БачIунеб гьатIанкъоялъ Дагъистаналда тIоритIизе руго бакIалъул рищиял. Рищизе руго росабазул бегавулзабиги, муниципалиял гIуцIабазул нухмалъулелги. МагIарул кIудияб лъабго мухъалда - Хьаргаби, ГIахьвахъ, Унсоколо – рищизе руго гьел мухъазул нухмалъулел.
Хьаргаби нухмалъулев вищулев вуго цеве гьенив вукIарав МухIамадов МухIамад спорталъул ва физическияб культураялъул министерлъун теялъ.
Хьаргабиги, ГIахьвахъги, Унсокологи тIоритIулел рищиязда тIасан ЭР-ялъе пикру загьир гьабулеб буго «Новое Дело» газеталъул бетIерав редактор ШагIбанов Маркъоца.
ШагIбанов Маркъо: «КIудияв МахIач министерлъун тедал кIикIундеридаги хьергебдеридаги гьоркьоб къец гIадаб жо ккана. Гьединлъидал гьес жиндирго бакIалде кандидатлъун ккезавуна гьеб мухъалъул нухмалъулев хисулевлъун цевеги жинда цадахъ хIалтIарав Малачилов Рамазан. Гьесда дандечIарав чилъун вуго Хьвартихьуни росдал бегавул хисулев. Гьезул кIиязулго магIлисев (Малачилов) бергьуневлъи ракIчIараб жо буго. Гьев вуго МахIачил божарав чи. Гьедин, министерлъун тIамун хадубги, МухIамадовас щула гьабулеб буго гьеб мухъалда жиндир бугеб къуватги ресалги».
Маркъоца бицунев МагIлиса Малачилов Рамазан ккола республикаялъул юстициялъул министр хисулев Малачилов ХIайбулал вацги. Дагъистаналъул медакадемиялъул ректор ГIусманов ГIабдурахIманги вукIун вуго рищиязда гIахьаллъизе къваригIун. Амма гIахьаллъичIого вукIинелъун гьесулгунги къотIи гьабун буго.
Гьединго ГIахьвахъ мухъалда жидер росуцояв ккезе къваригIун гIезегIан къеркьана КIаратIа росулъа чагIи. Амма ахирисеб нухалдаги гьеб хъулухъалда вукIана гIахьвалазул вакил – МухIамадшарипов ИсмагIил. ГьабсагIаталда ГIахьвахъ мухъалъул нухмалъулесул хъулухъалде кандидатура лъурав 12 чиясул 4 чи хутI вуго. Гьезул бищун къуватав КIудиябросулъа МуртазагIалиев МухIамад вугин рикIкIуна бакIалъул гIадамаз. Гьевги Москваялда вугев гьесул вац ГIумарги кIудиял бизнесменал ккола.
ШагIбанов Маркъо: «Москваялда вугев бечедав бизнесмен МуртазагIалиев ГIумарил вац МухIамадидаги МухIамадшарипов ИсмагIилидаги гьоркьоб кутакаб хIалуцен букIинилан ракIчIей бугоан гьанжелъагIан бакIалъул гIадамазул. Гьелдаго цадахъ чанго кIаратIисевги вукIана гьезда дандечIун (цеве гьенив бетIерлъун вукIарав Аминов МахIач ва цогидал). Жидедаго гьоркьоб къотIи-къайги гьабун гьезул чангояс кандидатура бахъана. Амма гьедингицин гьездасаги къуватаб букIана МуртазагIалиевасулги МухIамадшариповасулги кандидатураби. Дихъе щварал баяназда рекъон, Москваялда дандчIван руго Сайгид МуртазагIалиевги (Пенсиязул фондалъул нухмалъулев), ГIумар МуртазагIалиевги, республикаялъул нухмалъулев МухIамадсалам МухIамадовги. МухIамад МуртазагIалиевас кандидатураги нахъе босун гьаб нухалда ИсмагIил МухIамадшарипов бергьине тезе къотIи ккун буго гьезул. Гьединго гьеб къотIи-къаяда рекъон, дагьаб мехалдасан МухIамадшариповги нахъе вачун, гьеб хъулухъалде МухIамад МуртазагIалиев тIамизе вугила».
Гьединаб къотIи-къотIиялдаса хадуб МуртазагIалиев МухIамадица кандидатура нахъе бахъиялъ, гьединго республикаялъул тIалъиялъ гьесул рахъ кколеб букIиналъ ШагIбанов Маркъолги жеги цогидазулги ракIчIун буго МухIамадшарипов ИсмагIил бергьине вукIиналда.
Унсоколо мухъалда тIоритIизесел рищиязда гIахьаллъулел аслиял къуватал ккола Унсоколо росулъа МухIамадов МухIамадхIабибги гьабсагIаталда Халкъияб Мажлисалда депутатлъун вугев Генуса МухIамадов Шамильги. Абула МухIамадов Шамилил рахъ кколеб бугин Дагъистаналъул нухмалъулев МухIамадов МухIамадсаламица. МухIамадов МухIамадхIабибилги рахъкквеян республикаялъул нухмалъулесухъе магIарулазул вакилзаби ун рукIин лъалеб буго ШагIбанов Маркъода. Гьезда гьоркьор рукIун руго Пенсиязул Фондалъул нухмалъулев МуртазагIалиев Сайгид, Халкъияб Мажлисалъул нухмалъулев хисулев АхIмадов СайгидахIмад ва цогидал.
ШагIбанов Маркъо: «Амма, дида лъалелда рекъон, МухIамадов МухIамадсаламица жиндирго позиция хисизабун гьечIо, гьездаги абун буго жинца Шамилил рахъкколеб бугилан. Амма ГIахьвахъ мухъалда гIадин цойиде ккун гьечIо гьел. Гьебго заманалда МухIамадхIабибицаги Шамилицаги абун рагIула жал гьудулзаюиги ругелъул, гьеб мухъалда ахIвал-хIал хIалуцине биччаларин жидеца».
ШагIбанов Маркъода жиндагоги лъалеб гьечIо Унсоколо мухъалда рищиязул ахир гIага-шагаргоцин кинан ккелебали. Гьениб жеги ахIвал-хIал роцIцIун гьечIо.
Хьаргабиги, ГIахьвахъги, Унсокологи тIоритIулел рищиязда тIасан ЭР-ялъе пикру загьир гьабулеб буго «Новое Дело» газеталъул бетIерав редактор ШагIбанов Маркъоца.
ШагIбанов Маркъо: «КIудияв МахIач министерлъун тедал кIикIундеридаги хьергебдеридаги гьоркьоб къец гIадаб жо ккана. Гьединлъидал гьес жиндирго бакIалде кандидатлъун ккезавуна гьеб мухъалъул нухмалъулев хисулевлъун цевеги жинда цадахъ хIалтIарав Малачилов Рамазан. Гьесда дандечIарав чилъун вуго Хьвартихьуни росдал бегавул хисулев. Гьезул кIиязулго магIлисев (Малачилов) бергьуневлъи ракIчIараб жо буго. Гьев вуго МахIачил божарав чи. Гьедин, министерлъун тIамун хадубги, МухIамадовас щула гьабулеб буго гьеб мухъалда жиндир бугеб къуватги ресалги».
Маркъоца бицунев МагIлиса Малачилов Рамазан ккола республикаялъул юстициялъул министр хисулев Малачилов ХIайбулал вацги. Дагъистаналъул медакадемиялъул ректор ГIусманов ГIабдурахIманги вукIун вуго рищиязда гIахьаллъизе къваригIун. Амма гIахьаллъичIого вукIинелъун гьесулгунги къотIи гьабун буго.
Гьединго ГIахьвахъ мухъалда жидер росуцояв ккезе къваригIун гIезегIан къеркьана КIаратIа росулъа чагIи. Амма ахирисеб нухалдаги гьеб хъулухъалда вукIана гIахьвалазул вакил – МухIамадшарипов ИсмагIил. ГьабсагIаталда ГIахьвахъ мухъалъул нухмалъулесул хъулухъалде кандидатура лъурав 12 чиясул 4 чи хутI вуго. Гьезул бищун къуватав КIудиябросулъа МуртазагIалиев МухIамад вугин рикIкIуна бакIалъул гIадамаз. Гьевги Москваялда вугев гьесул вац ГIумарги кIудиял бизнесменал ккола.
ШагIбанов Маркъо: «Москваялда вугев бечедав бизнесмен МуртазагIалиев ГIумарил вац МухIамадидаги МухIамадшарипов ИсмагIилидаги гьоркьоб кутакаб хIалуцен букIинилан ракIчIей бугоан гьанжелъагIан бакIалъул гIадамазул. Гьелдаго цадахъ чанго кIаратIисевги вукIана гьезда дандечIун (цеве гьенив бетIерлъун вукIарав Аминов МахIач ва цогидал). Жидедаго гьоркьоб къотIи-къайги гьабун гьезул чангояс кандидатура бахъана. Амма гьедингицин гьездасаги къуватаб букIана МуртазагIалиевасулги МухIамадшариповасулги кандидатураби. Дихъе щварал баяназда рекъон, Москваялда дандчIван руго Сайгид МуртазагIалиевги (Пенсиязул фондалъул нухмалъулев), ГIумар МуртазагIалиевги, республикаялъул нухмалъулев МухIамадсалам МухIамадовги. МухIамад МуртазагIалиевас кандидатураги нахъе босун гьаб нухалда ИсмагIил МухIамадшарипов бергьине тезе къотIи ккун буго гьезул. Гьединго гьеб къотIи-къаяда рекъон, дагьаб мехалдасан МухIамадшариповги нахъе вачун, гьеб хъулухъалде МухIамад МуртазагIалиев тIамизе вугила».
Гьединаб къотIи-къотIиялдаса хадуб МуртазагIалиев МухIамадица кандидатура нахъе бахъиялъ, гьединго республикаялъул тIалъиялъ гьесул рахъ кколеб букIиналъ ШагIбанов Маркъолги жеги цогидазулги ракIчIун буго МухIамадшарипов ИсмагIил бергьине вукIиналда.
Унсоколо мухъалда тIоритIизесел рищиязда гIахьаллъулел аслиял къуватал ккола Унсоколо росулъа МухIамадов МухIамадхIабибги гьабсагIаталда Халкъияб Мажлисалда депутатлъун вугев Генуса МухIамадов Шамильги. Абула МухIамадов Шамилил рахъ кколеб бугин Дагъистаналъул нухмалъулев МухIамадов МухIамадсаламица. МухIамадов МухIамадхIабибилги рахъкквеян республикаялъул нухмалъулесухъе магIарулазул вакилзаби ун рукIин лъалеб буго ШагIбанов Маркъода. Гьезда гьоркьор рукIун руго Пенсиязул Фондалъул нухмалъулев МуртазагIалиев Сайгид, Халкъияб Мажлисалъул нухмалъулев хисулев АхIмадов СайгидахIмад ва цогидал.
ШагIбанов Маркъо: «Амма, дида лъалелда рекъон, МухIамадов МухIамадсаламица жиндирго позиция хисизабун гьечIо, гьездаги абун буго жинца Шамилил рахъкколеб бугилан. Амма ГIахьвахъ мухъалда гIадин цойиде ккун гьечIо гьел. Гьебго заманалда МухIамадхIабибицаги Шамилицаги абун рагIула жал гьудулзаюиги ругелъул, гьеб мухъалда ахIвал-хIал хIалуцине биччаларин жидеца».
ШагIбанов Маркъода жиндагоги лъалеб гьечIо Унсоколо мухъалда рищиязул ахир гIага-шагаргоцин кинан ккелебали. Гьениб жеги ахIвал-хIал роцIцIун гьечIо.