21 маялдаса нахъе Хасавюрталда туснахъ гьавун вугев МусахIажиев Мусае тохтурзабазул кумек хIажат бугин ахIи балеб буго гьесул эбел Рукъиятицаги адвокат МухIамадова Сапиятицаги.
МусахIажиева Рукъиятица Москваялде инсанасул ихтиярал цIунулей Ганнушкина Светланахъе гIарза битIана. Гьедин бицана Эркенлъи радиоялъе адвокат МухIамадова Сапиятица.
МухIамадова Сапият: «Тохтурзабаз лъураб диагнозалда рекъон, гьесул гIадалнахуеги горбол гьодалъеги кутакалда жагъаллъи ккун буго. Къварилъун руго бидулрихьалги.
Гьесул черхалда лъурал ругънал тIагIун руго, вухун 17 къоялдасан гурони тохтурзаби ахIун гьечIо гьесул хал-шал гьабизе. Аслияб куцалда бетIер бухулеб букIун буго гьесул. Гьединлъидал гIадаллъарав гIадин лъугьун вуго».
Адвокат МухIамадова Сапиятица бицунеб буго Хасавюрт мухъалъул Костекалдаса гIолохъанчи МусахIажиев Мусал хIакъалъулъ. Гьес жинцаго диваналде хъвараб гIарзаялда гьадин абулеб буго: «Дун ворчIана кьвагьдогеян ахIдолей дир эбелалъул гьаркьихъе. Гордухъан валагьидал, азбаралъув вугоан камуфляжалъул ретIелги ретIарав гьурмада маскабиги ххурав 15-20 ниги чи. Кодоб букIана ярагъги. Кьвагьдогейин, къватIиве вачIине вугин ахIана дица. Гьебго параялъ хехго тIад жоги ретIун нуцIаги рагьана. Гьеб мехалда маскаби ххурал чагIаз квералги кьурун, азбаралъуб бугеб къададехунги вуссинавун чIезавуна дун. Хадуб байбихьана рокъоб жаниб чIухь базе».
Гьедин чIухь балаго кьижулеб рокъоб батун буго Nokia телефон – гьеб я жиндир, я лъадул телефон кколарин абулеб буго Мусаца. Хадубго бусенги цебегIан цIан, гьалейин жеги гьаниб батараб жойилан, аскарияз гьезда бихьизабун буго чIегIераб кьералъул таманчаги. Цинги гьебги, доб телефонги, ноутбукги босун аскарияз эменги васги азбаралъуре рачун руго.
ПалхIасил, чIухь балалде цебе гьезда ричIчIизарун гьечIо гьезул ихтияралги, рукIун гьечIо киналгIаги нугIзалги. Гьеб киналдасаго хадув Муса гьез цIахIилаб кьералъул УАЗ автомобилалъувги рекIинавун вачун ун вуго. Костек росулъа къватIире унеб бакIалда гьез Мусал ботIрода ххун буго целлофаналъул къвачIа. Автомобилалъур рукIун руго гIурус миллаталъул чагIи. Гьеб бачунев чи дагъистанияв вукIун вуго.
СагIатгун бащадаб мехалъги рекIун, цо бакIалде щун руго гьел. Мусада рагIун буго каваби рагьулеб гьаракь. Цинги маххул чIоразде квералги ккезарун сурав кьезе тIамун вуго аскарияз гьев. Сундуеялиго мукIурлъичIони, жидеца мун чIван цо бакIалде рехилин абулеб букIун буго. Нилъ гьабсагIаталда Чачаналда ругин, амма жидее къваригIараб жо бицинчIони, жидеца мун Ханкалаялде щвезавизе вугилан хIинкъизеги гьавулев вукIун вуго.
Нужеда бицине жо гьечIин жиндирин чIарав Мусал ботIрода, ургьисалабазда, мугъзада, чохьода кьабулеб, гьединго зама-заманалдасан кверал кьурулел рукIун руго аскарияз. Цо заманалда гьитIинаб килщида талил кунги ххун, ток биччазе лъугьун руго. Адвокат МухIамадова Сапиятица Эркенлъи радиоялъе бицухъе, гьелдаса хадуб гьесул щекI букIкIине лъугьун буго, унти хIехьезе кIвечIого ахIдон вуго гьев бокьараб кагътида гъоркь гъулбасинилан.
Гьеб мехалда къанун цIунулез бицун буго гьес абизе кколебщинаб жо – масала, жинца босанин МухIамадов Юсуп абулев чиясе ярагъги мотоциклги. Амма гьебжо тIаде босизе кIоларин лъугьиндал, къанун цIунулез цIидасан целлофаналъул къвачIаги тIад ххун тун вуго гьев. Къасиялдехун гьеб тIаса бахъун буго, гьеб мехалда Мусада бихьун буго гьеб гIезегIан гIатIидаб рукъ бугеблъи, амма къадазда рукIун руго бидул лъалкIал.
Ворхатав гIурусас абун буго Мусада мотоциклги Сайга туманкIги босанин хъвараб кагътида гъоркь гъулбас лъечIони, жидеца Ханкалаялде мунги витIилин, жидедаго лъикIин ккараб рахъалде дур лъадигун яцги щвезаризе ругин. Гьелдаса хадув Муса Хасавюрт мухъалъул полициялде вачун вуго. БотIродаса доб целлофаналъул къвачIа бахъидал, гьесда гьенив вихьун вуго полициялда хIалтIулев жиндир бесдал вац МусахIажиев СолтIан. Гьесие гIоло чIвачIого танин мунилан абун буго полициялъул цо хIакимчияс Мусада.
Гьеб мехалда бесдал вацасги абун буго Мусада гIадада заман хвезабугейин, хехлъи гьабун гъулбасал лъейин гьел кагътазда гъоркь, адвокат къваригIун гьечIиланги хъвайин, дуе гьев унголъунги хIажалъуларила.
Полициялда хIалтIулев бесдал вацас мацIги гьабун бачIанин Мусада тIаде гьеб къварилъийин абураб пикру буго гьезул гIагарлъиялъул. Полициялда хIалтIулев вукIунилан гьесда бугьтан лъогейин, гьесда бараб жоги гьениб щибгIаги батиларин Мусае ракI-макI гьабизе лъугьун йикIун йиго адвокат. Гьеб мехалда Мусаца абун буго гьелда жиндир вацас бицун гурони, полициялъулазда щибин лъалеб букIараб жив гьесул дове мавлидалде инчIолъи.
МухIамадова Сапият: «Мусаца абуна вацасухъе мавлидалде щай мун инчIеван, релъанхъулаго вухулев вукIанила жив полициялъулаз».
ПалхIасил, полициялъулазе хIажатал документазда гъоркь гъулбасал гьарун лъабабилеб къоялде Муса вачун вуго гIакъуба кьолеб рокъоса къватIиве.
ГьабсагIаталда гьев сах гьавулев вуго Хасавюрталъул лъабабилеб СИЗОялда. Амма гьелъул тохтурзабаз абулеб буго рагIа-ракьанде щун Мусал ботIролги цогидалъулги суратал рахъун, гIузраби тIатинабизе кIолеб аппаратураги гьев сах гьавизе хIажалъулел дарабиги гьечIин жидехъ.
МухIамадова Сапият: «Тохтурзабаз лъураб диагнозалда рекъон, гьесул гIадалнахуеги горбол гьодалъеги кутакалда жагъаллъи ккун буго. Къварилъун руго бидулрихьалги.
Гьесул черхалда лъурал ругънал тIагIун руго, вухун 17 къоялдасан гурони тохтурзаби ахIун гьечIо гьесул хал-шал гьабизе. Аслияб куцалда бетIер бухулеб букIун буго гьесул. Гьединлъидал гIадаллъарав гIадин лъугьун вуго».
Адвокат МухIамадова Сапиятица бицунеб буго Хасавюрт мухъалъул Костекалдаса гIолохъанчи МусахIажиев Мусал хIакъалъулъ. Гьес жинцаго диваналде хъвараб гIарзаялда гьадин абулеб буго: «Дун ворчIана кьвагьдогеян ахIдолей дир эбелалъул гьаркьихъе. Гордухъан валагьидал, азбаралъув вугоан камуфляжалъул ретIелги ретIарав гьурмада маскабиги ххурав 15-20 ниги чи. Кодоб букIана ярагъги. Кьвагьдогейин, къватIиве вачIине вугин ахIана дица. Гьебго параялъ хехго тIад жоги ретIун нуцIаги рагьана. Гьеб мехалда маскаби ххурал чагIаз квералги кьурун, азбаралъуб бугеб къададехунги вуссинавун чIезавуна дун. Хадуб байбихьана рокъоб жаниб чIухь базе».
Гьедин чIухь балаго кьижулеб рокъоб батун буго Nokia телефон – гьеб я жиндир, я лъадул телефон кколарин абулеб буго Мусаца. Хадубго бусенги цебегIан цIан, гьалейин жеги гьаниб батараб жойилан, аскарияз гьезда бихьизабун буго чIегIераб кьералъул таманчаги. Цинги гьебги, доб телефонги, ноутбукги босун аскарияз эменги васги азбаралъуре рачун руго.
ПалхIасил, чIухь балалде цебе гьезда ричIчIизарун гьечIо гьезул ихтияралги, рукIун гьечIо киналгIаги нугIзалги. Гьеб киналдасаго хадув Муса гьез цIахIилаб кьералъул УАЗ автомобилалъувги рекIинавун вачун ун вуго. Костек росулъа къватIире унеб бакIалда гьез Мусал ботIрода ххун буго целлофаналъул къвачIа. Автомобилалъур рукIун руго гIурус миллаталъул чагIи. Гьеб бачунев чи дагъистанияв вукIун вуго.
СагIатгун бащадаб мехалъги рекIун, цо бакIалде щун руго гьел. Мусада рагIун буго каваби рагьулеб гьаракь. Цинги маххул чIоразде квералги ккезарун сурав кьезе тIамун вуго аскарияз гьев. Сундуеялиго мукIурлъичIони, жидеца мун чIван цо бакIалде рехилин абулеб букIун буго. Нилъ гьабсагIаталда Чачаналда ругин, амма жидее къваригIараб жо бицинчIони, жидеца мун Ханкалаялде щвезавизе вугилан хIинкъизеги гьавулев вукIун вуго.
Нужеда бицине жо гьечIин жиндирин чIарав Мусал ботIрода, ургьисалабазда, мугъзада, чохьода кьабулеб, гьединго зама-заманалдасан кверал кьурулел рукIун руго аскарияз. Цо заманалда гьитIинаб килщида талил кунги ххун, ток биччазе лъугьун руго. Адвокат МухIамадова Сапиятица Эркенлъи радиоялъе бицухъе, гьелдаса хадуб гьесул щекI букIкIине лъугьун буго, унти хIехьезе кIвечIого ахIдон вуго гьев бокьараб кагътида гъоркь гъулбасинилан.
Гьеб мехалда къанун цIунулез бицун буго гьес абизе кколебщинаб жо – масала, жинца босанин МухIамадов Юсуп абулев чиясе ярагъги мотоциклги. Амма гьебжо тIаде босизе кIоларин лъугьиндал, къанун цIунулез цIидасан целлофаналъул къвачIаги тIад ххун тун вуго гьев. Къасиялдехун гьеб тIаса бахъун буго, гьеб мехалда Мусада бихьун буго гьеб гIезегIан гIатIидаб рукъ бугеблъи, амма къадазда рукIун руго бидул лъалкIал.
Ворхатав гIурусас абун буго Мусада мотоциклги Сайга туманкIги босанин хъвараб кагътида гъоркь гъулбас лъечIони, жидеца Ханкалаялде мунги витIилин, жидедаго лъикIин ккараб рахъалде дур лъадигун яцги щвезаризе ругин. Гьелдаса хадув Муса Хасавюрт мухъалъул полициялде вачун вуго. БотIродаса доб целлофаналъул къвачIа бахъидал, гьесда гьенив вихьун вуго полициялда хIалтIулев жиндир бесдал вац МусахIажиев СолтIан. Гьесие гIоло чIвачIого танин мунилан абун буго полициялъул цо хIакимчияс Мусада.
Гьеб мехалда бесдал вацасги абун буго Мусада гIадада заман хвезабугейин, хехлъи гьабун гъулбасал лъейин гьел кагътазда гъоркь, адвокат къваригIун гьечIиланги хъвайин, дуе гьев унголъунги хIажалъуларила.
Полициялда хIалтIулев бесдал вацас мацIги гьабун бачIанин Мусада тIаде гьеб къварилъийин абураб пикру буго гьезул гIагарлъиялъул. Полициялда хIалтIулев вукIунилан гьесда бугьтан лъогейин, гьесда бараб жоги гьениб щибгIаги батиларин Мусае ракI-макI гьабизе лъугьун йикIун йиго адвокат. Гьеб мехалда Мусаца абун буго гьелда жиндир вацас бицун гурони, полициялъулазда щибин лъалеб букIараб жив гьесул дове мавлидалде инчIолъи.
МухIамадова Сапият: «Мусаца абуна вацасухъе мавлидалде щай мун инчIеван, релъанхъулаго вухулев вукIанила жив полициялъулаз».
ПалхIасил, полициялъулазе хIажатал документазда гъоркь гъулбасал гьарун лъабабилеб къоялде Муса вачун вуго гIакъуба кьолеб рокъоса къватIиве.
ГьабсагIаталда гьев сах гьавулев вуго Хасавюрталъул лъабабилеб СИЗОялда. Амма гьелъул тохтурзабаз абулеб буго рагIа-ракьанде щун Мусал ботIролги цогидалъулги суратал рахъун, гIузраби тIатинабизе кIолеб аппаратураги гьев сах гьавизе хIажалъулел дарабиги гьечIин жидехъ.