Анкьил тІаса рищарал суратал - Июнь 2-8
ГΙадатияб "Grindadrap" (китазде чан гьаби) унеб мехалда Даниялъул Фареразул чΙинкΙиллъабазул гΙадамаз ккола ва чΙвала дельфиналги. (Reuters/Andrija Ilic)
МацΙалъул къануналъул проект украиналъул парламенталъ къабул гьабиялде данде ругел оппозициялъул рахъ ккуразул протесталъул акциялъул гΙахьалчагΙазе нух къалеб буго ОМОНалъ. (REUTERS / Gleb Garanich)
Россиялъул футболалъул командаялъул рахъ кколез сапар бухьулеб буго Москваялдасан Польшаялде Евро-20Ι2 футболалъул чемпионаталда ракΙалъе хирияб командаялъе моралияб квербакъи гьабиялъе. (AFP/Kirill Kudryavtsev)
Афгъанистаналъул Логар провинция. БакΙалъулал гΙадамал руго НАТОялъул авиациялъ кьаби щвезабиялъул хΙассилалда хваразул жаназаби ралагьулел. (Reuters)
Жиндир рукъ гьечІев китаялъулас аскІосан унезда бихьизабулеб буго Пекиналъул централда бугеб Гьукъараб Шагьаралъул (кΙалгΙабазул комплекс) къедалда кверги чІван императорасул ретІелги ретІун бахъараб жиндирго сурат. (Reuters/David Gray)
Шималияб Кореялъул лидер Ким Чен Ын улкаялъул Лъималазул цолъиялъул 66 сон тІубай кІодо гьабулеб концерталда. (AFP PHOTO/KCNA via KNS)
"Революция халат бахъунеб буго! Эркен гьабе Мисри! Яризабе рагъулаб нухмалъи!" - абурал ахІиял салул ва шушбузул талъелазул кумекалдалъун хъвалел руго протест загьир гьабулес Тахрир майданалда рузманкакида хадуб. (Reuters/Amr Abdallah Dalsh)
Сербиялъул спортсмен Янко Типсаревич. Ролан Гарос абураб Парижалъул стадионалда унеб франциялъул теннисалъул рагьараб турниралда. (Reuters/Benoit Tessier)
Снайперасул гулла щвеялъул хІинкъи бугеб рагьараб бакІ хехго нахъ теялъул мурадалда Цолъарал штатазул солдат векерун унев вуго Афгъанистаналъул Кунар провинциялда. (Reuters/Tim Wimborne)
20ІІ соналъул декабралда Казахстаналъул нартихъабазул Жанаозень шагьаралда рукІарал тунка-гІусиязда гІахьаллъиялъул гІайиб гІунтІизабуразул диванханалъул данделъиялда загьир гьабулеб реакция процессалда гІахьаллъулездасан бахчизабизе гІамал гьабулеб буго
Митингазда низам хвезабиялъухъ бахъулеб гІакІаялъул къадар чанго нухалъ цІикІкІинабиялде данде протест загьир гьабулеб Москваялъул централда тІобитІулеб акциялда полициялъулаз вачун унев вуго оппозициялъул хІаракатчи. (Reuters/Sergei Karpukhin)
Россиялъул Иваново областалда радал хеккого гІадамаз ххал ккун буго бакъдал дискалда тІасан Венера планета унеб куцалда хадуб. (ITAR-TASS/Vladimir Smirnov)