Жакъа Дагъистаналъул президент МухΙамадсалам МухΙамадовас тΙобитΙана РГВК телеканалалдаса рагьараб гара-чΙвари гΙадамазулгун. КΙиго сагΙаталъ халат бахъараб эфиралда президентасе кьурал суалалазухъ гΙенеккана ва жавабазул хал ккуна нижер мухбир Ражабов Рамазаница.
Президентасе кьолел суалазул гΙемерисел рукΙана щибаб къойилаб рукΙа-рахъиналда хурхарал, гΙумру гьабиялъул шартΙал лъикΙлъизариялда рухьарал. ТΙоцебесеб бакΙалда рукΙана социалиял сулал, гьезда гъорлъа сахлъи цΙуниялъул масъалаби. Гъизилюрталдаса чΙужугΙаданалъ бицунана жиндие къваригΙарал дараби росизе щолел гьечΙин, МахΙачхъалаялдаса мугΙалималъ бицана жиндир унтарав вас сах гьавизе бегьулеб азархана гьечΙин. РукΙана бацΙадаб лъим гьечΙилан, гΙазу-цΙад барабго гΙумру захΙмалъулеб бугилан ахΙи Каспийскиялдаса, Буйнакскиялдасагун Избербашалдаса. Президентас гΙемерисеб мехалъ суалазе жаваб кьезе тΙамулел рукΙана министарал ва шагьаразулгун мухъазул нухмалъулел. Дагьаб кΙвар кьуна политикаялъе, экономикаялъе ва хΙинкъи гьечΙолъиялъул суалалазе.
Данделъи бачунев, РГВК телеканалалъул генералияв директор ХΙажиев Азнаурица тΙаса рищулел суалазда жанирги гΙемерисел рукΙана политикаялда рухьинчΙел. Гьесул рагΙабазда рекъон бищунго гΙемер суалал щвана ришватчилъиялда хурхарал. Гьеб суалалда тΙаса Дагъистаналъул президентаса гьадин бицана.
МухΙамадсалам МухΙамадов: «Дица хъулухъалде лъугьунаго бицун букΙана дица гΙарац кьун цониги чи восичΙин ва восизе гьечΙин хъулухъалде. Гьелдаса нахъе лъабго сон ана, амма дида гьабсагΙат ракΙбацΙадго, бокьарав чиясул бадивеги валагьун абизе кΙола дица рагΙи ккунин, халкъалда цебеги, Аллагьасда цебеги.
Информалатазда гΙемер бицуна министрал ялъуни районалъул бутΙрул тΙамулаго гΙарац босулеб бугилан. Гьеб жоялъул хΙисаб гьабизе кΙоларо, гьеб гΙантлъи буго.
Гъоркьехун щиб бугеб лъаларо, амма бокьилаан киналго хΙакимзабаз ракΙчΙун абизе гьадин жакъа дица гΙадин. ГΙемер ришватал росулел руго республикаялда хΙалтΙулел федералиял хъулухъазда. Жалго гΙадамазги кьола ришватал.
Милициялдаги, медицинаялдаги, лъай кьеялдаги – киса-кибего. Ихтиярал цΙунулел идарабазул хΙалтΙиги гьеб рахъалъ гΙей гьечΙеб буго. Цониги кΙудияв хΙакимчи кквечΙо жеги, гьечΙо гьав чи ришватчи вугилан вихьизавизе гΙурав чи ккун. Гьеб гуребги, дида ккола тамихΙ кьваризабизе кколин ришватчилъиялъухъ, къанунал хисизе ккола. Гьеб ришватчилъиялде жалго гΙадамазулги бербалагьи хисизе ккола. Ришват кьолел чагΙиги нилъеда жаниса ругелъул. Хъулухъчи гΙарац босизе тΙамулев вуго нилъецаго. Кьоге ришват. КьечΙого суал роцΙцΙунеб батичΙони, прокуратураялде ялъуни Президентасухъе а, лъазабе гьедин».
Президентас бицана гьединго ЦΙияб лак мухъалдаса лакалги гочинарун гьениб ГΙавухъ мухъ гΙуцΙиялъул хΙакъалъулъ. Цере рукΙарал ришватчагΙазул схемаялги хвезарун, ахираб заманалда хΙалтΙи тΙад бан унеб бугилан божизаруна президентас. Хъвана гьев республикаялде инвестициял рачиналъул суалалдаги. ЦΙиял проектал гΙуцΙизе ва инвестициял рачине нилъер хΙакимзабазда кΙолеб гьечΙо, гьединлъидал гьеб рахъалъ хΙалтΙизе кΙолев цΙияв вице-премьер тΙамун вугин хъулухъалдеян бицана.
МахΙачхъалаялдаса Ражабов Рустамица гьикъан жиндир вац ГΙали щалали лъазе кΙвечΙел чагΙаз хъамиялъул хΙакъалъулъ. Президентас лъазабуна гьелда тΙад къуваталъул хΙалтΙухъаби хΙалтΙизе ругин. Гьединго тΙаде жубана, гΙадамал рикъиялда хадур къуваталъул идараби ругин абураб информация битΙараб гьечΙин, гьел кколин къуваталъул идарабазул хΙалтΙухъабазул ретΙелги хисун, хадуб гΙарац бахъиялъе гΙоло хΙалтΙулел гΙадамал.
Миллиял информалатазул хΙакъалъулъ кьураб суалалъе жавабалъе МухΙамадсалам МухΙамадовас бицана, гьезие биччалеб гΙарцуда рекъараб пайда гьечΙин гьездаса. Амма гьел къазе бегьуларин, гьел цΙунизе кколин. ГΙолохъанал журналистал хΙалтΙизе рачине кколин, гΙемерисел редакциязда пенсионерал гурони гьечΙин. ЦΙияв информациялъул министрас цΙияб хΙалтΙи гьабулеб бугин гьеб суалалда хурхун, гΙагараб заманалда хиса-басиял рукΙине ругилан бицана гьес.
Гьединго президендас жаваб кьуна аскаралде дагъистаниял рачиялъул, Дербент шагьаралда букΙараб тΙабигΙияб балагьалъул хΙакъалъулъ рукΙарал суалазе.
ТΙоцебесеб суалалда хурхун гьес бицана гΙагараб заманалда дагъистаниял гΙемер рачизе ругин аскаралде. Дербенталда хурхун жаваб кьолаго бицана, гьениб кинабго гьабизе кколеб жо гьабун бугин ва хадуб жеги гьабизе бугин.
Ахиралда, щиб гьарулеб дуца Аллагьасдаса дугΙадулъ абураб суалалъе жаваб кьолаго президентас бицана, щивав дагъистанияс гΙадин гьарулил рекъел, талихΙ ва роххел.
Данделъи бачунев, РГВК телеканалалъул генералияв директор ХΙажиев Азнаурица тΙаса рищулел суалазда жанирги гΙемерисел рукΙана политикаялда рухьинчΙел. Гьесул рагΙабазда рекъон бищунго гΙемер суалал щвана ришватчилъиялда хурхарал. Гьеб суалалда тΙаса Дагъистаналъул президентаса гьадин бицана.
МухΙамадсалам МухΙамадов: «Дица хъулухъалде лъугьунаго бицун букΙана дица гΙарац кьун цониги чи восичΙин ва восизе гьечΙин хъулухъалде. Гьелдаса нахъе лъабго сон ана, амма дида гьабсагΙат ракΙбацΙадго, бокьарав чиясул бадивеги валагьун абизе кΙола дица рагΙи ккунин, халкъалда цебеги, Аллагьасда цебеги.
Информалатазда гΙемер бицуна министрал ялъуни районалъул бутΙрул тΙамулаго гΙарац босулеб бугилан. Гьеб жоялъул хΙисаб гьабизе кΙоларо, гьеб гΙантлъи буго.
Гъоркьехун щиб бугеб лъаларо, амма бокьилаан киналго хΙакимзабаз ракΙчΙун абизе гьадин жакъа дица гΙадин. ГΙемер ришватал росулел руго республикаялда хΙалтΙулел федералиял хъулухъазда. Жалго гΙадамазги кьола ришватал.
Милициялдаги, медицинаялдаги, лъай кьеялдаги – киса-кибего. Ихтиярал цΙунулел идарабазул хΙалтΙиги гьеб рахъалъ гΙей гьечΙеб буго. Цониги кΙудияв хΙакимчи кквечΙо жеги, гьечΙо гьав чи ришватчи вугилан вихьизавизе гΙурав чи ккун. Гьеб гуребги, дида ккола тамихΙ кьваризабизе кколин ришватчилъиялъухъ, къанунал хисизе ккола. Гьеб ришватчилъиялде жалго гΙадамазулги бербалагьи хисизе ккола. Ришват кьолел чагΙиги нилъеда жаниса ругелъул. Хъулухъчи гΙарац босизе тΙамулев вуго нилъецаго. Кьоге ришват. КьечΙого суал роцΙцΙунеб батичΙони, прокуратураялде ялъуни Президентасухъе а, лъазабе гьедин».
Президентас бицана гьединго ЦΙияб лак мухъалдаса лакалги гочинарун гьениб ГΙавухъ мухъ гΙуцΙиялъул хΙакъалъулъ. Цере рукΙарал ришватчагΙазул схемаялги хвезарун, ахираб заманалда хΙалтΙи тΙад бан унеб бугилан божизаруна президентас. Хъвана гьев республикаялде инвестициял рачиналъул суалалдаги. ЦΙиял проектал гΙуцΙизе ва инвестициял рачине нилъер хΙакимзабазда кΙолеб гьечΙо, гьединлъидал гьеб рахъалъ хΙалтΙизе кΙолев цΙияв вице-премьер тΙамун вугин хъулухъалдеян бицана.
МахΙачхъалаялдаса Ражабов Рустамица гьикъан жиндир вац ГΙали щалали лъазе кΙвечΙел чагΙаз хъамиялъул хΙакъалъулъ. Президентас лъазабуна гьелда тΙад къуваталъул хΙалтΙухъаби хΙалтΙизе ругин. Гьединго тΙаде жубана, гΙадамал рикъиялда хадур къуваталъул идараби ругин абураб информация битΙараб гьечΙин, гьел кколин къуваталъул идарабазул хΙалтΙухъабазул ретΙелги хисун, хадуб гΙарац бахъиялъе гΙоло хΙалтΙулел гΙадамал.
Миллиял информалатазул хΙакъалъулъ кьураб суалалъе жавабалъе МухΙамадсалам МухΙамадовас бицана, гьезие биччалеб гΙарцуда рекъараб пайда гьечΙин гьездаса. Амма гьел къазе бегьуларин, гьел цΙунизе кколин. ГΙолохъанал журналистал хΙалтΙизе рачине кколин, гΙемерисел редакциязда пенсионерал гурони гьечΙин. ЦΙияв информациялъул министрас цΙияб хΙалтΙи гьабулеб бугин гьеб суалалда хурхун, гΙагараб заманалда хиса-басиял рукΙине ругилан бицана гьес.
Гьединго президендас жаваб кьуна аскаралде дагъистаниял рачиялъул, Дербент шагьаралда букΙараб тΙабигΙияб балагьалъул хΙакъалъулъ рукΙарал суалазе.
ТΙоцебесеб суалалда хурхун гьес бицана гΙагараб заманалда дагъистаниял гΙемер рачизе ругин аскаралде. Дербенталда хурхун жаваб кьолаго бицана, гьениб кинабго гьабизе кколеб жо гьабун бугин ва хадуб жеги гьабизе бугин.
Ахиралда, щиб гьарулеб дуца Аллагьасдаса дугΙадулъ абураб суалалъе жаваб кьолаго президентас бицана, щивав дагъистанияс гΙадин гьарулил рекъел, талихΙ ва роххел.