Бензиналъул багьа ва самолетазул белтазул багьа цIикIкIиналъул бицана 25 сентябралда Монополиязде дандечIараб федералияб хъулухъалъул Дагъистаналда бугеб идараялъул нухмалъулев Къурбан Кубасаевас кьураб пресс-конференциялда.
Тадбиралъул байбихьуда Кубасаевас бицана монополиязде дандечIараб стратегия кин тIубалеб бугебали. Гьесул рагIабазда рекъон, стратегиялда гъорлъ уна ункъо суал.
Гьезда гьоркьор руго къануналда рекъон бизнес бачиналъе шартIал чIезари, бизнесалд цере чIолел админстративиял квекIенал тIагIинари, пачалихъиял тендерал кьеялъе гьарулел аукционазда гIахьаллъизе гъира бугезе квал-квал гьабунгутIи.
Кубасаевасул рагIабазда рекъон, экономикаялда ва бизнесалда гъорлъ пачалихъ лъугьине кколаро. «ГIицIго тарифазда ва багьабазда хадуб хал ккун гурони, тIокIаб батIияб гIахьаллъи бизнесалъул ишазда пачалихъалъул букIине бегьуларо», - ян абуна Кубасаевас.
Монополиязде дандечIараб идараялъул нухмалъулес гьединго абуна МУПалгун ГУПал гIемерлъун ругин республикаялда. Гьес рикIунеб буго, гьел идарабазул хIалтIудаса хасаб бизнес лъикI бачунел пачалихъиял гурел фирмаби ркгин ва гьезухъе кьезе кколин тIубанго бизнес.
Пачалихъиял идарабаз бачунеб бизнесалъул хал-шал гьабулеб бугин абуна Кубасаевас.
Гьел идарабаз ричарал гъалатIал ритIизарулел гьечIилан бицана Кубасаевас. Мисалалъе. Монополиязде дандечIараб идараялъ пачлихъиябгун унитарияб «Новострой» предприятиялде чанги нухалъ лъазабун буго гьезул хIалтIудалъ 42 гъалатI батанин ва ругел масъалаби тIураян.
Амма «Новостроялъ» инкар гьабун буго лъазабиязе ва тIадежоялъе Монополиязде дандечIараб идараялъул комиссиялъул протоколазул документал хисизарун руго. Гьанже «Новостроялъ» 21 миллион гъурущ гIакIалъун кьезе кола.
Бензиналъул багьаялъулги хал-шал гьабуна Монополиязде дандечIараб идараялъилан бицана Кубасаевас. Гьесул рагIабазда рекъон, Дагъистаналда хIалтIулеб буго 700-ялдаса цIикIкIун автозаправка ва гьезда гъорлъ моноплистал ругин абизе захIмалъулеб буго.
Дагъистаналда бензин бачIуна Волгоградалдаса, Сааратовалдаса, Башкириялдаса, Самараялдаса ва гьенир ругел нарталъул компаниязде гIарза хъван буго Монополиязде дандечIараб идараялъ щай бензиналъул багьаби цIикIкIизарурал бичIизабеян. Гьединго идараялъ заправкабазулги хал-шал гьабун буго.
Бензиналъул багьа цIикIкIинабиялъе чанги гIилла батун буго Монополиязде дандечIараб идараялъе.
Гьелги: нарталъул багьа тIадебахин, сезоналъулал багьаби цIикIкIи, бензиналъул акцизазул багьа пачалихъалъ бахинаби, нарт бахъиялъухъ кьолеб налог цIикIкIинаби, тIадежоялъе дуниялалдаго нарталъул багьа цIикIкIунеб буго.
Авиабелтазул багьаялъул бицунаго, Кубасаевас абуна багьаби гIодорккун ругин. Авиакомпаниял цIикIкIана республикаялда ва гьелдалъун гьезда гьоркьоб къец баккана.
Цере гIемер гIарзаби рукIунаан пассажиразул белтал цIакъ хириял ругин, гьенже гьединал гIарзаби гьечIо. «МахIачхъала-Москва-МахIачхъала» рейсалъухъ пассажирас гьанже кьезе кколеб гьоркьохъеб багьа буго 9500 гъурущ.
Пресс-конференциялда «Эркенлъи» радиоялъул мухбирас Кубасаевасда ракIалда щвезабуна республикаялъул нухмалъулев Рамазан ГIабдулатIиповасул рагIаби.
Президентас абун букIана Дагъистаналда ругел федералиял хъулухъазул идарабазулги хIукуматалъулги лъикIал гьоркьолъаби гьечIилан. Гьелдалъун «Эркенлъиялъул» мухбирас гьикъана Кубасаевасда гьес нухмалъи гьабулеб идараялдаги Дагъистаналъул хIукуматалдаги гьоркьор ругищали ричIунгутIиял. Кубасаевас жаваб кьуна ругилан.
Къурбан Кубасаев: «Нижер гьоркьолъаби гIадатиял ва бигьаял ругин абизе дида кIоларо. ХIукуматалъул нухмалъулев Абдусамад ХIамидовгун нижер идараялъул дандеккола.
Амма вице-премьеразда бичIулеб гьечIо Монополиязде дандечIараб идараялъ гьабулеб хIалтIи. Гьезда нижеца гьабулеб хIалтIи бичIуларого батила яги бичIулеб гьечIин хвелал гьарулел ратила гьез. Руго ричIунгутIиял амма хьул буго заманаялдасан гьел ричIунгутIиял тIагIилин».
Кубасаевасул рагIабазда рекъон, Монополиязде дандечIараб федерилияб хъулухъалъул нухмалъулесухъеги Россиялъул хIукуматалъул нухмалъулесухъеги хасаб къагъат битIун буго ва гьеб кагъаталда рехсон буго Дагъистаналъул хIакимаз гIадахъ росулел гьечIеблъи Монополиязде дандечIараб идараялъ тIураялъе тIадкъарал суалал.
Гьезда гьоркьор руго къануналда рекъон бизнес бачиналъе шартIал чIезари, бизнесалд цере чIолел админстративиял квекIенал тIагIинари, пачалихъиял тендерал кьеялъе гьарулел аукционазда гIахьаллъизе гъира бугезе квал-квал гьабунгутIи.
Кубасаевасул рагIабазда рекъон, экономикаялда ва бизнесалда гъорлъ пачалихъ лъугьине кколаро. «ГIицIго тарифазда ва багьабазда хадуб хал ккун гурони, тIокIаб батIияб гIахьаллъи бизнесалъул ишазда пачалихъалъул букIине бегьуларо», - ян абуна Кубасаевас.
Монополиязде дандечIараб идараялъул нухмалъулес гьединго абуна МУПалгун ГУПал гIемерлъун ругин республикаялда. Гьес рикIунеб буго, гьел идарабазул хIалтIудаса хасаб бизнес лъикI бачунел пачалихъиял гурел фирмаби ркгин ва гьезухъе кьезе кколин тIубанго бизнес.
Пачалихъиял идарабаз бачунеб бизнесалъул хал-шал гьабулеб бугин абуна Кубасаевас.
Гьел идарабаз ричарал гъалатIал ритIизарулел гьечIилан бицана Кубасаевас. Мисалалъе. Монополиязде дандечIараб идараялъ пачлихъиябгун унитарияб «Новострой» предприятиялде чанги нухалъ лъазабун буго гьезул хIалтIудалъ 42 гъалатI батанин ва ругел масъалаби тIураян.
Амма «Новостроялъ» инкар гьабун буго лъазабиязе ва тIадежоялъе Монополиязде дандечIараб идараялъул комиссиялъул протоколазул документал хисизарун руго. Гьанже «Новостроялъ» 21 миллион гъурущ гIакIалъун кьезе кола.
Бензиналъул багьаялъулги хал-шал гьабуна Монополиязде дандечIараб идараялъилан бицана Кубасаевас. Гьесул рагIабазда рекъон, Дагъистаналда хIалтIулеб буго 700-ялдаса цIикIкIун автозаправка ва гьезда гъорлъ моноплистал ругин абизе захIмалъулеб буго.
Дагъистаналда бензин бачIуна Волгоградалдаса, Сааратовалдаса, Башкириялдаса, Самараялдаса ва гьенир ругел нарталъул компаниязде гIарза хъван буго Монополиязде дандечIараб идараялъ щай бензиналъул багьаби цIикIкIизарурал бичIизабеян. Гьединго идараялъ заправкабазулги хал-шал гьабун буго.
Бензиналъул багьа цIикIкIинабиялъе чанги гIилла батун буго Монополиязде дандечIараб идараялъе.
Гьелги: нарталъул багьа тIадебахин, сезоналъулал багьаби цIикIкIи, бензиналъул акцизазул багьа пачалихъалъ бахинаби, нарт бахъиялъухъ кьолеб налог цIикIкIинаби, тIадежоялъе дуниялалдаго нарталъул багьа цIикIкIунеб буго.
Авиабелтазул багьаялъул бицунаго, Кубасаевас абуна багьаби гIодорккун ругин. Авиакомпаниял цIикIкIана республикаялда ва гьелдалъун гьезда гьоркьоб къец баккана.
Цере гIемер гIарзаби рукIунаан пассажиразул белтал цIакъ хириял ругин, гьенже гьединал гIарзаби гьечIо. «МахIачхъала-Москва-МахIачхъала» рейсалъухъ пассажирас гьанже кьезе кколеб гьоркьохъеб багьа буго 9500 гъурущ.
Пресс-конференциялда «Эркенлъи» радиоялъул мухбирас Кубасаевасда ракIалда щвезабуна республикаялъул нухмалъулев Рамазан ГIабдулатIиповасул рагIаби.
Президентас абун букIана Дагъистаналда ругел федералиял хъулухъазул идарабазулги хIукуматалъулги лъикIал гьоркьолъаби гьечIилан. Гьелдалъун «Эркенлъиялъул» мухбирас гьикъана Кубасаевасда гьес нухмалъи гьабулеб идараялдаги Дагъистаналъул хIукуматалдаги гьоркьор ругищали ричIунгутIиял. Кубасаевас жаваб кьуна ругилан.
Къурбан Кубасаев: «Нижер гьоркьолъаби гIадатиял ва бигьаял ругин абизе дида кIоларо. ХIукуматалъул нухмалъулев Абдусамад ХIамидовгун нижер идараялъул дандеккола.
Амма вице-премьеразда бичIулеб гьечIо Монополиязде дандечIараб идараялъ гьабулеб хIалтIи. Гьезда нижеца гьабулеб хIалтIи бичIуларого батила яги бичIулеб гьечIин хвелал гьарулел ратила гьез. Руго ричIунгутIиял амма хьул буго заманаялдасан гьел ричIунгутIиял тIагIилин».
Кубасаевасул рагIабазда рекъон, Монополиязде дандечIараб федерилияб хъулухъалъул нухмалъулесухъеги Россиялъул хIукуматалъул нухмалъулесухъеги хасаб къагъат битIун буго ва гьеб кагъаталда рехсон буго Дагъистаналъул хIакимаз гIадахъ росулел гьечIеблъи Монополиязде дандечIараб идараялъ тIураялъе тIадкъарал суалал.