ХъулухъчагIазул гьересиялъул сангаралда цере
Your browser doesn’t support HTML5
Унсоколо мухъалъул щуго росдал жамагIат цебегоялдаса нахъе балагьун чIун буго Рихьуни ГЭСалъул хIавуз цIезабулеб мехалда лъеде гъоркье арал рукьазухъ, хурзабигун ахазухъ компенсациялъул гIарац кьеялъухъ. Гьез бицухъе, документазда гьеб гIарац цебего кьураблъун бихьизабун буго. Амма гIадамазухъе гьеб щун гьечIо. 5 марталда Рихьуни, Зирани, Майданское, ГьаракIуни ва цогидал росабазул гIадамазда ракIалда букIана митинг тIобитIизе. Амма изну кьечIого, гьелъул мугIрузул мухъазда республикаялъул бетIерасул вакил Ибрагьим Ибрагьимов дандчIвана росабазул жамагIатчагIигун.