25 сентябралда Дагъистаналъул нухмалъиялъ хIисабалде босун букIана гендерил туннель рагьизе. Амма гьеб нахъбахъана.
Гьелъие гIилла баян гьабулеб гьечIо республикаялъул нухмалъиялъ. Гьелда бан бакIалъул гIадамазда гьоркьоб разилъи гьечIолъи баккана. Гьединлъидал гьезда ракIалда буго дандчIей бихьизабун митинг тIобитIизе. Гьедин бицана «АхIулгохI» абураб жамгIияб гIуцIиялъул нухмалъулев ГIабдулаев Гъайирбегица.
ГIабдулаев Гъайирбег: «БитIараб бицани, республикаялъул нухмалъиялъулгун бухьен гьабичIо дица. Щайгурелъул щибаб нухалда гьез рицунел харбал чIалгIун руго гIадамазда. ГIахьвахъан, Болъихъан, цогидалъусан ахIун бачIана дихъе туннель рагьулеб гьечIилан. ЦIех-рех гьабидал, абуна жеги кIиго анкьица нахъбахъулеб бугила гьеб.
Лъабабилеб нух буго тIалъиялъ кьураб рагIи кколарого. Цин августалъул байбихьуда рагьилин букIана хабар, хадуб абуна гьеб моцIил ахиралдайилан. Гьале гьанже сентябралъул ахиралдаги бихьуларищха гьабулеб бугеб жо… Гьениб хIалтIи лъугIун гьечIин абулеб буго.
ГIадамазул гIезегIан магIишат хвана исана риидал туннелги рагьичIого – курак бичун бажаричIо. Кисандай жалго тIуразе шагьи-кепекин рукIуна гьел. Дун ун вукIана дагьалъ цеве гьениве ваккизе. АнцIго къоялъе гурони хIалтIи букIинчIо доба».
Туннел рагьунгутIиялъ гIадамазе бугеб къварилъиялъул бицун Гъайирбегица чанцIулго кагътал ритIун рукIана Дагъистаналъул нухмалъулезухъе.
25 сентябралда гендерил туннель рагьизе Буйнакскиялъул рахъалда гьалбадерихъ балагьун чIун ругоан ЭР-ялъ бухьен гьабидал Генуб росдал бегавул АлясагI МухIамадовги цогидалги.
МухIамадов АлясагI: «Ниж гьанир балагьун чIун ругоха, цIакъ лъикIалан гьарун лъугIун хIалтIабиги руго, амма туннель рагьиялъул хабар гьечIоха. Москваялдаса гьалбал рачIине кколила, 28 яги 30 августалде бахъизе бегьулила гьеб рагьийилан буго бицен. Цо бичIчIулареб балъголъи буго гьелда сверухъ. Кинабго квен-тIехги буго хIадурун, артисталги руго рачIун».
Талат къоялъ туннель рагьичIолъи Россиялъул президент Владимир Путин вачIинчIолъиялъ рагьичIин абулеб бугоан гIадамаз. ВачIине гьесие санагIалъи ккезегIан нахъбахъулеб бугила кинабго.
МухIамадов АлясагI: «Путин яги Медведев вачIиналъул хабар анибги буго, мухIканлъи гьечIо. Амма гьедигIан кIудияб кIвар кьезехъин бугебищ гьаб туннелалдеялиха».
Гендерил туннелалдасан гIадамал хьвадула магIарул ичIго мухъалде. Туннель бахъизе байбихьун букIана 30 соналъ цебе, амма жанисел хIалтIаби гьаричIого тун рукIана. Гьанже пачалихъалъ гьелда тIад харж гьабун буго 9 млрд-са цIикIкIун гъурущ. Гьеб гIарац хвезабун буго туннелалъуб канлъи гьабизеги, сигнализациягун телефоналъул бухьен чIезабизеги, видео-алатал ва кондиционерал лъезеги, цогидалъеги.
Гендерил туннелалъул халалъи ккола ункъо километраги бащадабги.
ГIабдулаев Гъайирбег: «БитIараб бицани, республикаялъул нухмалъиялъулгун бухьен гьабичIо дица. Щайгурелъул щибаб нухалда гьез рицунел харбал чIалгIун руго гIадамазда. ГIахьвахъан, Болъихъан, цогидалъусан ахIун бачIана дихъе туннель рагьулеб гьечIилан. ЦIех-рех гьабидал, абуна жеги кIиго анкьица нахъбахъулеб бугила гьеб.
Лъабабилеб нух буго тIалъиялъ кьураб рагIи кколарого. Цин августалъул байбихьуда рагьилин букIана хабар, хадуб абуна гьеб моцIил ахиралдайилан. Гьале гьанже сентябралъул ахиралдаги бихьуларищха гьабулеб бугеб жо… Гьениб хIалтIи лъугIун гьечIин абулеб буго.
ГIадамазул гIезегIан магIишат хвана исана риидал туннелги рагьичIого – курак бичун бажаричIо. Кисандай жалго тIуразе шагьи-кепекин рукIуна гьел. Дун ун вукIана дагьалъ цеве гьениве ваккизе. АнцIго къоялъе гурони хIалтIи букIинчIо доба».
Туннел рагьунгутIиялъ гIадамазе бугеб къварилъиялъул бицун Гъайирбегица чанцIулго кагътал ритIун рукIана Дагъистаналъул нухмалъулезухъе.
25 сентябралда гендерил туннель рагьизе Буйнакскиялъул рахъалда гьалбадерихъ балагьун чIун ругоан ЭР-ялъ бухьен гьабидал Генуб росдал бегавул АлясагI МухIамадовги цогидалги.
МухIамадов АлясагI: «Ниж гьанир балагьун чIун ругоха, цIакъ лъикIалан гьарун лъугIун хIалтIабиги руго, амма туннель рагьиялъул хабар гьечIоха. Москваялдаса гьалбал рачIине кколила, 28 яги 30 августалде бахъизе бегьулила гьеб рагьийилан буго бицен. Цо бичIчIулареб балъголъи буго гьелда сверухъ. Кинабго квен-тIехги буго хIадурун, артисталги руго рачIун».
Талат къоялъ туннель рагьичIолъи Россиялъул президент Владимир Путин вачIинчIолъиялъ рагьичIин абулеб бугоан гIадамаз. ВачIине гьесие санагIалъи ккезегIан нахъбахъулеб бугила кинабго.
МухIамадов АлясагI: «Путин яги Медведев вачIиналъул хабар анибги буго, мухIканлъи гьечIо. Амма гьедигIан кIудияб кIвар кьезехъин бугебищ гьаб туннелалдеялиха».
Гендерил туннелалдасан гIадамал хьвадула магIарул ичIго мухъалде. Туннель бахъизе байбихьун букIана 30 соналъ цебе, амма жанисел хIалтIаби гьаричIого тун рукIана. Гьанже пачалихъалъ гьелда тIад харж гьабун буго 9 млрд-са цIикIкIун гъурущ. Гьеб гIарац хвезабун буго туннелалъуб канлъи гьабизеги, сигнализациягун телефоналъул бухьен чIезабизеги, видео-алатал ва кондиционерал лъезеги, цогидалъеги.
Гендерил туннелалъул халалъи ккола ункъо километраги бащадабги.