Шималияб Кавказалъул курортал абураб гIуцIиялъул нухмалъулев АхIмадов Билалида хурхун такъсир гьабиялъул иш рагьулеб буго Улкаялъул Генпрокуратураялъги гьединго жанисел ишазул министерлъиялъги. Жиндирго хъулухъалъулаб хIаракатчилъиялда гьесда хадуб чанго къанун хвезабиялъул хIужа букIин тIатинабун буго улкаялъул цIех-рех чагIаз.
АхIмад Билаловасде гIунтIизабулеб буго кIиго статьялда рекъон гIайиб жиндирго мурадаазе гIоло хъулухъаладса пайда боси ва хIилла макручилъи Апрель моцI байбихьаралдаса гьеб лъабабилебги такъсир гьабиялъул иш ккола гьесдаги Шималияб Кавказалъул курортал гIуцIиялъул генералияв директор Невский Александридаги. ЦIех-рехалъулал хIалтIаби тIоритIулаго тIатун буго гьех жидерго хIалтIабазда жанир гIемерал хIилла-макруялъул кьучIалда гьарурал къотIи-къаял гьарулел ратараллъи.
ХIисабалъулаб Палатаялъ цебеккун гьабураб халагьабиялъ бихьизабухъе Билаловас нухмалъи гьабулеб гIуцIиялъ разе кколаан 2014 соналъ Сочиялда тIоритIизе Олимпиялъул хIаял тIоритIулеб хъештIолел бакIазул объектал. Гьедин батIи-батIияб заманалда Билаловас гьенир ралел объектал хIадуризелъун хIукуматалъул бюджеталдаса биччан буго чанго миллион гъуруш, амма биччараб гIарцуда рекъон хIалтIи гьабун гьечIо гьеб гIуцIиялъ. Гьеб гуребги Билаловасде гIунтIизабулеб бугеб гIайиб ккола Олимпиада базелъун биччараб гIарацги харж гьабун жиндирго къваригIелаз къватIиса хIукуматалде Лондоналде аравлъи.
Жиндего гIунтIизаруле гIайибазе жаваб кьезе Билалов щун гьечIо журналистазухъе.
Билаловас нухмалъи гьабулеб гIуцIиялъ чанго соналъ цебе базе бабйбихьун Хунзахъ Макьасда абулеб бакIалда балеб курортги. Амма нижехъе щварал баяназда рекъон гьабсагIаталда курорт бакIалд гьарулел хIалтIаби чIезе тун ругилан бицана «Эркенлъи» радиоялъе Хунзахъ мухъалъул Сивухъ росулъа жамагIатчи МухIамадов НурмухIамад.
Сахъадерил жамагIаталъул къайимлъиялда букIараб 36 гектарги гьоркьобе бачун гьездаги гьикъичIого 49 соналъул болжазда хIалтIизабизе кинабниги 40 гектар ракьалъул кьун буго Макьасда балеб курорталъе доб мехалъ Хунзахъ мухъалъул нухмалъуллевлъун вукIарав ГIисаев МухIамадица.
НурмухIамадица рикIкIунеб буго гьеб кинабго гьабун бугин конституциялъулги къануналъулги киналго тIалабалги хвезарун, щай гурелъул ракь хIалтIизабиялъул чIван къотIун цере лъурал заманаялъул болжал рукIунарин. ТIадежоялъеги ГIисаев МухIамадица абун бугин Сахъадерил жамагIаталъулгун къотIиги гьабун кьунин гьеб ракь курорт балеб бакIалъе, амма кинабниги къотIи букIинчIилан абулеб буго НурмухIамадица:
МухIамадов НурмухIамад : «Курорт баялда дандечIарав чи гьечIо, дун базе бегьула къануналъул кьучIалда, нижер ихтияралги хвезаричIого, махсароде нижги кквечIого»
Гьедин къанунги хвезабун жамагIаталъул ракь хIалтIизабизе бегьуларилан ахIи-хIур базе лъугьарав НурмухIамад хъулухъалдаса ватIаги гьавун тун вуго. Сахъадерил СПК-ялъул нухмалъулевлъун вукIарав чи ккола гьев. Гьанже жидерго росдал бегавулгун Мухъалъул нухмалъулев ХIажияв Дарбишевгун ва хIукуматалда республикаялъул туризмалъул рахъалъ нухмалъулевлъун вугев ГIисаев МухIамадгун диваналда вуго гьабсагIатги НурмухIамад.
ХIисабалъулаб Палатаялъ цебеккун гьабураб халагьабиялъ бихьизабухъе Билаловас нухмалъи гьабулеб гIуцIиялъ разе кколаан 2014 соналъ Сочиялда тIоритIизе Олимпиялъул хIаял тIоритIулеб хъештIолел бакIазул объектал. Гьедин батIи-батIияб заманалда Билаловас гьенир ралел объектал хIадуризелъун хIукуматалъул бюджеталдаса биччан буго чанго миллион гъуруш, амма биччараб гIарцуда рекъон хIалтIи гьабун гьечIо гьеб гIуцIиялъ. Гьеб гуребги Билаловасде гIунтIизабулеб бугеб гIайиб ккола Олимпиада базелъун биччараб гIарацги харж гьабун жиндирго къваригIелаз къватIиса хIукуматалде Лондоналде аравлъи.
Жиндего гIунтIизаруле гIайибазе жаваб кьезе Билалов щун гьечIо журналистазухъе.
Билаловас нухмалъи гьабулеб гIуцIиялъ чанго соналъ цебе базе бабйбихьун Хунзахъ Макьасда абулеб бакIалда балеб курортги. Амма нижехъе щварал баяназда рекъон гьабсагIаталда курорт бакIалд гьарулел хIалтIаби чIезе тун ругилан бицана «Эркенлъи» радиоялъе Хунзахъ мухъалъул Сивухъ росулъа жамагIатчи МухIамадов НурмухIамад.
Сахъадерил жамагIаталъул къайимлъиялда букIараб 36 гектарги гьоркьобе бачун гьездаги гьикъичIого 49 соналъул болжазда хIалтIизабизе кинабниги 40 гектар ракьалъул кьун буго Макьасда балеб курорталъе доб мехалъ Хунзахъ мухъалъул нухмалъуллевлъун вукIарав ГIисаев МухIамадица.
НурмухIамадица рикIкIунеб буго гьеб кинабго гьабун бугин конституциялъулги къануналъулги киналго тIалабалги хвезарун, щай гурелъул ракь хIалтIизабиялъул чIван къотIун цере лъурал заманаялъул болжал рукIунарин. ТIадежоялъеги ГIисаев МухIамадица абун бугин Сахъадерил жамагIаталъулгун къотIиги гьабун кьунин гьеб ракь курорт балеб бакIалъе, амма кинабниги къотIи букIинчIилан абулеб буго НурмухIамадица:
МухIамадов НурмухIамад : «Курорт баялда дандечIарав чи гьечIо, дун базе бегьула къануналъул кьучIалда, нижер ихтияралги хвезаричIого, махсароде нижги кквечIого»
Гьедин къанунги хвезабун жамагIаталъул ракь хIалтIизабизе бегьуларилан ахIи-хIур базе лъугьарав НурмухIамад хъулухъалдаса ватIаги гьавун тун вуго. Сахъадерил СПК-ялъул нухмалъулевлъун вукIарав чи ккола гьев. Гьанже жидерго росдал бегавулгун Мухъалъул нухмалъулев ХIажияв Дарбишевгун ва хIукуматалда республикаялъул туризмалъул рахъалъ нухмалъулевлъун вугев ГIисаев МухIамадгун диваналда вуго гьабсагIатги НурмухIамад.