Анкьил тΙаса рищарал суратал. Сентябрь 22-28.

Шамалъул Эркенаб Армиялъул кьвагьдолев рагъухъан. Алеппо. Сентябрь, 26. (AFP).

Шамалъул Эркенаб Армиялъул рагъухъан хIукуматалъул аскариязул танкабазул кьвагьдеялде балагьичIого векерун унев вуго Алеппо шагьаралдаса рикIкIад гьечIеб Аль-Ардуб абулеб бакIалда. Сентябрь, 26. (AFP).

Непалалъул Катманду шагьаралда бортараб Dornier  абулеб боржароялъул хутIелазда аскIор хIалтIулел хвасарчагIи. Боржароялде рекIарав 19 чи хвана гьеб катастрофаялъул хIасилалда.Сентябрь, 28. (REUTERS).

Ставрополь шагьаралъул контракталдалъун аскарияб хъулухъалъе росулеб централда офицерас кандидатазе къимат кьолеб буго. Сентябрь, 25 (REUTERS).

Аэропланал рачунеб "Ляонин" абулеб гамида инспекциялде ралагьун чIарал Китаялъул рагъулаб ралъдал тIаса бищараб къукъаялъул аскариял. Сентябрь, 25. (REUTERS).

 КIудияй чIужу-гIадан Киевалъул ракьалда гъоркь бугеб нухалда. Сентябрь, 26. (REUTERS).

Юнанистаналъул кьварараб экономикаялъул политикалде данде Афиназда парламенталда цебе гIуцIараб разилъи гьечIолъиялъул демонстрациялда сакъатал гIадамаз хIаракат бахъулеб буго полициялъулазул кьерал чIаразе. Сентябрь, 27. (REUTERS).

Афиназда букIараб демонстрациялда полициялъул хасал хъулухъчагIазда аскIоб бахъараб кьвагьи.Сентябрь,26.(AFP).

Испаниялъул хIукуматалъул экономикияб политикаялде данде Мадридалда букIараб демонстрация. Сентябрь,26. (REUTERS).

ГьабсагIат Гуржистаналъе тIалъи гьабулеб Цолъараб Миллияб Багъа-Башариялъул рахъ ккуразда ва «Гуржиязул Анищ» абулеб партиялъул гIахьалчагIазда гьоркьоб Сигнаги шагьаралда багъарараб тунка-гIусси. Сентябрь, 26. (REUTERS).

Кор боркьун квен гьабизе ракъварал гIисинал гIаркьалаби ратарай апгъан яс. Кабулалъул рагIал. Сентябрь, 27 (REUTERS / Omar Sobhani).

Апгъанистаналъул Жамал Мила абулеб бакIалда гIумру гьабулев рукзал ралев АхIмад Тазим ва гьесул васал Наим (сураталда квегIиса) ва Карим. Сентябрь, 27 (AFP / Roberto Schmidt).

Жиндирго хIамида рекIарав Апгъанистаналъул Балх вилаяталъул Задьян мухъалъул росдал чи. Сентябрь, 23 (AFP/Qais Usyan).

Апгъанистаналъул Вардак вилаяталда бугеб полициялъулал ругьун гьариялъул Централда бугеб балагьутIа-бакIалда хъаравуллъуда чIарав Франциялъул рагъухъан. (AFP).

Россиялъул волонтёраз Сочиялъул Олимпиада рагIизеган 500 къо хутIараб мехалда кIодо гьабулеб буго гьеб хIужа. (AFP).

Белоруссиялъул гIорхъолъа рорчIарал ахIвал-хIалазул министерлъиялъул хIалтIухъабаз Савичи абулеб росдал сверухълъиялда. ТасамахIлъиялдалъун тIураб  пестицидалъул ва цогида загьруял жалалъул гIага-шагарго 640 тонна гьез гьенисеб ракьухъа бахъун буго. (REUTERS).

Нагхлу абулеб Апгъанистаналъул росдал мактабалде унел лъимал. Гьеб мактабалъул минаялда чIей гьабулеб буго парангазул аскарияз. Сентябрь, 24. (AFP).

Белоруссиялъул байрахъалъул ва пачалихъияб гербалъул кIудияб сураталда цее жиндирго гьойгун хIалей чIужу-гIадан. Минск, Сентябрь, 27. (AFP).

Китаялъул полициялъулас туснахъал рачунел руго Сычуань вилаяталда ругел Эмэйшань абулел мугIрузул нух ккун гIебеде. Сентябрь, 27. (REUTERS).

Жанубияб Кореялъул аскарияз  кIодо гьабулеб буго жидерго байраб – улкаялъул яргъидгIуцIарал къуватазул къо. Сентябрь, 25. (REUTERS).

Болгариялъул Магиж абулеб шагьаралъул муниципалиял бутIруз хIукму гьабун буго изну гьечIого бараб  30-гIан рукъ биххизе. Циган миллаталъул чIужу-гIаданалъ хал-щал буго бульдозералъ жиндир рукъ тIагьинабулеб куцалъухъ. Сентябрь, 25.  (REUTERS).