Ахирисел кIиго къоялда жаниб полициялде анкьго гIарза щун буго жидер риларал гIагарал ратеян. Дагъистаналъул жанисел ишазул пресс-хъулулхъалда абуна «Эркенлъи» радиоялъе гIарзабазда рехсарал тIагIарал рокъоса ун хадур кIиго-лъабго анкь бан бугин ва гьезул гIагарлъиялда лъалел гьечIин кире гьел ине бегьулелали.
ТIагIарал ккола Дагъистаналъул батIи-батIиял бакIаздаса: ункъояв ккола МахIачхъалаялдаса, цояв ккола Семендералдаса, цогидав ккола Сергохъалаялдаса, вуго Хунзахъ мухъалда тIагIаравги.
Риларазда гъорлъ руго 31 сон барав Исрапил Калянов, 20 сон барай Аминат Керимова, 35 сон барав ДжабрагIил Сайпулаев, 38 сон барав ГIумар Валибагандов, 42 сон барай Наида ГIалиева, 19 сон барай Зарема Искандерова ва 18 сон барай Фатима Юсупова.
Жанисел ишазул пресс-хъулухъалда лъазабуна цере рехсарал чагIи цIехолел ругин.
Гьединго пресс-хъулухъалда абуна риларазул цо-цоял гIагараз рикIунеб бугин тIагIарал рикъун ратизе бегьулин.
Гьезул пикруялда рекъон, Дагъистаналда гIемер гIадамал рикъулел руго, гьелдалъун гьезул гIагаралги гьедин тIагIинарун ратизе рес буго.
ТIагIаразул гIагарлъиялъул ургъел жинда бичIулин абуна МахIачхъалаялдаса Зоя ГIабдулаевалъ.
Гъоркьисала 7-леб марталда тIагIана гьелъул кIиго вас. "Радал гьел кIиялго пляжалде ана ва тIокIал гьел рихьичIоилан" бицана Зояца.
Гьелъул рагIабазда рекъон, жиндир васал ратеян гIарзабигун гьей щвечIеб бакI хутIичIо. Я жанисел ишазул министерлъиялдаги щвана, я федералияб хасаб хъулухъалдеги щвана.
Щвана прокуратураялде ва цIех-рехалъул комитеталде. ГIарзаби ритIана республикаялъул нухмалъулесухъе, Россиялъул президентасухъе.
Амма сунцаниги жеги кумек гьабичIо. Киса кирего жавабал щвана васал ралагьулел ругин, амма васал кире тIагIарал лъалеб гьечIо лъиданигиилан" абуна Зояца.
Гьелъ бицаралда рекъон, гьей чанги митингалдеги яхъана, амма гьезги хIасилал кьечIо. Гьей щвараб ахирисеб митинг тIобитIана МахIачхъалаялда 22 августалда. Гьенир гIахьаллъана Дагъистаналда рикъаразул гIагарал.
Зоягун цадахъ митингалде ячIана Семендералдаса Жанна ИсмагIиловаги. 8-леб маялда рикъана гьелъул кIиго вас – ИсмагIилов Рашид ва Арсен.
Гьезул цояв квешго вухизеги вухун нахъе вичана. ГIагараз рикIунеб буго рикъиялъулъ низам цIунулел гIаийбал ругин. Рашид викъана радал. Гьев викъана ярагъ кодоб бугеб камуфляж ретIарал анцIгояс.
Гьебго къоялда, къадеялда нахъе, викъана Рашидил вац – 35 сон барав ИсмагIилов Арсен. Жаннаца бицана Арсен гьебго къоялда кватIун рокъове щванин ва тIаде балагьарабго бичIулеб букIанин гьев квешго вухун вукIин.
Арсеница бицун буго жив хIалтIудаса къатIиве вахъунев мехалда жинда аскIобе кIиго автомобиль чIезабунин.
Гьениса къватIире кIанцIун вуго анлъго чи. Гьезда тIад гIадатияб ретIел букIанин бицана Арсеница.
Гьев кквезеги ккун, пакетги бетIералда ретIинабун, цояб автомобилалде жаниве къазавуна. МахIачхъала тун къватIиве вачун вуго гьев.
Цояб минаялда жанивги вачун Арсение гIакъубаби кьун руго гьез. Вухун, кьабун, ток бичан гьесда абулеб букIун буго бицейилан 3 маялда МахIачхъалаялда теракт лъица гьабурабали.
Теракт гьабурал чагIи жинда лъаларилан чIун вуго Арсенги. Ахир-къадги гьев нахъе виччан вуго.
Арсеница бицаралда рекъон, гьев МахIачхъалаялъул пляжалда бугеб «Волна» рестораналда аскIов рехана автомобилалдаса. Рашид кив вугевали жеги лъалеб гьечIо.
22 августалда тIобитIараб митингалде ячIана Рузмай СалихIоваги. Гьелъул вас Сахраб АбакархIажиев тIагIун вуго 20-леб маялда.
12 июлалда чIварав адвокат МухIамад Гучучалиевасул шоферлъун вукIун вуго гьев. Рузмаица бицаралда рекъон, адвокатасул вацас абун буго Сахрабил инсуда гьесул вас чIаго вугин.
22 августалда митингалда гIахьаллъараз Дагъистаналъул нухмалъулев Рамазан ГIабдулатIиповасухъе гIарзаби хъвана.
Гьебго къоялда ГIабдулатIиповас дагъистаниязул суалазе жавабал кьолел рукIана телевидениялдаса. ТIагIаразул гIагаразул гIарзаби ГIабдулатIиповасухъе щвезаруна Эркенлъи радиоялъул мухбирас. Президентас абуна жинца гьел гIарзабазул халгьабилин.
Риларазда гъорлъ руго 31 сон барав Исрапил Калянов, 20 сон барай Аминат Керимова, 35 сон барав ДжабрагIил Сайпулаев, 38 сон барав ГIумар Валибагандов, 42 сон барай Наида ГIалиева, 19 сон барай Зарема Искандерова ва 18 сон барай Фатима Юсупова.
Жанисел ишазул пресс-хъулухъалда лъазабуна цере рехсарал чагIи цIехолел ругин.
Гьединго пресс-хъулухъалда абуна риларазул цо-цоял гIагараз рикIунеб бугин тIагIарал рикъун ратизе бегьулин.
Гьезул пикруялда рекъон, Дагъистаналда гIемер гIадамал рикъулел руго, гьелдалъун гьезул гIагаралги гьедин тIагIинарун ратизе рес буго.
ТIагIаразул гIагарлъиялъул ургъел жинда бичIулин абуна МахIачхъалаялдаса Зоя ГIабдулаевалъ.
Гъоркьисала 7-леб марталда тIагIана гьелъул кIиго вас. "Радал гьел кIиялго пляжалде ана ва тIокIал гьел рихьичIоилан" бицана Зояца.
Гьелъул рагIабазда рекъон, жиндир васал ратеян гIарзабигун гьей щвечIеб бакI хутIичIо. Я жанисел ишазул министерлъиялдаги щвана, я федералияб хасаб хъулухъалдеги щвана.
Щвана прокуратураялде ва цIех-рехалъул комитеталде. ГIарзаби ритIана республикаялъул нухмалъулесухъе, Россиялъул президентасухъе.
Амма сунцаниги жеги кумек гьабичIо. Киса кирего жавабал щвана васал ралагьулел ругин, амма васал кире тIагIарал лъалеб гьечIо лъиданигиилан" абуна Зояца.
Гьелъ бицаралда рекъон, гьей чанги митингалдеги яхъана, амма гьезги хIасилал кьечIо. Гьей щвараб ахирисеб митинг тIобитIана МахIачхъалаялда 22 августалда. Гьенир гIахьаллъана Дагъистаналда рикъаразул гIагарал.
Зоягун цадахъ митингалде ячIана Семендералдаса Жанна ИсмагIиловаги. 8-леб маялда рикъана гьелъул кIиго вас – ИсмагIилов Рашид ва Арсен.
Гьезул цояв квешго вухизеги вухун нахъе вичана. ГIагараз рикIунеб буго рикъиялъулъ низам цIунулел гIаийбал ругин. Рашид викъана радал. Гьев викъана ярагъ кодоб бугеб камуфляж ретIарал анцIгояс.
Гьебго къоялда, къадеялда нахъе, викъана Рашидил вац – 35 сон барав ИсмагIилов Арсен. Жаннаца бицана Арсен гьебго къоялда кватIун рокъове щванин ва тIаде балагьарабго бичIулеб букIанин гьев квешго вухун вукIин.
Арсеница бицун буго жив хIалтIудаса къатIиве вахъунев мехалда жинда аскIобе кIиго автомобиль чIезабунин.
Гьениса къватIире кIанцIун вуго анлъго чи. Гьезда тIад гIадатияб ретIел букIанин бицана Арсеница.
Гьев кквезеги ккун, пакетги бетIералда ретIинабун, цояб автомобилалде жаниве къазавуна. МахIачхъала тун къватIиве вачун вуго гьев.
Цояб минаялда жанивги вачун Арсение гIакъубаби кьун руго гьез. Вухун, кьабун, ток бичан гьесда абулеб букIун буго бицейилан 3 маялда МахIачхъалаялда теракт лъица гьабурабали.
Теракт гьабурал чагIи жинда лъаларилан чIун вуго Арсенги. Ахир-къадги гьев нахъе виччан вуго.
Арсеница бицаралда рекъон, гьев МахIачхъалаялъул пляжалда бугеб «Волна» рестораналда аскIов рехана автомобилалдаса. Рашид кив вугевали жеги лъалеб гьечIо.
22 августалда тIобитIараб митингалде ячIана Рузмай СалихIоваги. Гьелъул вас Сахраб АбакархIажиев тIагIун вуго 20-леб маялда.
12 июлалда чIварав адвокат МухIамад Гучучалиевасул шоферлъун вукIун вуго гьев. Рузмаица бицаралда рекъон, адвокатасул вацас абун буго Сахрабил инсуда гьесул вас чIаго вугин.
22 августалда митингалда гIахьаллъараз Дагъистаналъул нухмалъулев Рамазан ГIабдулатIиповасухъе гIарзаби хъвана.
Гьебго къоялда ГIабдулатIиповас дагъистаниязул суалазе жавабал кьолел рукIана телевидениялдаса. ТIагIаразул гIагаразул гIарзаби ГIабдулатIиповасухъе щвезаруна Эркенлъи радиоялъул мухбирас. Президентас абуна жинца гьел гIарзабазул халгьабилин.