Гьал къоязда Дагъистаналъул ТIадегIанаб Диваналда цере эхетарал гIолохъабазда диванчияс абуна нужер талихI бугила нуж гьанире, диваналде, щвезе тейгIаги, нужералда къисмат релълъарал гIолохъаби цересан чIвалел ругила. Амма гьел мукIурлъулел гьечIо жидеде гIунтIизарулел гIайибазе. Гьел ккола Рамазан МухIамадов, ШуайбхIажи МухIамадов, ГIабдулжапар ЛабазанхIажиев.
Ункъо моцI буго гьезие диван гьабулеб. Гьезде гIайиб гIунтIизабулеб буго гъоркьисала февралалда Гъизляралда кванил нигIматазул тукен («Идеал») кьвагьизабунилан. Тукадул бетIергьанасул кинабгIаги тIадкIалъай гьечIо гьездехун. Щайгурелъулин абула гIолохъабазул гIагарлъиялъ, гьезда гIайиб гьечIолъи лъалила гьесда.
Рокъор гранатаби ратанилан, цин ГIабдулжапар ЛабазанхIажиев ун вуго полициялъ. Гьесдаса хадур рачун ун руго гьесул гIагарав вас ШугIайбхIажиги, мадугьал Рамазанги.
Амма ЛабазанхIажиевасул якьад Паризаца бицана гьеб бугин лахIчIегIераб гьереси. ГIисинлъимал регулеб рокъорищин гранаби рахчун рукIунел абун гIажаиблъи гьабулеб буго гьелъ.
Париза: «Ункъо моцI бараб цояб лъимерги, гьелдаса лъагIалица кIудияб цойги лъимерги жибго тун гьай (жиндир яс – автор.) ун йиго полициялъ ячун. Лъималазе рахь босизе къватIие гьай араб мехалда рехун руго доз гранатаби бусада гъоркье. Гьез нугIлъиялъе рачун рачIарал чагIазги абуна жидеда бихьанила полициялъ гранатаби жидецаго рехулел. Диванчиясдагицин бицана гьез гьедин».
Жиндир вас ккун вачун ин гьесул эбел Зулайида лъан буго базаралда йикIаго. Гьесул цIех-рех гьабизе индал, полициялъ гьей жийгоги тIамун йиго жаний.
Зулай: «КIиабизе кIалъазегIан течIого доз дун жидерго автомобилалъуй къазаюна, дир бохдулги гъора бакIазда гъоркьегIан къазаруна».
ЛабазанхIажиевасул якьадалъ бицухъе, гьеб балагь гIолохъабазде гьелъул дурцлъун вукIарав Абукаев Джамил сабаблъун бачIун буго. Низам цIунулез рикIкIуна гьев изну гьечIого яргъид гIуцIаразда гъорлъ вугин. Абукаев федералияб цIех-рехалде кьун вуго гьел гIолохъаби жанир тIамун хадув.
Адвокат МухIамадова Сапиятица бицана диванчиги прокурор цадахъ рекъон ругин. Гьеб бихьулеб букIана диваналъул данделъиялдасаги. Диванчияс малъулеб букIана гьелда цIех-рехчиясе суалал кьезе. Щибаб суалалда цере лъезе кколила «дуда ракIалда бугищ?» абурал рагIаби. Гьединго дуца заман кьолеб гьечIила гьесие суалалда тIад ургъизе. Лъабго вариант букIине кколила чиясул жавабалъул. Гьеб мехалда адвокаталъ абуна кколарин, цохIо гурони – гIицIго битIараб бицине кколин гьес.
Диваналъул нахъисеб данделъиялда адвокаталдаги дол гIайиб гIунтIизабулел гIолохъабаздаги ракIалда буго гьев диванчи хисизе.
Рокъор гранатаби ратанилан, цин ГIабдулжапар ЛабазанхIажиев ун вуго полициялъ. Гьесдаса хадур рачун ун руго гьесул гIагарав вас ШугIайбхIажиги, мадугьал Рамазанги.
Амма ЛабазанхIажиевасул якьад Паризаца бицана гьеб бугин лахIчIегIераб гьереси. ГIисинлъимал регулеб рокъорищин гранаби рахчун рукIунел абун гIажаиблъи гьабулеб буго гьелъ.
Париза: «Ункъо моцI бараб цояб лъимерги, гьелдаса лъагIалица кIудияб цойги лъимерги жибго тун гьай (жиндир яс – автор.) ун йиго полициялъ ячун. Лъималазе рахь босизе къватIие гьай араб мехалда рехун руго доз гранатаби бусада гъоркье. Гьез нугIлъиялъе рачун рачIарал чагIазги абуна жидеда бихьанила полициялъ гранатаби жидецаго рехулел. Диванчиясдагицин бицана гьез гьедин».
Жиндир вас ккун вачун ин гьесул эбел Зулайида лъан буго базаралда йикIаго. Гьесул цIех-рех гьабизе индал, полициялъ гьей жийгоги тIамун йиго жаний.
Зулай: «КIиабизе кIалъазегIан течIого доз дун жидерго автомобилалъуй къазаюна, дир бохдулги гъора бакIазда гъоркьегIан къазаруна».
ЛабазанхIажиевасул якьадалъ бицухъе, гьеб балагь гIолохъабазде гьелъул дурцлъун вукIарав Абукаев Джамил сабаблъун бачIун буго. Низам цIунулез рикIкIуна гьев изну гьечIого яргъид гIуцIаразда гъорлъ вугин. Абукаев федералияб цIех-рехалде кьун вуго гьел гIолохъаби жанир тIамун хадув.
Адвокат МухIамадова Сапиятица бицана диванчиги прокурор цадахъ рекъон ругин. Гьеб бихьулеб букIана диваналъул данделъиялдасаги. Диванчияс малъулеб букIана гьелда цIех-рехчиясе суалал кьезе. Щибаб суалалда цере лъезе кколила «дуда ракIалда бугищ?» абурал рагIаби. Гьединго дуца заман кьолеб гьечIила гьесие суалалда тIад ургъизе. Лъабго вариант букIине кколила чиясул жавабалъул. Гьеб мехалда адвокаталъ абуна кколарин, цохIо гурони – гIицIго битIараб бицине кколин гьес.
Диваналъул нахъисеб данделъиялда адвокаталдаги дол гIайиб гIунтIизабулел гIолохъабаздаги ракIалда буго гьев диванчи хисизе.