Инсанасул ихтиярал цIунулез лъазабулеб буго гIакъубакьей Россиялда гIадатияб хIалбихьи лъун лъугьун бугин. Гьеб пикру загьир гьабун буго гIакъубакьей тIагIинабиялда хадуб чIараб Франциялъул насраниязул Ассоциациялъ.
«БатIи-батIиял къагIидабазул гIакъубаби» - абураб доклада. Доклад гIуцIун буго «ГIакъубабазде данде чIараб» Россиялъул инсанасул ихтиярал цIунулезул комитеталъ ва «Общественный вердикт» абулеб фондалъ гIахьаллъиги гьабун.
Докладалда кIвар буссинабулеб буго гIакъуба кьеялъул хIалбихьиялъ полициялъул хIалтIулъ хасаб бакI кколеб букIиналде.
Инсанасул ихтиярал цIунулез лъазабулеб бугохъин туснахъалде ккаразе гIакъуба кьолеб буго цо-цо мехалъ щибниги гIайиб гьечIезда гIайиб тIаде босизабизелъун.
Гьединаб къагIидаялъ такъсирал рагьулел ругин абун полициялъул статистика лъикIлъизабизелъун.
Туснахъазда гIакъубакьей кидагосеб хIалбихьи кколеб буго жибго администрациялъул рахъалдасан гуребги камерабазда цадахъ ругедасанги, гIемерисеб мехалъ туснахъалъул тIадтараз изнуги кьун.
Докладалда хасаб бакI кколеб буго Шималияб Кавказалда загьирлъарал гIакъубакьеялъул ишазги.
Шималияб Кавказалъул республикабазда гьоркьосан докладалда кIвар буссинабун буго Чачаназул республикаялде.
Яргъид гIуцIараздехун хурхен букIиналъул щаклъи ккун Чачаналъ гIолохъабазе гIакъуба кьун гьелъие мукIурлъизе тIамулел руго. ГIакъуба кьеялъул ищал тIатаниги тамихI гьечIо теялъул рахъалдасан Чачаназул Республикаялда бугеб ахIвал хIалалъухъ балагьун абизе бегьулин гьенир кинал рукIаниги къанунал хIалтIулел гьечIин ян хъвалеб буго докладалда .
ГIакъуба кьеялъул хIакъалъулъ гIарзгун аниги, гIадамазда цIакъ къанагIатго гурони бажарулеб гьечIо ритIухълъи чIезабизе диваназдаги.
Нагагь гIакъуба кьеялда тIасан кьураб гIарздалда бан диваналъ хIукму къотIулеб бугониги, гьел рукIунел руго цIакъго биягьаял тамихIал.
ГIакъуба кьеялъул хIужжаби Дагъистаналдаги дагьал гьечIин бицанеб буго гIемерал дагъистанияз. Амма рехсараб докладалда Дагъистаналда карал хIужабазул хIакъалъулъ цIар бахъулеб гьечIо.
Доклад гIуцIулаго гIахьаллъи гьабураб россиялъул «Общественный вердикт» - абураб фондалъул нухмалъулей Наталья Таубинаца Дагъистаналда кколел гIакъуба кьеялъул ишазда бан абулеб буго, инсанасул ихтиярал цIунулезухъе рачIарал гIарзалги гьечIин Дагъистаналдаса.
Наталья Таубинаца: «Докладалде гьоркьобе босун буго материал 2011 соналдаса нахъе 2013 соналъул марталде щвезегIан гьабураб анализалъул хIасил. Россиялъул батIи-батIиял регионазда хас гьабун гIакъуба кьелдасан къварилъи карал гIдамазулгун гьарурал гара-чIвариял.
Гъоркьияб Новгород шагьаралда хIалтIулеб «Общественный вердикт» фондалъул ва ГIакъубабазде данде чIараб комитеталъул хIалтIухъабазул материалалги росун руго кьучIалъе.
Доклад хIадурарал нижер франциялъул коллегабаз 15 ноябралда Франциялда къватIибе биччана гьеб».
ЭР: «ЦIиял харбазда хъвалеб бугохъин докладалъул материалалда кIудияб кIвар кьолеб буго Шималияб Кавказалда ккарал лъугьабахъиназе. Гьелъул хIакъалъулъ гьабаб гIатIидго бицани бокьилаан».
Наталья Таубина: «БитIараб бицани гьабсагIат гьеб бицине дун хIадурун гьечIо. КватIичIого Россиялда доклад цебелъезе букIиналда банги. Цого-цо абизе кIола цIех-рех гьабулезул къокъа ун букIанин Чачаналъе абун.
Жакъасеб къоялъ ГIакъубабазде данде чIараб комитет ккола Чачаназул республикаялда хIалтIулел гIемерал гурел инсанасул ихтиярал цIунулездасан цояблъун. Чачаналъ хIалтIулел руго комитеталъул юристал.
Гьединлъидал гIакъуба кьеялдасан къварилъи ккаразулгун гьарурал гарачIвариялги, гIадамаздехун гьеб регионалда гьарурел вахIиял ишазулги докладалда хъван буго».
ЭР: «Нижехъ ругел материалазда рекъон жакъасеб къоялъ Дагъистаналъул гIолилазул гIемерал гIарзал руго, гIакъуба кьун гьукъарал методал гьарун гьезухъан рагIи бахъиялъул, гIемерисел унел руго рохьазде жидее гьабураб таралъухъ къанун цIунулездасан рецIел босизелъун. Щай докладалда Дагъистаналъул хIакъалъулъ гьечIеб калам. Дагъистаналда гьабуларищ мониторинг нужер идарабаз?»
Наталья Таубина: «Гьаб цIехрехалъул гIурхъулъ регионазда бан абуни
цIех рех гьабулезул къокъа хIалтIулеб букIана Гъоркьияб Новгород шагьаралда, Москваялда, Санкт-Петербургалда , Екатеринбургалда, Свердловск мухъалда ва Чачан республикаялда.
Гьел ккола регионал ГIакъубабазде данде чIараб комитеталъги «Общественный вердикт» фондалъги гIатIидго хIалтIи тIобитIулел. Нижехъ информация бугел регионаздасан информация босана докладалъул кьучIалъе.
Амма гьеб кколаро цогидал регионазда гIакъуба кьеялъул проблемаби гьечIин абураб. Докладалде росун руго ниж кидаго хIалтIулел регионаздасан материалал.
Дагъистаналда фонд «Общественный вердикталъул» ва ГIакъубабазде данде чIараб фондалъул хIалтIухъаби гьечIин, тIаде жубана Наталья Таубинаца.
Гьединлъидал Дагъистаналдаса материалалги гьечIин жидехъ. Дагъистаналдасан жидер идарабазде гIарзалги рачIинчIо, ян тIаде жубалеб буго «Общественный вердикт» фондалъул нухмалъулей Наталья Таубинаца.
«Пытки в разных лицах» ай «ГIакъуба кьеялъул батIи-батIиял рахъал» - абураб франциялъул инсанасул ихтиярал цIунулез Россиялъул «Фонд Общественный вердикталъулгунги», ГIакъубаби кьеялда данде чIараб комитеталъулгунги цадахъ рекъон гIуцIараб доклад Россиялда цебе лъезе буго Москваялда 29 ноябралда Non Fiction-2013 –ялъул гIурхъулъ.
Докладалда кIвар буссинабулеб буго гIакъуба кьеялъул хIалбихьиялъ полициялъул хIалтIулъ хасаб бакI кколеб букIиналде.
Инсанасул ихтиярал цIунулез лъазабулеб бугохъин туснахъалде ккаразе гIакъуба кьолеб буго цо-цо мехалъ щибниги гIайиб гьечIезда гIайиб тIаде босизабизелъун.
Гьединаб къагIидаялъ такъсирал рагьулел ругин абун полициялъул статистика лъикIлъизабизелъун.
Туснахъазда гIакъубакьей кидагосеб хIалбихьи кколеб буго жибго администрациялъул рахъалдасан гуребги камерабазда цадахъ ругедасанги, гIемерисеб мехалъ туснахъалъул тIадтараз изнуги кьун.
Докладалда хасаб бакI кколеб буго Шималияб Кавказалда загьирлъарал гIакъубакьеялъул ишазги.
Шималияб Кавказалъул республикабазда гьоркьосан докладалда кIвар буссинабун буго Чачаназул республикаялде.
Яргъид гIуцIараздехун хурхен букIиналъул щаклъи ккун Чачаналъ гIолохъабазе гIакъуба кьун гьелъие мукIурлъизе тIамулел руго. ГIакъуба кьеялъул ищал тIатаниги тамихI гьечIо теялъул рахъалдасан Чачаназул Республикаялда бугеб ахIвал хIалалъухъ балагьун абизе бегьулин гьенир кинал рукIаниги къанунал хIалтIулел гьечIин ян хъвалеб буго докладалда .
ГIакъуба кьеялъул хIакъалъулъ гIарзгун аниги, гIадамазда цIакъ къанагIатго гурони бажарулеб гьечIо ритIухълъи чIезабизе диваназдаги.
Нагагь гIакъуба кьеялда тIасан кьураб гIарздалда бан диваналъ хIукму къотIулеб бугониги, гьел рукIунел руго цIакъго биягьаял тамихIал.
ГIакъуба кьеялъул хIужжаби Дагъистаналдаги дагьал гьечIин бицанеб буго гIемерал дагъистанияз. Амма рехсараб докладалда Дагъистаналда карал хIужабазул хIакъалъулъ цIар бахъулеб гьечIо.
Доклад гIуцIулаго гIахьаллъи гьабураб россиялъул «Общественный вердикт» - абураб фондалъул нухмалъулей Наталья Таубинаца Дагъистаналда кколел гIакъуба кьеялъул ишазда бан абулеб буго, инсанасул ихтиярал цIунулезухъе рачIарал гIарзалги гьечIин Дагъистаналдаса.
Наталья Таубинаца: «Докладалде гьоркьобе босун буго материал 2011 соналдаса нахъе 2013 соналъул марталде щвезегIан гьабураб анализалъул хIасил. Россиялъул батIи-батIиял регионазда хас гьабун гIакъуба кьелдасан къварилъи карал гIдамазулгун гьарурал гара-чIвариял.
Гъоркьияб Новгород шагьаралда хIалтIулеб «Общественный вердикт» фондалъул ва ГIакъубабазде данде чIараб комитеталъул хIалтIухъабазул материалалги росун руго кьучIалъе.
Доклад хIадурарал нижер франциялъул коллегабаз 15 ноябралда Франциялда къватIибе биччана гьеб».
ЭР: «ЦIиял харбазда хъвалеб бугохъин докладалъул материалалда кIудияб кIвар кьолеб буго Шималияб Кавказалда ккарал лъугьабахъиназе. Гьелъул хIакъалъулъ гьабаб гIатIидго бицани бокьилаан».
Наталья Таубина: «БитIараб бицани гьабсагIат гьеб бицине дун хIадурун гьечIо. КватIичIого Россиялда доклад цебелъезе букIиналда банги. Цого-цо абизе кIола цIех-рех гьабулезул къокъа ун букIанин Чачаналъе абун.
Жакъасеб къоялъ ГIакъубабазде данде чIараб комитет ккола Чачаназул республикаялда хIалтIулел гIемерал гурел инсанасул ихтиярал цIунулездасан цояблъун. Чачаналъ хIалтIулел руго комитеталъул юристал.
Гьединлъидал гIакъуба кьеялдасан къварилъи ккаразулгун гьарурал гарачIвариялги, гIадамаздехун гьеб регионалда гьарурел вахIиял ишазулги докладалда хъван буго».
ЭР: «Нижехъ ругел материалазда рекъон жакъасеб къоялъ Дагъистаналъул гIолилазул гIемерал гIарзал руго, гIакъуба кьун гьукъарал методал гьарун гьезухъан рагIи бахъиялъул, гIемерисел унел руго рохьазде жидее гьабураб таралъухъ къанун цIунулездасан рецIел босизелъун. Щай докладалда Дагъистаналъул хIакъалъулъ гьечIеб калам. Дагъистаналда гьабуларищ мониторинг нужер идарабаз?»
Наталья Таубина: «Гьаб цIехрехалъул гIурхъулъ регионазда бан абуни
цIех рех гьабулезул къокъа хIалтIулеб букIана Гъоркьияб Новгород шагьаралда, Москваялда, Санкт-Петербургалда , Екатеринбургалда, Свердловск мухъалда ва Чачан республикаялда.
Гьел ккола регионал ГIакъубабазде данде чIараб комитеталъги «Общественный вердикт» фондалъги гIатIидго хIалтIи тIобитIулел. Нижехъ информация бугел регионаздасан информация босана докладалъул кьучIалъе.
Амма гьеб кколаро цогидал регионазда гIакъуба кьеялъул проблемаби гьечIин абураб. Докладалде росун руго ниж кидаго хIалтIулел регионаздасан материалал.
Дагъистаналда фонд «Общественный вердикталъул» ва ГIакъубабазде данде чIараб фондалъул хIалтIухъаби гьечIин, тIаде жубана Наталья Таубинаца.
Гьединлъидал Дагъистаналдаса материалалги гьечIин жидехъ. Дагъистаналдасан жидер идарабазде гIарзалги рачIинчIо, ян тIаде жубалеб буго «Общественный вердикт» фондалъул нухмалъулей Наталья Таубинаца.
«Пытки в разных лицах» ай «ГIакъуба кьеялъул батIи-батIиял рахъал» - абураб франциялъул инсанасул ихтиярал цIунулез Россиялъул «Фонд Общественный вердикталъулгунги», ГIакъубаби кьеялда данде чIараб комитеталъулгунги цадахъ рекъон гIуцIараб доклад Россиялда цебе лъезе буго Москваялда 29 ноябралда Non Fiction-2013 –ялъул гIурхъулъ.