Хасавюрт шагьаралъул мэр Сайгидпаша ГΙумахановасул машина унеб нухда кьвагьи бахъана жакъа къад сагΙат цо тΙубарабго. ЧΙварал яги лъукъарал чагΙи гьечΙо.
Хасавюрт шагьаралъул Южная къотΙноб нухлул рагΙалда кьвагьи бахъана хΙукуматалъул машинабазул читΙир унаго, кΙиго машинаялъе жагъаллъи кканилан хъван буго Дагъистаналъул жанисел ишазул министерлъиялъул сайталда.
«Хасавюрталъул цΙиял харбал» абураб газеталъул бетΙерав редактор ГΙумаров МухΙамадрасулица бицана Сайгидпаша ГΙумахановасе ва гьевгун рукΙаразе щибниги ккараб жо гьечΙин ва гьесул гΙумруялъе гьабсагΙаталда кинабгΙаги хΙинкъи гьечΙин. Сунда бухьинабулеб бугеб рехсараб кьвагьи ва лъие хΙажат букΙине бегьулеб Сайгидпаша ГΙумахановасде гьужум гьабиялъул бицана ЭР-ялъе «Миллат» газеталъул бетΙерав редактор БисавгΙалиев МухΙамадица:
БисавгΙалиев МухΙамад: «Сайгидпаша ГΙумахановасде гьужум гьабиялда дица кинабгΙаги гΙажаиблъи гьабуларо. ТΙоцебесеб иргаялда гьев кΙудияб политикияб асар бугев чи вуго, кΙиабилеб иргаялда Шималияб Кавказалда ругел гΙемерал политикиял къуваталгун данде кколарев чи вуго. Гьесул политикал хΙалареб вагъа-вакариялъги, федералиял рукΙа, бакΙалъулал рукΙа политикиял къуватазулъ балагьичΙого рагьун жиндирго пикру загьир гьабулеб хасияталъги гъосул гΙемерал тушбаби раккана ахираб 9-Ι0 соналда жанир.
Дида лъалеб бакΙалдаса гΙебеде гьев чΙвазе бокьаразда хадур бокьарал къуватал рукΙине рес буго. Гъора рукΙине рес буго аскΙоб бугеб Чачан республикаялдаса гъовгун данде кколарел политикиял къуватал, цойги – Германиялда гьесул вацасул вас жанив тΙамуна Хасавюрт мухъалъул бетΙер А. Алхаматов чΙваялъул гΙайибги гΙунтΙизабун- гьел къуваталги рукΙине рес буго. РукΙине рес буго цойги Дагъистаналдаса гъовгун данде кколарел политикиял къуватал, гьениб гΙажаиблъи гьабизе жо дида бихьулеб гьечΙо».
Сайгидпаша ГΙумаханов чΙвазе къасд тΙами тΙоцебесеблъун кколаро. Чанго соналъ цебе Хасавюрталда полициялъ ккун букΙана гьев чΙвазе къасд тΙамуразул къокъа. Коммерсант газеталъул баяназда рекъон, мэр чΙваялъулъ гьезие щвезехъин букΙун буго 500 азарго доллар гΙарац. Гьединго гьез бицун букΙана С. ГΙумаханов чΙвазе бокьун букΙанин МахΙачхъалаялдаса чагΙазе.
Мэрасул вацасул вас ХΙабиб ГΙумаханов ккун вуго Германиялда. Халкъазда гьоркьосеб полициялъул щаклъи буго кΙиго соналъ цебе Москваялда гьес Хасавюрт мухъалъул администрациялъул бетΙер Алхаматов Алимсолтан чΙваялда.
«Хасавюрталъул цΙиял харбал» абураб газеталъул бетΙерав редактор ГΙумаров МухΙамадрасулица бицана Сайгидпаша ГΙумахановасе ва гьевгун рукΙаразе щибниги ккараб жо гьечΙин ва гьесул гΙумруялъе гьабсагΙаталда кинабгΙаги хΙинкъи гьечΙин. Сунда бухьинабулеб бугеб рехсараб кьвагьи ва лъие хΙажат букΙине бегьулеб Сайгидпаша ГΙумахановасде гьужум гьабиялъул бицана ЭР-ялъе «Миллат» газеталъул бетΙерав редактор БисавгΙалиев МухΙамадица:
БисавгΙалиев МухΙамад: «Сайгидпаша ГΙумахановасде гьужум гьабиялда дица кинабгΙаги гΙажаиблъи гьабуларо. ТΙоцебесеб иргаялда гьев кΙудияб политикияб асар бугев чи вуго, кΙиабилеб иргаялда Шималияб Кавказалда ругел гΙемерал политикиял къуваталгун данде кколарев чи вуго. Гьесул политикал хΙалареб вагъа-вакариялъги, федералиял рукΙа, бакΙалъулал рукΙа политикиял къуватазулъ балагьичΙого рагьун жиндирго пикру загьир гьабулеб хасияталъги гъосул гΙемерал тушбаби раккана ахираб 9-Ι0 соналда жанир.
Дида лъалеб бакΙалдаса гΙебеде гьев чΙвазе бокьаразда хадур бокьарал къуватал рукΙине рес буго. Гъора рукΙине рес буго аскΙоб бугеб Чачан республикаялдаса гъовгун данде кколарел политикиял къуватал, цойги – Германиялда гьесул вацасул вас жанив тΙамуна Хасавюрт мухъалъул бетΙер А. Алхаматов чΙваялъул гΙайибги гΙунтΙизабун- гьел къуваталги рукΙине рес буго. РукΙине рес буго цойги Дагъистаналдаса гъовгун данде кколарел политикиял къуватал, гьениб гΙажаиблъи гьабизе жо дида бихьулеб гьечΙо».
Сайгидпаша ГΙумаханов чΙвазе къасд тΙами тΙоцебесеблъун кколаро. Чанго соналъ цебе Хасавюрталда полициялъ ккун букΙана гьев чΙвазе къасд тΙамуразул къокъа. Коммерсант газеталъул баяназда рекъон, мэр чΙваялъулъ гьезие щвезехъин букΙун буго 500 азарго доллар гΙарац. Гьединго гьез бицун букΙана С. ГΙумаханов чΙвазе бокьун букΙанин МахΙачхъалаялдаса чагΙазе.
Мэрасул вацасул вас ХΙабиб ГΙумаханов ккун вуго Германиялда. Халкъазда гьоркьосеб полициялъул щаклъи буго кΙиго соналъ цебе Москваялда гьес Хасавюрт мухъалъул администрациялъул бетΙер Алхаматов Алимсолтан чΙваялда.