Анкьил тlаса-рищарал суратал. 7-13 июль.

Америкаялъул вукlарав спортсмен Майкл Джонсоница Англиялъул Солсбериялда бугеб тlолабго дунялалъул хазиналъун рикlкlунеб Стоунхенджалда ккун буго олимпиял х1аязул факел.

Казахстан. Байконур комодромалде старталъул бакlалде щвезабулеб буго "Союз - ТМА-05М" абураб космикияб гама.

Киб бугебали чlезабичlеб бакlалдасан шамалъул армиялъул ругьунлъиязда риччалел руго ракетаби.

Хасаб рейд унеб мехалда Красноярск аскlобехун бугеб Емельяново росдоялъул хьибалалда хъазахъас бухьиялда цебе бецулеб буго гlалхуда жибго бижараб габани.

50 сонил юбилей кlодо гьабулаго, Rolling Stones группаялъул хутlарал музыкантал сурат бахъулаго, эхетун руго Лондоналъул "Марки" абураб музыкалияб клубалда цере.

Испаниялъул Памплона шагьаралда тlобитlулеб Сан-Фермин абураб байрамалъул къоялъ къватlир риччарал оцаздасан лъутун рорчlизе киназдагогуро бажарулеб.

Пакистаналългун гlорхъода бугеб Афгъанистаналъул Нангаргьар абураб провинциялда лъмалаз бакlарулебь буго хадуб Пакистаналде бичизесеб махх-мачl.

Руччаби балагьун руго 2012 соналъул Лондоналъул Олимпиял хlаязул байрамалъул бутиlалъун лъугьараб Стоунхенджалда гlуцlараб Цlадул ахилан абураб аттракционалде.

Каир. 9 июль. Тахрир майдан. Гьанже вищарав мисралъул президент Мохlамад Мурсил рахъ ккураз мотоциклалда рекlараб мехалъцин кколеб буго гьесул сурат.

Киев. 12 июль. Диваналъул минаялда цебе чlужугlаданалъ жиндирго къагlидаялда загьир гьабулеб буго туснахъалда йигей экс-премьер Юлия Тимошенкол рахъ кколеб букlин.

Босниягун Герцоговиналъул Сребреница шагьаралда тlагlинарурал гlадамазул рухlалдасан мемориалалъул центр Потокариялда тlад пирхулеб буго пири.

Цолъарал штатазул десанталъулав унев вуго Афгъанистаналъул Пактия провинциялда бугеб ролъалъул хурисан.

Россиялъул генерал Николай Макаров Вашингтоналъул Пентагоналда цебе унеб дандчlваялъул протоколалъул церемониялъул мехалда.