Москваялда «Миллионазул маршалъул» гъурхъабалъ гьелъул гlахьалчагlаз цIалана анлъабиле маялда Болотное майданалда букIараб протесталъул акциялда гIадлу-биххиязулъ гIахьллъиялъул гIайиб гIунтIизабулев 17 чиясул рахъ ккураб хитIаб.
Оппозиционераз гьел рикIкIунел руго политикиял туснахъаллъун ва тIалаб гьабулеб буго уголовияб тIадецуялдаса гьел эркен гьаризе. Митингалда политикиял гурелги рукIана социалиял ахIиялги.
Гьездаго гьоркьоб сахлъи цIуниялъе ва лъайкьеялъе гьабулеб харж цIикIкIинабиги. РакIараразда цере рахъана Гарри Каспаров, Сергей Удальцов, Алексей Навальный, Евгения Чирикова, Борис Немцов ва цогидал.
Демонстрантаз гьезул кIалъаял дандчIвалел рукIана «ЦIидасан рищиял гьаризе!», «Вахъа къватIиве-тIадбуссинабе дуего шагьар!», «Россия эркенаб букIине буго!» , «Киналго цоясухъан-цояв киназухъанго!» ва «Путин гьечIеб Россия!» -ян гьарулел ахIияздалъун.
Митинг тIобитIулеб Сахаровасул майданалде «Миллионазул маршалъул» аза-азар гIахьалчи вачIана Пушкинил майданалдасан Бульваралъулаб абулеб горсувериги къотIун. Гьеб акциялда низам чIезабиялда хадуб хал кквезе вахъинавун вукIана анкьазарго полицияв. Гьенир кинал рукIаниги гIадлу-биххиязул лъазабулеб гьечIо. Гьединалго акциял тIоритIана россиялъул цоги гIемерал шагьараздаги.
Официалиял баяназда рекъон, Москваялда «Миллионазул маршалда» гlахьаллъун вуго 25 зарго чи.
Демонстрантаз гьезул кIалъаял дандчIвалел рукIана «ЦIидасан рищиял гьаризе!», «Вахъа къватIиве-тIадбуссинабе дуего шагьар!», «Россия эркенаб букIине буго!» , «Киналго цоясухъан-цояв киназухъанго!» ва «Путин гьечIеб Россия!» -ян гьарулел ахIияздалъун.
Митинг тIобитIулеб Сахаровасул майданалде «Миллионазул маршалъул» аза-азар гIахьалчи вачIана Пушкинил майданалдасан Бульваралъулаб абулеб горсувериги къотIун. Гьеб акциялда низам чIезабиялда хадуб хал кквезе вахъинавун вукIана анкьазарго полицияв. Гьенир кинал рукIаниги гIадлу-биххиязул лъазабулеб гьечIо. Гьединалго акциял тIоритIана россиялъул цоги гIемерал шагьараздаги.
Официалиял баяназда рекъон, Москваялда «Миллионазул маршалда» гlахьаллъун вуго 25 зарго чи.