Полициялъул кIиго хIалтIухъан чIваялъул гIайиб гIунтIизабулев Заур ХIасановасухъа сурав босана Дагъистаналъул тIадегIанаб диванханаялда. Прокуратураялъ рикIунеб буго, 2011 соналъул 5 августалда изну гьечIого яргъид гIуцIаразде гъорлъе унев МухIамад ГIабдусаламовгун цадахъ ХIасановас Изберабашалда полициялъулал чIванилан.
Гьал къоязда тIобитIараб диваналъул данделъиялда ХIасановас абуна жинца гьабичIилан гьеб такъсир ва цIех-рех бачунеб мехалда низам цIунулез жиндие гIакъубаби кьолел рукIанилан. Гьес бицаралда рекъон, гьев ккун вуго гъоркьисала 27 августалда Ставрпололда. Гьенив гьев хIалтIулев вукIун вуго къадахъанлъун. Жив чIарав минаги сверухъ ккун, къуваталъул идарабазул хIатIухъабаз жив ккунилан бицана ХIасановас. Гьес абуна, живги жиндир вацги гIодоре речIизарунин къуваталъулаз. Гьурмада чанги зарги щвезабун, жиндир ботIрода пакет ретIанилан къуваталъулазилан бицана гIайиб гIунтIизабулес.
Экстремизмалде дандечIараб Ставропольеялъул централде вачанилан живилан бицана ХIасановас. Гьенивги жив квешго вуханилан тIаде жубана гьес. Гьесул рагIабазда рекъон, гьесул квер бекун бего, хIатIида ругел килщал рекун руго. Ставрополалдаса гьев хадув Избербашалде вачун вуго. Цо щибалиго минаялда жанивги вачун жиндие гIакъубаби кьолел рукIанилан бицана ХIасановас. Гьесда абулеб букIун буго гьабураб такъсир жиндаго тIаде босеян. ХIасановас бицухъе, гьес инкар гьабидал, токги хIалтIизабун гIакъубаби кьолел рукIун руго гьесие.
«Полициялъул хIалтIухъабаз абулеб букIана, такъсир тIаде босичIони вацасе гIакъубаби кьезе ругилан. Лъалеб букIинчIо, гьез вац ккун вугевали гьечIевали. Гьелдалъун абуна вац жахIавго тейилан, гIайиб тIаде босилин», - ян бицана ХIасановас диваналда.
Гъулбас лъейилан цо кагътал кьун руго гьесухъе ва жинца щиб гьениб хъван бугеб валагьичIого гъулбасана илан бицана ХIасановас. Гьесул рагIабазда рекъон, цIех-рехчияс гьесда абун буго лъугьа-бахъин ккараб бакIалде вачине вугилан гьев ва гьениб гьес видео-камераялда абизе кколин жинца гьанир чIванилан полициялъул хIалтIухъаби.
МухIамад ГIабдусаламовгун кинал гьоркьолъаби рукIаралали гьикъана ХIасановасда прокурор Рамазан Рамазановас. ГIайиб гIунтIизабулес жаваб кьуна, гьев кколин жиндир вацгIаласул вацгIаллъунилан ва гьевгун дандчIвалев вукIанилан вацгIаласухъе гьоболлъухъ араб мехалда.
Гьединго прокурорас гьикъана ХIасановасда полициялъулал чIвараб къоялда – 5 авугсталда – гьев кив вукIаравали. ХIасановас абуна сардил мех щвезегIан рокъов вукIанилан хIалтIулев. Гьес бицаралда рекъон, къадал къачIалев вукIун вуго гьев. Хадув эбелгун ва вацалгун гьоболъухъе ун вуго. Гьениса тIадвуссун хадув гьев ун вуго мадугьаласухъе дискалде цо видео рехизе. Гьениса дискги босун гьудуласухъе анилан бицана ХIасановас. Рокъове гьев щун вуго къаси мехалда сагIат 11 тIубайдал. ТIокIав кивениги ун гьечIо гьев, щайгурелъул радал Ставрополалде хIалтIуда ине кколев вукIун вуго.
Прокурор Рамазановас абуна цIех-рех унеб мехалда ХIасановас кинабго батIияб хIалалъ бицунеб букIанилан. Рамазановас изнуги босун цIалана ХIасановас цIех-рехчиясе бицарабщинаб. Гьелда рекъон, ГIабдусаламов лъикI лъалев вукIун вуго ХIасановасда. «Изну гьечIого яргъид гIуцIаразе ХIасановас квен босулеб букIун буго», - ян абуна прокурорас.
Рамазанов гьединго абуна, цIех-рехалда ХIасановас бицанилан 5 августалда гьев тира-сверулев вукIанилан ХIасановгун паркалда ва полициялъулал рихьарал мехалда кIиялго тIуризе льугьун руго. «ХIасановас цIех-рехалда бицаралда рекъон, ГIабдусаламовас гьесухъе тапанча кьун буго. ХIасановас абулеб буго жинца гьаваялде кьвагьданилан ва гIодобе тапанчаги рехун лъутанилан. Гьевгун цадахъ ГIабдусаламовги тIурун вуго. КIиялго цо минаялде аскIоре щвараб мехалда ХIасановас тапанча кьун буго ГIабдусаламовасухъе нахъе ва рокъове ун вуго», - ян цIалана прокурорас ХIасановас цIех-рехчиясе бицараб.
Амма ХIасановас абуна, гьеб кинабго жо жинца бицараб гурилан, гIакъубаби кьун хадуб гъулбас лъураб кагътазда хъвараб жо букIине кколин гьеб. Гьесул адвокат Мурад Мурадовас тIаде жубана, гьеб цIалараб цIех-рехалда тIаса чанги чуал бугин. Мисалалъе, тоIцебе гьениб хъван буго ХIасановас тапанча нахъе реханин, хадуб хъван буго гьес гьеб ГIабдусаламовасухъе кьунилан абуна адвокат Мурадовас.
Прокурорас диваналда гьединго ХIасановасда хъинтIарал экспертизабиги цIалана. БутIаялуълав полициялъулас цояда хъван буго ХIасанов вугин рохьилазул махI чIварав чиилан.
Диваналъул процессалда адвокат Мурадовас абуна диванчиясда ХIасановгун цIех-рехчияс гьабураб цIе-рехалъулаб эксперименталъул видео бихьизабизе кколилан. Диваналъул ирагдулаб данделъиялда гьабизе тейилан абуна диванчи Къурбан Зулфкаровас.
ХIасановасул ихтиярал цIунулей Елена Денисенкоца «Эркенлъи» радиоялъе абуна, уголовияб иш фабрикациязул цIураб бугилан.
Елена Денисенко: «Гьесие гIакъубаби кьолел рукIана. Диваналъул данделъиялда гьес бицана гьелъулги. Гьесул эбел-инсуцаги чанги нухалъ ахIи-хIур бахъинабун букIана, амма хIасилал гьез кьечIо. Такъсир гьабиялъул ишалъул хал-шал гьабидалго бичIулеб буго гьеб тIаса-масанго дандгьабураб жо букIин. Гьеб уголовияб иш фабрикациязул цIураб буго. Мисалалъе, добго тапанча. Цогидаб мисал босила. ЦIех-рех чагIаз эксперимент гьабун буго. Гьелда рекъон кколеб буго, полициялъул хIалтIухъаби чIвараб бакIалде ХIасанов векерун ун вугин гьудуласухъа ва хадув нахъеги вусун вугин. ЦIех-рехалъул цогидал материалаздани хъван буго ХIасанов доб сордоялъ ГIабдусаламовгун вукIанилан. Гьелги дандеккунгутIияллъун ккола. Гьенибги фабрикация бихьулеб буго».
Прокурор Рамазановас баянал кьечIо «Эркенлъи» радияолъе. Гьес абуна, киналъего къимат диваналъ кьезе бугилан.
Экстремизмалде дандечIараб Ставропольеялъул централде вачанилан живилан бицана ХIасановас. Гьенивги жив квешго вуханилан тIаде жубана гьес. Гьесул рагIабазда рекъон, гьесул квер бекун бего, хIатIида ругел килщал рекун руго. Ставрополалдаса гьев хадув Избербашалде вачун вуго. Цо щибалиго минаялда жанивги вачун жиндие гIакъубаби кьолел рукIанилан бицана ХIасановас. Гьесда абулеб букIун буго гьабураб такъсир жиндаго тIаде босеян. ХIасановас бицухъе, гьес инкар гьабидал, токги хIалтIизабун гIакъубаби кьолел рукIун руго гьесие.
«Полициялъул хIалтIухъабаз абулеб букIана, такъсир тIаде босичIони вацасе гIакъубаби кьезе ругилан. Лъалеб букIинчIо, гьез вац ккун вугевали гьечIевали. Гьелдалъун абуна вац жахIавго тейилан, гIайиб тIаде босилин», - ян бицана ХIасановас диваналда.
Гъулбас лъейилан цо кагътал кьун руго гьесухъе ва жинца щиб гьениб хъван бугеб валагьичIого гъулбасана илан бицана ХIасановас. Гьесул рагIабазда рекъон, цIех-рехчияс гьесда абун буго лъугьа-бахъин ккараб бакIалде вачине вугилан гьев ва гьениб гьес видео-камераялда абизе кколин жинца гьанир чIванилан полициялъул хIалтIухъаби.
МухIамад ГIабдусаламовгун кинал гьоркьолъаби рукIаралали гьикъана ХIасановасда прокурор Рамазан Рамазановас. ГIайиб гIунтIизабулес жаваб кьуна, гьев кколин жиндир вацгIаласул вацгIаллъунилан ва гьевгун дандчIвалев вукIанилан вацгIаласухъе гьоболлъухъ араб мехалда.
Гьединго прокурорас гьикъана ХIасановасда полициялъулал чIвараб къоялда – 5 авугсталда – гьев кив вукIаравали. ХIасановас абуна сардил мех щвезегIан рокъов вукIанилан хIалтIулев. Гьес бицаралда рекъон, къадал къачIалев вукIун вуго гьев. Хадув эбелгун ва вацалгун гьоболъухъе ун вуго. Гьениса тIадвуссун хадув гьев ун вуго мадугьаласухъе дискалде цо видео рехизе. Гьениса дискги босун гьудуласухъе анилан бицана ХIасановас. Рокъове гьев щун вуго къаси мехалда сагIат 11 тIубайдал. ТIокIав кивениги ун гьечIо гьев, щайгурелъул радал Ставрополалде хIалтIуда ине кколев вукIун вуго.
Прокурор Рамазановас абуна цIех-рех унеб мехалда ХIасановас кинабго батIияб хIалалъ бицунеб букIанилан. Рамазановас изнуги босун цIалана ХIасановас цIех-рехчиясе бицарабщинаб. Гьелда рекъон, ГIабдусаламов лъикI лъалев вукIун вуго ХIасановасда. «Изну гьечIого яргъид гIуцIаразе ХIасановас квен босулеб букIун буго», - ян абуна прокурорас.
Рамазанов гьединго абуна, цIех-рехалда ХIасановас бицанилан 5 августалда гьев тира-сверулев вукIанилан ХIасановгун паркалда ва полициялъулал рихьарал мехалда кIиялго тIуризе льугьун руго. «ХIасановас цIех-рехалда бицаралда рекъон, ГIабдусаламовас гьесухъе тапанча кьун буго. ХIасановас абулеб буго жинца гьаваялде кьвагьданилан ва гIодобе тапанчаги рехун лъутанилан. Гьевгун цадахъ ГIабдусаламовги тIурун вуго. КIиялго цо минаялде аскIоре щвараб мехалда ХIасановас тапанча кьун буго ГIабдусаламовасухъе нахъе ва рокъове ун вуго», - ян цIалана прокурорас ХIасановас цIех-рехчиясе бицараб.
Амма ХIасановас абуна, гьеб кинабго жо жинца бицараб гурилан, гIакъубаби кьун хадуб гъулбас лъураб кагътазда хъвараб жо букIине кколин гьеб. Гьесул адвокат Мурад Мурадовас тIаде жубана, гьеб цIалараб цIех-рехалда тIаса чанги чуал бугин. Мисалалъе, тоIцебе гьениб хъван буго ХIасановас тапанча нахъе реханин, хадуб хъван буго гьес гьеб ГIабдусаламовасухъе кьунилан абуна адвокат Мурадовас.
Прокурорас диваналда гьединго ХIасановасда хъинтIарал экспертизабиги цIалана. БутIаялуълав полициялъулас цояда хъван буго ХIасанов вугин рохьилазул махI чIварав чиилан.
Диваналъул процессалда адвокат Мурадовас абуна диванчиясда ХIасановгун цIех-рехчияс гьабураб цIе-рехалъулаб эксперименталъул видео бихьизабизе кколилан. Диваналъул ирагдулаб данделъиялда гьабизе тейилан абуна диванчи Къурбан Зулфкаровас.
ХIасановасул ихтиярал цIунулей Елена Денисенкоца «Эркенлъи» радиоялъе абуна, уголовияб иш фабрикациязул цIураб бугилан.
Елена Денисенко: «Гьесие гIакъубаби кьолел рукIана. Диваналъул данделъиялда гьес бицана гьелъулги. Гьесул эбел-инсуцаги чанги нухалъ ахIи-хIур бахъинабун букIана, амма хIасилал гьез кьечIо. Такъсир гьабиялъул ишалъул хал-шал гьабидалго бичIулеб буго гьеб тIаса-масанго дандгьабураб жо букIин. Гьеб уголовияб иш фабрикациязул цIураб буго. Мисалалъе, добго тапанча. Цогидаб мисал босила. ЦIех-рех чагIаз эксперимент гьабун буго. Гьелда рекъон кколеб буго, полициялъул хIалтIухъаби чIвараб бакIалде ХIасанов векерун ун вугин гьудуласухъа ва хадув нахъеги вусун вугин. ЦIех-рехалъул цогидал материалаздани хъван буго ХIасанов доб сордоялъ ГIабдусаламовгун вукIанилан. Гьелги дандеккунгутIияллъун ккола. Гьенибги фабрикация бихьулеб буго».
Прокурор Рамазановас баянал кьечIо «Эркенлъи» радияолъе. Гьес абуна, киналъего къимат диваналъ кьезе бугилан.