7 июлалда МахIачхъалаялъул стадионалда Анжиялъул рахъккураб митинг Дагъистаналъул гимналдасан байбихьана.
Гьеб букIана УЕФАялъул хIукмуялдаса разилъи гьечIолъи загьир гьабураб митинг. 30 июналда УЕФАялъ хIукму гьабуна Европаялъул Лигаялъул матч МахIачхъалаялда гьабунгутIизе. Гьелъие гIиллалъун бачунеб буго Дагъистаналда кьвагьа-гIанхъи, терроралъул хIужаби цIикIкIун рукIин. Гьеб хIукму хисизабеян УЕФАялъул нухмалъулев Мишель Платинихъе гIарза хъвана Дагъистаналъул нухмалъулев МухIамадов МухIамадсаламица.
Гьелда бан Анжи клубалъул фанатаз 7 июлалда МахIачхъалаялда Динамо сталионалда митинги тIобитIана. Гьенире рачIун ругоан батIи-батIиял шагьараздаса, росабалъа фанатал.
Избербашалдаса Анжиялъул фанат Шахшаев Шахша гьеб шагьаралъул фанатазул рахъалдаса кIудияб рекIекълъи загьир гьабуна Европаялъул Лигаялъул хIаял МахIачхъалаялда гьаризехъин гьечIолъиялдаса.
Шахшаев Шахша: «Мишель Платини, вачIа Дагъистаналде, гьеб мехалда дуда бихьила кигIан бихьиналги ракI разиялги гIадамал гьанир ругелали, кигIан ритIухъал болельщикал гьанир ругелали, гьеб мехалда дуца хисизабила дурго хIукму. Дида ккола сундухъниги балагьичIого Анжиялъ жиндирго берцинаб хIайги бихьизабилин, Евролигаялъул чемпионлъунги бахъинилан. Анжи, ниж мунгун руго!»
Фанатаз кодор ккун рукIана батIи-батIияб магIнаяллу хъвай-хъваязул игIланалги. Масала, цояб букIана Мишель Платиниде хъвараб: «Месье, недостоверное у вас досье!» («Месье, духъ ругел баянал хIакъикъиял гьечIо»). Ялъуни: «АнцI-анцI соназ гIащикълъун, ахир-къадги тIубазехъин бугеб анищалда цебе хIетIе лъезе кин бегьулеб?»
Хадур кIалъазе рахъарал машгьурал дагъистанияз абулеб букIана нилъее къваригIун бугин Европаялъул командабазда нилъги рихьизе, нилъеда гьелги рихьизе. Мишель Платиниги футболалъул цогидал хIакимзабиги цохIо къоялъгIаги рачIине кколин Дагъистаналде.
Эркенаб гугариялъул рахъалъ дунялалъул чемпион Абушев МухIамадсагIидица бицана къваригIелалъ Европаялде арав жинца Дагъистаналъулги МахIачхъалаялъулги бицунелъул, дозул чагIазда гьеб киб бугеб бакIали лъалеб букIинчIила, Анжиялъул цIар бахъидал, гьайин, лъалин абулаанила доз.
Профессионалазда гъорлъ боксалъул рахъалъ дунялалъул чемпион Аллагьвердиев ХIабиб – УЕФАялда нилъер гьаракь рагIилин хьул буго дир. Санайилго дунялалдаса 40-ниги команда бачIуна МахIачхъалаялде, амма гьебщинаб мехалда щибго гъалмагъир ккечIин бицана ХIабибица.
Анжи клуб гIуцIарав Маркаров Александр вахъана кIалъазе гьанже жинца ругьун гьарулел ругел гIисинал футболисталгун цадахъ.
200I соналдаги гьадинабго ахIвал-хIал лъугьун букIанин – МахIачхъалаялда матч тIобитIиладай абураб щаклъи баккун букIанин, амма гьеб мехалдаги жамгIиял гIуцIабаз ахIи-хIур бахъинабунин бицана Маркаровас.
Гьалейин гьабсагIаталда гьанир трибунабазда гIодорчIун ругин жидеца ругьун гьарулел футболистал – 500 –ниги лъимер. Гьел махIрумлъулел ругин чемпионазул хIай бихьиялдасайин рекIекълъи загьир гьабулеб букIана гьес. Жал махIрум гьаругейин тIадегIанаб махщалил футбол бихьизе бугеб анищалдасаян ахIулеб букIана гьел лъималаз.
ЖамгIияв хIаракатчи, цо заманалда Афгъанистаналда рагъулел рукIарал дагъистаниязул гIуцIиялъе цевехъанлъи гьабурав Хадулаев МухIамадица абуна Анжиялъе къваригIун бугин гьаниб Дагъистаналда ва дагъистаниязе гIоло хIазе.
200I УЕФАялъул нухмалъулев Ленард Югьансоница гьабураб гъалатI такрарлъизабугеян абураб гьари бугоан Хадулаевасул Мишель Платиниде.
Хадулаев МухIамадица: «ХIурматияв Мишель, господин Платини! ГIумруялъ ниж хIайран гьавун вукIарав чи! Хисизабе дурго хIукму! Гьеб хIажат буго гIицIго дуе гуреб, гьеб хIажат буго нижее, киназего! Нужер щивасда лъазе ккола – Лига нилъеца гьанибе тIадбуссинабила! Нахъе нилъ къаларо, гIолохъаби! Долги гьанире рачина нилъеца, хIайги гьаниб тIобитIила нилъеца! Щайгурелъул нилъер рекIелъ рещтIен гьабураб клуб бугелъул нилъер! Гьеб клубги ккола Анжи!»
ГIалхулаб дивизия абулеб фан-клубалъул нухмалъулев Гъазиев Рамазаница цIалана резолюция. Спорталда гIахьаллъизе дунялалда бокьарав чиясе рес кьеялъул бицунел спорталъул къануназдаги Олимпиялъул хIаязул пикруялдаги данде кколарин Платинил хIукмуян хъвалеб буго гьелда. Гьелдалъун Россиялъул федерациялъулги къимат гIодобегIанлъулеб бугин, лъабго млн чияс гIумру гьабулеб Дагъистаналъул пикруялда тIасанги хIучч цIалеб бугин абулеб буго резолюциялда.
МахIачхъалаялда Европаялъул Лигаялъул хIаял гьаризе бегьулищ-бегьуларищали лъазе УЕФАялъ лъиданиги гьикъун гьечIин Дагъистаналда, гьединлъидал гьеб суал роцIцIинабизе Мишель Платиница МахIачхъалаялде хасаб комиссия битIизе кколин рикIкIунеб буго фан-клубалъ.
Митинг ахиралде щвана Султан абулев кочIохъанас ватIаналде бугеб рокьул бицунеб кечIги ахIун.
Гьелда бан Анжи клубалъул фанатаз 7 июлалда МахIачхъалаялда Динамо сталионалда митинги тIобитIана. Гьенире рачIун ругоан батIи-батIиял шагьараздаса, росабалъа фанатал.
Избербашалдаса Анжиялъул фанат Шахшаев Шахша гьеб шагьаралъул фанатазул рахъалдаса кIудияб рекIекълъи загьир гьабуна Европаялъул Лигаялъул хIаял МахIачхъалаялда гьаризехъин гьечIолъиялдаса.
Шахшаев Шахша: «Мишель Платини, вачIа Дагъистаналде, гьеб мехалда дуда бихьила кигIан бихьиналги ракI разиялги гIадамал гьанир ругелали, кигIан ритIухъал болельщикал гьанир ругелали, гьеб мехалда дуца хисизабила дурго хIукму. Дида ккола сундухъниги балагьичIого Анжиялъ жиндирго берцинаб хIайги бихьизабилин, Евролигаялъул чемпионлъунги бахъинилан. Анжи, ниж мунгун руго!»
Фанатаз кодор ккун рукIана батIи-батIияб магIнаяллу хъвай-хъваязул игIланалги. Масала, цояб букIана Мишель Платиниде хъвараб: «Месье, недостоверное у вас досье!» («Месье, духъ ругел баянал хIакъикъиял гьечIо»). Ялъуни: «АнцI-анцI соназ гIащикълъун, ахир-къадги тIубазехъин бугеб анищалда цебе хIетIе лъезе кин бегьулеб?»
Хадур кIалъазе рахъарал машгьурал дагъистанияз абулеб букIана нилъее къваригIун бугин Европаялъул командабазда нилъги рихьизе, нилъеда гьелги рихьизе. Мишель Платиниги футболалъул цогидал хIакимзабиги цохIо къоялъгIаги рачIине кколин Дагъистаналде.
Эркенаб гугариялъул рахъалъ дунялалъул чемпион Абушев МухIамадсагIидица бицана къваригIелалъ Европаялде арав жинца Дагъистаналъулги МахIачхъалаялъулги бицунелъул, дозул чагIазда гьеб киб бугеб бакIали лъалеб букIинчIила, Анжиялъул цIар бахъидал, гьайин, лъалин абулаанила доз.
Профессионалазда гъорлъ боксалъул рахъалъ дунялалъул чемпион Аллагьвердиев ХIабиб – УЕФАялда нилъер гьаракь рагIилин хьул буго дир. Санайилго дунялалдаса 40-ниги команда бачIуна МахIачхъалаялде, амма гьебщинаб мехалда щибго гъалмагъир ккечIин бицана ХIабибица.
Анжи клуб гIуцIарав Маркаров Александр вахъана кIалъазе гьанже жинца ругьун гьарулел ругел гIисинал футболисталгун цадахъ.
200I соналдаги гьадинабго ахIвал-хIал лъугьун букIанин – МахIачхъалаялда матч тIобитIиладай абураб щаклъи баккун букIанин, амма гьеб мехалдаги жамгIиял гIуцIабаз ахIи-хIур бахъинабунин бицана Маркаровас.
Гьалейин гьабсагIаталда гьанир трибунабазда гIодорчIун ругин жидеца ругьун гьарулел футболистал – 500 –ниги лъимер. Гьел махIрумлъулел ругин чемпионазул хIай бихьиялдасайин рекIекълъи загьир гьабулеб букIана гьес. Жал махIрум гьаругейин тIадегIанаб махщалил футбол бихьизе бугеб анищалдасаян ахIулеб букIана гьел лъималаз.
ЖамгIияв хIаракатчи, цо заманалда Афгъанистаналда рагъулел рукIарал дагъистаниязул гIуцIиялъе цевехъанлъи гьабурав Хадулаев МухIамадица абуна Анжиялъе къваригIун бугин гьаниб Дагъистаналда ва дагъистаниязе гIоло хIазе.
200I УЕФАялъул нухмалъулев Ленард Югьансоница гьабураб гъалатI такрарлъизабугеян абураб гьари бугоан Хадулаевасул Мишель Платиниде.
Хадулаев МухIамадица: «ХIурматияв Мишель, господин Платини! ГIумруялъ ниж хIайран гьавун вукIарав чи! Хисизабе дурго хIукму! Гьеб хIажат буго гIицIго дуе гуреб, гьеб хIажат буго нижее, киназего! Нужер щивасда лъазе ккола – Лига нилъеца гьанибе тIадбуссинабила! Нахъе нилъ къаларо, гIолохъаби! Долги гьанире рачина нилъеца, хIайги гьаниб тIобитIила нилъеца! Щайгурелъул нилъер рекIелъ рещтIен гьабураб клуб бугелъул нилъер! Гьеб клубги ккола Анжи!»
ГIалхулаб дивизия абулеб фан-клубалъул нухмалъулев Гъазиев Рамазаница цIалана резолюция. Спорталда гIахьаллъизе дунялалда бокьарав чиясе рес кьеялъул бицунел спорталъул къануназдаги Олимпиялъул хIаязул пикруялдаги данде кколарин Платинил хIукмуян хъвалеб буго гьелда. Гьелдалъун Россиялъул федерациялъулги къимат гIодобегIанлъулеб бугин, лъабго млн чияс гIумру гьабулеб Дагъистаналъул пикруялда тIасанги хIучч цIалеб бугин абулеб буго резолюциялда.
МахIачхъалаялда Европаялъул Лигаялъул хIаял гьаризе бегьулищ-бегьуларищали лъазе УЕФАялъ лъиданиги гьикъун гьечIин Дагъистаналда, гьединлъидал гьеб суал роцIцIинабизе Мишель Платиница МахIачхъалаялде хасаб комиссия битIизе кколин рикIкIунеб буго фан-клубалъ.
Митинг ахиралде щвана Султан абулев кочIохъанас ватIаналде бугеб рокьул бицунеб кечIги ахIун.