27 июналъ къуватал идарабазул хIалтIухъабаз ккуна Дагъистаналъул Халкъияб Мажлисалъул депутат МухIамадов МухIамад. Гьесда буго изну гьечIого яргъид гIуцIаразе кумек гьабиялъул щаклъи. Гьедин лъазабулеб буго низам цlунулез.
Халкъияб Мажлисалде МухIамадов МухIамад вищун вукIана «Единая Россия» партиялдасан. Гьелде щвезегIан гьес «Витас» абулеб банкалъе нухмалъи гьабулеб букIун буго.
МухIамадовасул буго 37 сон, гьев ккола Хунзахъ районалъул ГIобода росулъа. Россиялъул Олимпиялъулаб комитеталъул вукIарав вице-премьер АхIмад Билаловасул вацIгIалги вуго гьев. МухIамадовасул буго лъабго тIадегIанаб лъай, гьев ккола экономикиял гIелмабазул кандидатги. ИзнугьечIого яргъидгIуцIаразу
Гьединго жакъа Халкъияб Мажлисалъ депутатасул хъулухъалдасаги вахъана МухIамад МухIамадов.