Анкьил тlаса рищарал суратал

20 декабралда туснахъалдаса эркен гьавурав Михаил Ходорковский Берлиналда данчIвалев вуго германиялъул вукIарав къватIисел ишазул министр Ганс-Дитрих Геншерица.

Пакистаналъул хIинкъигьечIолъиялъул хъулухъалъул хIалтIухъабаз цIех-рех гьабулеб буго 20 декабралда Карачиялда бомба кьвагьизабураб бакIалда. 

Лъел нахърателазул къадар хIинкъи бугеб даражаялде щун бугеб Йеменалъул тахшагьар Санаялда лъеда хадув вачIарав вас.

Китаялъул хасаб гвардиялъул курсантаз Пекиналъул рагIаллъуда бугеб квачараб мархьиялъул минаялда жаниб чорхол хинлъи цIунулеб къагIидаялда хIухь бахъулеб буго захIматал ругьунлъиязда хадуб.

Афгъанистан. Рагъулел гьабзазул къецал унел руго Кабулалъул рагIаллъуда.

Иран. Тегераналъул магърибалъул рахъалда бугеб хIоралда  тIамулел руго лъел велосипедал. 

Киев. Рукъзал гьечIел гIадамал кьижун руго метроялде жанире унеб бакIалда. 

Россиялъул президент Владимир Путин Москваялда унеб санайила пресс-конференциялда. 

Пакистан. Пешевар. Рукъзал гьечIел хъизаназул лъимал. 

Бакъ баккулеб заманалда унеб афгъаниязул хъизан. 

Украиналъул ва россиялъул президентал Виктор Янукович ва Владимир Путин Москваялдаги Киевалдаги гьоркьоб къотIи-къай гъулбасун хадуб. 

Туркиялъул Галата Мевлевигьанеялда цере рахъунел руго дервишал.

Украиналъул тахшагьаралъул Незалежности майданалда хIукуматалде данде акциялда тIобитIулеб мехалда эхетарав сакъатав. 

Сириялъул Алеппо шагьаралда авиакьаби щвезабиялъул хIасилалда лъукъарасе кумек гьабулеб буго аскIовехун вукIарав чияс. 

Пакистан. Карачиялда Беназир Бхуттол цIаралда бугеб полициялъул ругьунлъиязул централда кадетаз бихьизабулеб буго жидерго махшел. 

Кыргызстаналъул кьурдол къецазул гIахьалчIужу.