Анкьил тIаса рищарал суратал 22-27 Июль.
Пакистаналъул Карачи шагьаралъул мажгиталда кIал биччаялде, ай ифтаралде хIадурлъи гьабулев чи. (Reuters)
Манилаялда букIараб цIа ккеялъул хIасилалда гIага-шагарго 500 хъизан рукъзал гьечIого хутIана. (Reuters)
Каиралъул Тахрир абулеб майданалда аза-азар чияс тIаса рехарав президент МухIамад Мурси какулел игIланал ахIулел рукIана. (Reuters)
Шималияб Кореялъул тахшагьаралъул Ким Ир Сенил цIаралда бугеб майдан Кореялда рагъ ахиралде шваралдаса 60 сон тIубай кIодо гьабураб къоялъ. (AFP)
Каир. ТIаса рехарав президент МухIамад Мурсил рахъ ккуразда ва гьезул дандиязда гьоркьоб багъарараб-тунка-гIусси. (epa/Ahmed Khaled)
Гьиндустаналъул тахшагьар Мумбаи. ГIарабиялъул ралъдал рагIаллъи. (epa/Divyakant Solanki)
Рио-де-Жанейро. Копакабана абулеб пляжалде Рималъул папа Франциск вачIиналде хIадурлъи. (Reuters)
Испаниялъул Сантьяго-де-Компостела абулеб шагьаралда аскIоб маххул нухда 24 июлялда ккараб авариялдаса нахъе бахъараб сураталда - лъукъарав машинист Франсиско Хосе Гарсон Амо. Гьев жеги азарханаялда вегун чIун вуго, гьесул гъалатIалдалъун букIараб катастрофаялъул хIасилалда 80 чи гIумруялдаса ватIалъана. (AFP)
Алманиялъул Лейпциг шагьар. Паровоз киннигин гьабураб гьавадул пунцIеро. (AFP / DPA )
ЦIа ссинабулес кумек гьабулеб буго 24 июлялда Испаниялъул Сантьяго-де-Компостела шагьаралда аскIоб маххул нухда букIараб авариялда лъукъаразе. (AFP)
Сантьяго-де-Компостела шагьаралда аскIоб маххул нухда букIараб авариялда лъукъарав чи хварасул жаназаялда аскIов. (AFP)
Румыниялъул Сулина абулеб бакIалда тарихияб хабал.(AFP)
Жиндирго хIинкъи гьечIолъи цIунулезул цоясул вас, лейкомия унтиялъ унтарав 2 сон барав Патрикгун кодов бетІер кІкІварав Цолъарал Штатазул вукIарав президент Джордж Буш кIудияв. Гьев васасул хъизамалъ гьарана жидерго фамилия рехсогеян абун. Жеги 26 хъулухъчияс бутIрул кIкIвана, гьелдалъун Патрикиде жидерго цIоб-рахIму бихьизабизелъун. 60 соналъ цебе гIумруялдаса яталъана гьебго лейкомия унтиялъ унтарай Джордж Бушилги гьесул лъади Барбараялъулги ункъго сон барай яс. (AFP)
Сириялъул Дейр-эз-Зор абулеб шагьаралда ГIусман абулеб чIунтизабураб мажгит. (AFP)
Апгъанистан. Рамазан моцI. Герат шагьаралъул мажгит. (AFP)
Бразилиялъул хIукуматалъ Рималъул папа Франсискица Рио-де-Жанейроялде бухьараб сапаралъе 53 миллион доллар хвезабиялда разилъи гьечIел гIадамазда ва полициялъулазда гьоркьоб тунка-гIусси багъарун букIана. (AFP)
Бостоналда кьвагьи гьабиялда хурхен букIиналъул тIад гIайиб бугевлъун рикIкIунев Жовгьар Царнаевасде снайперас лазерияб чIор речIчIизабурараб параялъ Массачусетс штаталъул полициялъул сержант Шон Мерфица исана 19 апрелалда бахъараб сурат.(Reuters)