Анкьил тIаса рищарал суратал 15-21 Октябрь

Дунялалда цIар араб The Rolling Stones абулеб ингилизазул музыкалияб къукъа Лондоналъул Leicester Square абулеб майданалда жиндир хIакъалъулъ документалияб фильм бахъулеб мехалда. Октябралъул 18 билеб. (AFP / Carl Court).

ЦIорол рагъул заманалъул советиял ракетаби гьанже Кубаялда цIунулел руго доб мехалъул тарихиял гIаламатал хIисабалда. Октябралъул 15 билеб. (REUTERS).

Алеппо шагьаралда бугеб Нур аль Шаугьада абулеб мажгиталде Сириялъул хIукуматалъул аскарияз гIарада баялъул хIасилалда ганчIазда гъоркь хутIарав чи хвасар гьавизе къасд гьабулеб буго гIадамаз.  Октябралъул 17 билеб. (AFP / Fabio Bucciarelli).

Монголиялъул тахшагьар Улан-Баторалда букIараб Владимир Ленинил ахирисеб мазгарул статуя нахъе бахъун буго. Октябралъул 14 билеб. (AFP).

Украиналъул Днепропетровск шагьаралда жугьутIазул централда дагьалъ цебе рагьараб Холокосталъул къурбаназул хIурмат гьабиялъул экспозиция. (REUTERS ).

Сириялъул Идлиб абулеб вилаяталда бугеб Маарет аль-Нуман абулеб  Хафез Асадил музеялда чIезабураб бюст хIакъир гьабун буго шалали лъаларез. Октябралъул 17 билеб. (AFP).

Алеппо шагьаралда Сириялъул Эркенаб Армиялъул рагъухъабаз кьвагьдолел руго  хIукуматалъул аскариязде. Октябралъул 15  билеб. (REUTERS).

Тибилисиялъул тарихияб авалалда бугеб кьо. Октябралъул 15 билеб. (REUTERS / David Mdzinarishvili).

Бейруталда бахъараб кьвагьиялъул хIасилалда лъукъарал гIадамазе кумек гьабулеб буго Ливаналъул хвасарчагIаз. 8 чи чIван вуго доб кьвагьиялъул хIасилалда. Октябралъул 19 билеб. (REUTERS).

Санкт-Петербург. Берцинаб хасалихълъиялъул тIабигIияб сурат. Октябралъул 15 билеб. (Reuters).

Апгъанистаналъул тахшагьар Кабулалда бугеб Надир-ханасул хоб. Октябралъул 18 билеб. (AFP).

Хамиз къоялъ гIага-шагарго 300 олаш-циганаз абадияб рукъове регIизавуна итни къоялъ гIумруялдаса ватIалъарав жидерго къирал Ян Липа. Гьес халатаб заманалда жаниб гIумру гьабулаан Америкалда ва Канадаялда. Чехиялде Ян Липа тIад вуссана “къатІипадул инкъилабалдаса” нахъе. (REUTERS / Petr Josek).

Пакистаналъул гIадамаз жидерго варанаби рачунел руго Фаисабадалда бугеб хIайваназул базаралде. Октябралъул  16 билеб. (REUTERS).

Белоруссиялъул Радашковичи абулеб росдал руччаби хурисажо гьабулеб буго. Октябюралъул 18 билеб. (REUTERS).

Апгъанистаналъул лъимал Кабулалда аскIоб бугеб гохIтIа. (REUTERS).

Колумбиялда тIобитIараб I6-билеб халкъаздагьоркьосеб фестивалалда жиндирго гьунар бихьизабулев ковбой.  Октябралъул  15 билеб. (REUTERS).

Австриялъул бóкьарабахъ Феликс Баумгартнер  атмосфераялъул рагIалалдаса ракьалде кIанцIулеб параялъ. Октябралъул  14 билеб. (AFP / Jay Немет).

Апгъанистаналъул мискинай чIужу-гIаданалъ садакъа гьарулеб буго Кабулалъул сверухълъиялда бугеб нухтIа гIодой чIун. Октябралъул 17 билеб.

16 октябралда тIалибаз речIчIун чIварай Малала Юсуфзаил хIурматалъе Сударшан Патнаикица гьабураб гъумил сурат. Гьиндустаналъул Одиша штат.  (REUTERS).