Гьеб тадбиралда кIалъаял гьаруна Калуга икълималъул нухмалъиялъул вакилзабаз, культураялъул министрас, Дагъистаналъул президентасул Москаялда бугеб вакиллъиялъул хIалтIухъабаз, Халкъалда гьоркьосеб Шамилил фондалъул хIаракатчагIаз ва цогидазги.
Калугаялда Шамил имамасул музей рагьиялъе квербакъарав МахIачхъала шагьаралъул гьенив вугев вакил ГIалиасхIаб Хархачаевас гьадин бицана «Эркенлъи» радиоялъе.
Your browser doesn’t support HTML5
ГIалиасхIаб Хархачаев
Кавказалъул цIар рагIарав цевехъан Шамил имамасул музей рагьулеб тадбиралде рачIун рукIана Москваялдаса ва цоги шагьараздаса кавказиял, магIарулал. ЦIумада мухъалъа политолог Камил Ландаца гьадинаб баян кьуна «Эркенлъи» радиоялъе.
Камиль Ланда
Your browser doesn’t support HTML5
Камиль Ланда
Шамилил музей рагьиялдаго цадахъ 26-27 апрелалда Калугаялда тIобана Россиялда гIумру гьабун ругел халкъазул вакилзабазул автономиязул къоялги. ГьабсагIат Россиялда гъорлъ гьечIел пачалихъазул миллатазул маданияталги рихьизаруна гьенир: гуржиязул, азербайжаназул, жугьутIазул, афгъаназул ва цогидазулги. Дагъистаналъул цIаралдасан цебе бахъана «Кавказалъул лъимал» абураб кьурдухъабазул ансамбль.