Россиялъул жанисел ишазул министерлъиялъ хIисабалде босун буго такъсирчагlазул хIакъалъулъ кинаб бугониги бан кьурав чиясе гIарцудалъун кумек гьабизе. Экспертазул пикруялда, рехсараб къагIида я гьалдаса цебе, я Советияб хIукумат бугеб мехалда халтIизабун букIинчIо вмма бакътIерхьул улкабазда гьеб нусгониги соналъ цебе байбихьун буго хIалтIизабизе ва гьелъ гьениб лъикIаб хIасилги кьун буго.
Пуланаб такъсирчиялъиялъул хIакъалъулъ баян кьезе ихтияр букIине буго гIицIго низам цIунулел идарабазда хIалтIуларев чиясе. Гьабураб кумекалъухъ кьолеб гIарцул къадарги бахине бегьула лъабго миллионалдегицин.
Дагъистаналъул жанисел ишазул министерлъиялъул пресс-хъулухъалъул нухмалъулев Вячеслав ХIасановас абуна, бицен гьабулеб къануналъул проекталъул жеги халгьаби лъугIун гьечIилан, президентас тасдикъ гьабун хадуб гурони, гьеб хIалтIизе лъугьинеги гьечIилан
Такъсирчилъиялъул рахъалъ хIалуцараб ахIвал-хIал бугеб регион ккола Дагъистанги. Экспертаз ва жамгIиял хIаракатчагIаз чанго батIайиса бицун букIана ЭР-ялъе республикаялда жанисел ишазул министерлъиялъ такъсирал рагьиялъе кинабгIаги хIалтIи гьабулеб гьечIолъиялъул.
ЖамгIияв хIаракатчи ва гьединго Дагъистаналъул жанисел ишазул министерлъиялъул махщалил цолъиялъул нухмалъулев Шамилов МухIамадица абуна, хIалтIизабизе лъугьаралдаса гьеб къануналъ лъикIаб хIасил кьелаанин. ГIажаиблъизецин бачIунеб бугин жинда гьединаб пикру гьезда ракIалде ккун батани. Щайгурелъул автомобилалъул цIурдул рахчулел чIегIерал пленкаби тIутIун рай гурони, тIокIаб гьабин абун Дагъистаналъул низам цIунелез такъсир рагьиялъе гьабулеб хIалтIи бихьуларин жиндаян.
Кверги ккун вачун, гьале гьав чияс гьабунин гьаб такъсириланги абун вихьизавуниги гьев чияда гIайиб букIин чIезабун бажаруларин гьезухъа. Гьелъие мисал бачунаго, Шамиловас ракIалде швезабуна араб соналъул ноябралда МахIачхъалаялда букIараб митингалда жиндихъ кодоб букIараб видеокамера бахъун ун букIанин саламатав полициялъул полковникас. Россиялъул уголовнияб кодексалда рекъон, гьеб кколин гъарачилъи. Гьелда тIасан анцIгониги нухалда хъванин жинца гIарза прокуратураялде, амма гьелъул халцин гьабичIилан. Шамиловас рикIкIунеб буго бицен гьабулеб къануналъул проектги гьелда цереккун хIадур гьарурал цогидалго гIадин бегун хутIилилан
Шамилов МухIамад : «Гьазие такъсирал рагьизе къваригIун гьечIо , къваригIун буго гьел рахчизе, рахчаралъухъ гурони гьезие гIарацги щолеб гьечIо, гIарцухъ гурого гьезие чIухIарал иномаркаби росизеги, минаби разе ресги гьечIо. Дагъистаналда ругелщинал такъсирал рагьани хIалтIиги гьечIого хутIила гуриш гьел, биIахъе «гурхIизе» ккараб хIал букIина. Дир хIисабалда гьеб хIадур гьабулеб бугеб къануналъул проектги цогидалго гIадин бегун хутIизе буго. Нагагь гьеб хIалтIизабизе лъугьани, машаАллагь, тIоцебе дица гьабила кумек, нусго бокьаниги чиги хIадурила гьезие хIажатав»
Лъайги бугел, хIалтIизе гъираги бугел бокьараб такъсир рагьизе жидер махщелги бугел гIемерал офицерзаби ратIа гьарунин полициялдасан, абуна ЭР-ялъе МухIамадов Давудицаги. ГIемерал соназ Каспийскалда бугеб цIех-рехалъулаб комитеталъул бутIаялдаги хIалтIарав полициялъул подполковник ккола гьев. Жиндицаги рахъкколин гьеб къануналъул гьелъ лъикIаб хIасилги кьелилан кколин жинда, амма жакъа полициялда хъулухъ гьабулез такъсир рагьиялъе гьабулеб щибниги хIалтIи гьечIилан.
МухIамад Давудов: « ХIалтIудасаги ратIа гьарун, жидецаго гIумруялъ гьабулеб букIараб ишалдаса махIрум гьавурав чанго офицер вуго Дагъистаналда, гьанжегицин хIалтIуде тIадруссинаруни гьелъиеги хIадурал. Гьездаса пайда босизе кколаха, пайда босизе кколел чагIиги руго МВД-ялъул нухмалъулел. ГьабсагIаталда рагьун ругездасаги рагьичIого хутIарал цIикIкIун руго такъсирал, гьелги рагьизе лъангутIиялъ рагьичIого хутIарал руго. Гьеб малъулебги гьечIо, лъазе тIалабги гьабулеб гьечIо. Гьанже полициялде росарал цIиял хIалтIухъаби абуни рукIуна рачлихъ таманчаги къазабун, чIухIарал иномаркабазда рекIун. Гьебишха гьезул хIалтIи кколеб?»
Къоло щуго соналъ Каспийскалъул жанисел ишазул идараялда хIалтIарав Асланов Агъамирзацаги рахъккуна гьелъул. Гьес тIадчIей гьабулеб бугоан цIикIкIун халкъалдехун мугъчIвай гьабизе кколилан, гьезул кумекалдалъун гурони такъсирчилъи рагьиялъулъ низам цIунулезе цогидаб бакIалдаса кумек щвезе гьечIилан.
Асланов Агъамирза: «Масала, бачинин росдал мисал, гьенив щивав росдал бегавуласда яги цо лъида бугониги лъачIого букIине рес гьечIо гьадасул чан вас вугев, кинаб пишаялде руссун гьел рукIунелали. Гьединал жидеде кумек гьабизе рес бугел гIадал чагIи щибаб росулъ, щибаб минаялъур рукIине ккола гьезул, гьединаб къагIида хIалтIизабуни лъикIабги букIина. ГIакълуги лъайги бугев чияс гьединаб кумек гьабизе буго низам цIунулезе, киналго гьечIониги руго гьединал полициялъе кумек гьабизе бокьарал чагIи. Кумек гьабизеги ккола. Гьезги кумек гьабичIони, лъица гьабизе бугеб полициялъе кумек. ЦIикIкIун мугъчIвайги, хьулги гьабизе ккола гIадамазде».
ЖамгIияв хIаракатчи Шамиловас хадубги абуна такъсирчагIи ралагьиялулъ кумек гьабизе бокьарал гIадамал гIизагIан ругин жакъа Дагъистаналда, хIатта гьезул кьучIалда Россиялъул шагьаразда гIадал лъиданиги рачIел детективазул агенстваби рагьани Дагъистаналда гьел рукIинаанин республикаялъул жанисел ишазул министерлъиялъе лъикIал конкуренталлъун.
Дагъистаналъул жанисел ишазул министерлъиялъул пресс-хъулухъалъул нухмалъулев Вячеслав ХIасановас абуна, бицен гьабулеб къануналъул проекталъул жеги халгьаби лъугIун гьечIилан, президентас тасдикъ гьабун хадуб гурони, гьеб хIалтIизе лъугьинеги гьечIилан
Такъсирчилъиялъул рахъалъ хIалуцараб ахIвал-хIал бугеб регион ккола Дагъистанги. Экспертаз ва жамгIиял хIаракатчагIаз чанго батIайиса бицун букIана ЭР-ялъе республикаялда жанисел ишазул министерлъиялъ такъсирал рагьиялъе кинабгIаги хIалтIи гьабулеб гьечIолъиялъул.
ЖамгIияв хIаракатчи ва гьединго Дагъистаналъул жанисел ишазул министерлъиялъул махщалил цолъиялъул нухмалъулев Шамилов МухIамадица абуна, хIалтIизабизе лъугьаралдаса гьеб къануналъ лъикIаб хIасил кьелаанин. ГIажаиблъизецин бачIунеб бугин жинда гьединаб пикру гьезда ракIалде ккун батани. Щайгурелъул автомобилалъул цIурдул рахчулел чIегIерал пленкаби тIутIун рай гурони, тIокIаб гьабин абун Дагъистаналъул низам цIунелез такъсир рагьиялъе гьабулеб хIалтIи бихьуларин жиндаян.
Кверги ккун вачун, гьале гьав чияс гьабунин гьаб такъсириланги абун вихьизавуниги гьев чияда гIайиб букIин чIезабун бажаруларин гьезухъа. Гьелъие мисал бачунаго, Шамиловас ракIалде швезабуна араб соналъул ноябралда МахIачхъалаялда букIараб митингалда жиндихъ кодоб букIараб видеокамера бахъун ун букIанин саламатав полициялъул полковникас. Россиялъул уголовнияб кодексалда рекъон, гьеб кколин гъарачилъи. Гьелда тIасан анцIгониги нухалда хъванин жинца гIарза прокуратураялде, амма гьелъул халцин гьабичIилан. Шамиловас рикIкIунеб буго бицен гьабулеб къануналъул проектги гьелда цереккун хIадур гьарурал цогидалго гIадин бегун хутIилилан
Шамилов МухIамад : «Гьазие такъсирал рагьизе къваригIун гьечIо , къваригIун буго гьел рахчизе, рахчаралъухъ гурони гьезие гIарацги щолеб гьечIо, гIарцухъ гурого гьезие чIухIарал иномаркаби росизеги, минаби разе ресги гьечIо. Дагъистаналда ругелщинал такъсирал рагьани хIалтIиги гьечIого хутIила гуриш гьел, биIахъе «гурхIизе» ккараб хIал букIина. Дир хIисабалда гьеб хIадур гьабулеб бугеб къануналъул проектги цогидалго гIадин бегун хутIизе буго. Нагагь гьеб хIалтIизабизе лъугьани, машаАллагь, тIоцебе дица гьабила кумек, нусго бокьаниги чиги хIадурила гьезие хIажатав»
Лъайги бугел, хIалтIизе гъираги бугел бокьараб такъсир рагьизе жидер махщелги бугел гIемерал офицерзаби ратIа гьарунин полициялдасан, абуна ЭР-ялъе МухIамадов Давудицаги. ГIемерал соназ Каспийскалда бугеб цIех-рехалъулаб комитеталъул бутIаялдаги хIалтIарав полициялъул подполковник ккола гьев. Жиндицаги рахъкколин гьеб къануналъул гьелъ лъикIаб хIасилги кьелилан кколин жинда, амма жакъа полициялда хъулухъ гьабулез такъсир рагьиялъе гьабулеб щибниги хIалтIи гьечIилан.
МухIамад Давудов: « ХIалтIудасаги ратIа гьарун, жидецаго гIумруялъ гьабулеб букIараб ишалдаса махIрум гьавурав чанго офицер вуго Дагъистаналда, гьанжегицин хIалтIуде тIадруссинаруни гьелъиеги хIадурал. Гьездаса пайда босизе кколаха, пайда босизе кколел чагIиги руго МВД-ялъул нухмалъулел. ГьабсагIаталда рагьун ругездасаги рагьичIого хутIарал цIикIкIун руго такъсирал, гьелги рагьизе лъангутIиялъ рагьичIого хутIарал руго. Гьеб малъулебги гьечIо, лъазе тIалабги гьабулеб гьечIо. Гьанже полициялде росарал цIиял хIалтIухъаби абуни рукIуна рачлихъ таманчаги къазабун, чIухIарал иномаркабазда рекIун. Гьебишха гьезул хIалтIи кколеб?»
Къоло щуго соналъ Каспийскалъул жанисел ишазул идараялда хIалтIарав Асланов Агъамирзацаги рахъккуна гьелъул. Гьес тIадчIей гьабулеб бугоан цIикIкIун халкъалдехун мугъчIвай гьабизе кколилан, гьезул кумекалдалъун гурони такъсирчилъи рагьиялъулъ низам цIунулезе цогидаб бакIалдаса кумек щвезе гьечIилан.
Асланов Агъамирза: «Масала, бачинин росдал мисал, гьенив щивав росдал бегавуласда яги цо лъида бугониги лъачIого букIине рес гьечIо гьадасул чан вас вугев, кинаб пишаялде руссун гьел рукIунелали. Гьединал жидеде кумек гьабизе рес бугел гIадал чагIи щибаб росулъ, щибаб минаялъур рукIине ккола гьезул, гьединаб къагIида хIалтIизабуни лъикIабги букIина. ГIакълуги лъайги бугев чияс гьединаб кумек гьабизе буго низам цIунулезе, киналго гьечIониги руго гьединал полициялъе кумек гьабизе бокьарал чагIи. Кумек гьабизеги ккола. Гьезги кумек гьабичIони, лъица гьабизе бугеб полициялъе кумек. ЦIикIкIун мугъчIвайги, хьулги гьабизе ккола гIадамазде».
ЖамгIияв хIаракатчи Шамиловас хадубги абуна такъсирчагIи ралагьиялулъ кумек гьабизе бокьарал гIадамал гIизагIан ругин жакъа Дагъистаналда, хIатта гьезул кьучIалда Россиялъул шагьаразда гIадал лъиданиги рачIел детективазул агенстваби рагьани Дагъистаналда гьел рукIинаанин республикаялъул жанисел ишазул министерлъиялъе лъикIал конкуренталлъун.