Дагъистаналъул президентас амру гьабуна республикаялда низам цIунизе гIадатиял гIадамаздасан къокъаби гIуцIеян. ГIурус хъазахъазе Россиялъул цо-цо икълимазда ихтияр кьун буго полициялда цадахъ гьедин жамгIияб парахалъи цIунизе. Краснодар краялъ ва цоги икълимаз гьел хъазахъазе гIемераб гIарацги биччалеб буго. Гьединал халкъияб хъаравуллъиялъул къокъаби гIуцIиялъ Дагъистаналда ахIвал-хIал жеги хIалуцинабизе бугилан рикIкIуна цо-цо экспертаз.
«Эркенлъи» радиоялъе баян кьолаго, хIинкъи гьечIолъи цIуниялъул рахъалъ ГIахьвахъ мухъалъул нухмалъулев хисулев МуртазагIали МухIамадрасуловас абуна гьезул ракьалда гьел халкъиял низамчагIазул 235 чи хIалтIизе лъугьанилан, исана 11 декабралда КIаратIа тIобитIараб хасаб данделъиялда гьеб суалги гьоркьоб лъун букIанилан.
МуртазагIали МухIамадрасулов: « ГIахьвахъ мухъалъул щибаб росулъ гIуцIун руго гьединал халкъиял гIадлучагIазул къокъаби, гьезул къадар 235 чиясде бахуна. Цебеккунги тIалаб гьабулеб букIана Дагъистаналъул президентас гьединал къокъаби гIуцIи. Гьанже 144-абилеб цIияб буюрухъ бачIана гьесул, халкъиял низамчагIазул къадар цIикIкIинабеян. Гьеб документалда рекъон, мухъалъул ва щибаб росдал штабал гIуцIун руго, гьез бачуна дружинабазул хIалтIи. Нусго чиясда данде цо дружинник кколедухъ ракIарейин гьелилан абуна нижеда. Гьадин гьабизеги гьабуна.
Дагъистаналъул Халкъияб Мажлисалъул ахирисеб сессиялда гьезда хурхун къанунги къабул гьабуна. НизамчагIи лъукъани, хвани, гьезул хъизаназе рихьизарурал бигьалъаби ва квегIенлъаби руго. Хасал тадбиразда гIахьаллъи гьабизе ритIуларо дружиначагIи. Ту-ту, МашаАллагь, жеги гьединал рагъулал лъугьа-бахъинал нижер мухъалда ккечIо. Гьединал тадбиразе гуро халкъиял низамчагIи хIадурулел ругел, гьез цIунизе ккола жамгIияб парахалъи».
Гьанже Дагъистаналъул гIезегIан росабалъ руго халкъиял гIадлучагIи, гьез сордо-къоялъ хъаравуллъи ккола росулъе нухал ругел бакIазда, халккола лъицаниги гIадлу-тадбир хвезабулеб бугищали. Гьединаб къагIидаялде рачIиналъе гIезегIан гIиллабиги ккана. Республикаялъул тIалъиялъ буюрилелдего жалго цIунизе нухал ралагьулел рукIана гIадамал.
Масала, ГIахьвахъ мухъалъул кIиго чахIиял жамагIатазда гьоркьоб рагъ ккана исана 16 апрелалда. Мухъалъул центрлъун кколеб КIаратIа рагъана гьеб росулъа ва КIудиябросулъа чагIи. Гьеб тунка-гIусиялда гьоркьов вукIарав полициялъулав Заур Жалиловас хъулухъалъулаб таманчаялъ кьвагьун лъукъана 16 сон барав КIаратIаса цIалдохъан Имадибир Махиев. 25 апрелалда МахIачхъалаялъул азарханаялда къадаралде щвана гьев гIолилав.
Полициялъулав Заур Жалиловас гьабураб ишалъе къимат кьолеб буго цIех-рехалъул идарабаз.
МуртазагIали МухIамадрасулов: « ГIахьвахъ мухъалъул щибаб росулъ гIуцIун руго гьединал халкъиял гIадлучагIазул къокъаби, гьезул къадар 235 чиясде бахуна. Цебеккунги тIалаб гьабулеб букIана Дагъистаналъул президентас гьединал къокъаби гIуцIи. Гьанже 144-абилеб цIияб буюрухъ бачIана гьесул, халкъиял низамчагIазул къадар цIикIкIинабеян. Гьеб документалда рекъон, мухъалъул ва щибаб росдал штабал гIуцIун руго, гьез бачуна дружинабазул хIалтIи. Нусго чиясда данде цо дружинник кколедухъ ракIарейин гьелилан абуна нижеда. Гьадин гьабизеги гьабуна.
Дагъистаналъул Халкъияб Мажлисалъул ахирисеб сессиялда гьезда хурхун къанунги къабул гьабуна. НизамчагIи лъукъани, хвани, гьезул хъизаназе рихьизарурал бигьалъаби ва квегIенлъаби руго. Хасал тадбиразда гIахьаллъи гьабизе ритIуларо дружиначагIи. Ту-ту, МашаАллагь, жеги гьединал рагъулал лъугьа-бахъинал нижер мухъалда ккечIо. Гьединал тадбиразе гуро халкъиял низамчагIи хIадурулел ругел, гьез цIунизе ккола жамгIияб парахалъи».
Гьанже Дагъистаналъул гIезегIан росабалъ руго халкъиял гIадлучагIи, гьез сордо-къоялъ хъаравуллъи ккола росулъе нухал ругел бакIазда, халккола лъицаниги гIадлу-тадбир хвезабулеб бугищали. Гьединаб къагIидаялде рачIиналъе гIезегIан гIиллабиги ккана. Республикаялъул тIалъиялъ буюрилелдего жалго цIунизе нухал ралагьулел рукIана гIадамал.
Масала, ГIахьвахъ мухъалъул кIиго чахIиял жамагIатазда гьоркьоб рагъ ккана исана 16 апрелалда. Мухъалъул центрлъун кколеб КIаратIа рагъана гьеб росулъа ва КIудиябросулъа чагIи. Гьеб тунка-гIусиялда гьоркьов вукIарав полициялъулав Заур Жалиловас хъулухъалъулаб таманчаялъ кьвагьун лъукъана 16 сон барав КIаратIаса цIалдохъан Имадибир Махиев. 25 апрелалда МахIачхъалаялъул азарханаялда къадаралде щвана гьев гIолилав.
Полициялъулав Заур Жалиловас гьабураб ишалъе къимат кьолеб буго цIех-рехалъул идарабаз.