ЦIунтIа мухъалъул ХутIрахъ росулъ чIварав изну гьечIого яргъид гIуцIарав ватана гьеб мухъалъул рохьилазул къукъаялъул бетIер Зульфукъар МухIамадрасулов. Росулъ хасаб операция жегиги халат бахъунеб буго. Гьединго Буйнахъскиялдаса инсанасул ихтиярал цIунулеб идараялъул хIалтIухъаналъ ахIи бахъинабулеб буго гьеб шагьаралда ругел гIадамазе полициялъулаз гьабулеб тIагIамбахъиялъу
ХутIрахъ росулъ букIараб хасаб операциялъул хIасилалда чIварав изну гьечIого яргъид гIуцIарав щив вукIаравли рузман къоялъ баян гьабуна информалатазе, гьев ккола Цебари росулъа МухIамадрасулов Зульфукъар. Гьеб мухъалда ругел изну гьечIого яргъид гIуцIаразул къукъаялъул нухмалъулев кколев вукIун вуго гьев. ЦIех-рехалъул комитеталъухъа щварал баяназда рекъон низам цIунулел хIалтIухъабазул ункъо чи вуго лъукъун гьезул кIигояв захIматго лъукъун вуго.
ЦIунтIа мухъалъул ХутIрахъ хасаб операция байбихьана къоло анлъабилеб июналъул сардилъ. Зульфукъар МухIамадрасулов чIван вукIиналъул баян информ.алатаз къватIибе кьуна хамиз къоялъго. Мухъалда хасаб операция жеги-харги халат бахъунеб бугин Зульфукъар МухIамадрасуловг
Къебедов МухIамад: «Рохьоре лъутун рорчIун анилан абун гурони тIокIаб батIияб баян лъалеб гьечIо лъора ругел чагIаздаги»
Росулъ рукIарал гьезда хадуб халккун букIин лъараб куц бугоха рохьилазда ва лъутизе кIун буго гьезда.
Э.Р Хасаб операция жеги халат бахъунеб бугилан абуниш росулъ?
Къебедов МухIамад: «БукIинаришха, дол киналго тIагIинаричIого гьеб лъугIизе телиш къуваталъул идарабазги, гьезул лъалкIда хадур ине ракIалда бугин гьездаян абулеб буго дихъе щварал баяназда».
ХутIрахъа росулъ бугеб ахIвал-хIалалда тIасан тIокIал батIиял баянал щвечIо «Эркенлъи» радиоялъухъе.
Буйнаксиялдаса инсанасул ихтиярал цIунулей Багьавудинова Заремаца гIарза хъван буго прокуратураялде гьеб шагьаралдаса къоло лъабго чиясе полициялъул хIалтIухъабаз тIагIамбахъи гьабулеб букIиналъул хIакъалъулъ. Гьел чагIазул гIага-божаразул рохьилазулгун бухьен букIиналда щаклъи букIун полициялде рачун гьезул хIацIцIул ва килщазул ДНК-ялъул анализ босулеб букIун буго июналъул 19 къоялъго. Полициялде рачун рукIрал чагIи ккола рохьилазулгун бухьен букIиналда щаклъи ккарал чагIазул эбел-эмен, хъизамал ва цере рукIаралги гьезул руччаби.
Заремаца прокуратураялде гIарза хъван буго Буйнакск шагьаралъул гIадамазул гьариялда рекъон. Полициялде рачун хIал гьабун ДНК анализ босарал чагIи хIинкъун ругин инфлом.алатазда ялъуни цогидал чагIазда жидерго къварилъи бицинеян абулеб буго Заремаца. ХIацIцIул ва цогидалги лугбузул ДНК анализ босиялъе гIилла баян гьабулаго полициялъулаз абулеб буго жалго жидецаго квьагьизарурал гIадамазда тIад борчун букIараб кьвагьул алаталда тIад хутIарал хъал-тIом гьезул гIагарал чагIазул букIарабищали чIезабулеб бугин жидецаян. Гьеб жо инсанасул ихтиярал хвезариялъул хIужа бугилан абулеб буго Заремаца. Гьелъ гьединго гIарза битIун буго Москваялда бугеб прокуратураялдег