазул жигарлъиялде, хIужжа загьирлъарабго гьеб рекламаялде буссинабунин абун.
Новосибирскалъул «Синица» абураб пиццериялъул рекламаялда гIадатияб ункъго пицца лъун буго
Китаялъул фирмабаз гьанжеялдего риччан руго футболкаби Олимпиада рагьулеб мехалда ккараб гъалатI бихьизабун. «Обозреватель» абураб сайталъ хъвалеб буго, Олимпияб комитеталда жиндирго ишара
Сочиялъул Олимпиадаялъе квешаб реклама гьабулеб буго дора-гьанир ратулел рукIа-рахъиналъул хасияталъул гIунгутIияз.
«Хоккей хIалел гIуралъ рорхатал чагIи ккола. Канадаялъул тIаса рищаразул командаялда вуго 195 сантиметралъул 6 спортсмен. Амма гьезие кьураб рукъ санагIатаб букIине батила хоббитазе.» - ян хъвалеб буго Канадаялъул журналист ва комментатор Стивен Виноца жиндирго Твиттералда. Хоббиталин абуни, ккола хъвадарухъан Джон Толкиенил «Горазда тIад кверщел бугев» абураб маргьуялъул гIисинал персонажал.
CNNалъул корреспондент Гарри Рикица жиндирго посталда бицун буго петералъул номералда пардав бортиялъул. Гьеб мехалда гьев жанив вукIун гьечIо.
Амма канадаялъул Calgary Herald абураб сурсаталъул корреспондент Вики Полл кьижун вукIараб мехалда гьесул ботIородаса аскIоб бортун буго плафон. Гьесги гьеб хIужжаялъул балъголъи гьабун гьечIо.
Олимпиял петеразул рукъазул нуцIабазда сверун. National Post-алъул жуналист Шон Фицджеральдил твитталда бицунеб буго, жиндир кколлегаца билизабун букIанин номералъул нуцIил кIул. Регистратураялда гьелъул дубликат батичIин. Аммайин хъвалеб буго гьес, гьеб проблема цIакъ бигьаго рагIалде бахъинабунин петералъул хIалтIухъабаз. Гьез гьеб нуцIа нахъе бахъанин.
Цолъарал штатазул бобслеялъул спортсмен Джонни Куиница интернеталда лъун буго бекизабураб цогидаб нуцIаялъул сурат. Чурдон хадуб жинда бажаричIин нуцIа рагьизе. Жиндихъ букIинчIин телефон кумек ахIизе. Гьениб жинца хIалтIизабизе кканин спорталъул махшел ва бекизабунин жинда бичIчIунареб къагIидаялда жибго рахараб нуцIайин.
Олимпиада халат бахъунеб буго. Бокьараб жоялъул кIудияб интерес бугел журналистазе хутIарал къоязги ратулин олимпиадаялъул «сверухълъиялда» гIадамал тамашалъизарулел яги релъанхъизарулел щуабилеб хIужжабиян, хъвалеб буго блоггераз. Гьез кIвар буссинабулеб буго цересел Олимпиадабаздаги батIи-батIиял курьезал рукIараблъиялде. Аммаян абулеб буго гьез, рукIа-рахъиналъул «сфераялда» гьединал хIужжабазул рахъалдаса Сочиялъул Олимпиада чемпионлъун бахъине бегьулин.