Гьалкъояз Цолъарал Штатазул ва Канадаялъул прессалъ нахъеги борхизабуна Бостоналда гьабураб теракталъул тема. Гьаб нухалъ бицен унеб буго Россиялда гьавурав ва хадув Канадаялде гочун гьеб улкаялъул гражданлъи щварав Уильям Плотниковасул хIакъалъулъ. БукIанищ-букIинчIищ гьесул бухьен вацал Царнаевасулгун. Гьале гьадинаб суал цебе лъолеб буго журналистаз.
Россиялъул Тюмень икълималда гьавурав Уильям Плотниковасе 2008 соналда Канадаялъул паспорт щун букIана. Хадуб Ислам динги босун, гьев ана Шималияб Кавказалде ва жувана гьенир ругел яргъид гIуцIарал бусурбабазул къукъабазе.
Щай гьес гьединаб хIукму гьабурабали жидеда лъаларин ва гьабсагIат гьелъие ккараб гIилла лъазабизе жидеца къасд гьабулеб буго ян абулеб букIана гьез 2012 соналъул 12 июлялда Дагъистаналъул Утамыш росдал сверухълъиялда хасаб операция тIобитIун хадусала.
Доб кьалда гьев тIадехун рехсарав «Канадиявилан» тIокIцIар букIарав Плотников Россиялъул хасал хъулухъчагIаз чIвана. Гьесдаго цадахъ чIван вуго жеги анкьго къеркьохъан.
Прессалъ гьеб информация мухIканго загьирабун, хадуб рехсараб тема кIочон тана. Гьале гьалкъояз Америкалъулги Канадаялъулги газетабазда цо чанго макъала цIидахъан къватIибе бахъун бугоан Уильям Плотниковасул хIакъалъулъ.
Гьевги Тамерлан Царнаевго гIадин боксерлъун вукIана ян ракIалде швезабун, мухбирзабаз хIаракат бахъулеб буго Бостоналда букIараб теракталда гьесул хурхен букIанищ-букIинчIищ абураб суалалъе жаваб батизе.
“Canadian Press” абулеб информалаталъ абулеб буго Цолъарал Штатазул гIадлу-низам цIунулезул ва цIех-рехчагIазул шаклъи ккун бугин Царнаев Дагъистаналде сапар бухьараб мехалда гьесул бербалагьиялъе дов чIварав Уильям Плотниковас асар гьабун букIиналда.
Россиялъул хасал хъулухъчагIазги жиндир иргаялда лъазабуна, жидеца Царнаевасда хадуб хал кквей гьабулеб букIанин Дагъистаналда анлъго моцIалда жаниб, ва Уильям Плотников чIваралдаса кIиго къо ун хадув Тамерлан Царнаев республикаялдаса къватIивехун ун вукIанин.
Гьелдаса нахъе Россиялъул Федералияб Хъулухъалъул цIех-рехчагIаз рачIун рукIана Тамерлан Царнаевасул инсухъе ва суал кьунин дур вас кив вугев абун. Анзор Царнаевасги жаваб кьуна гьев Америкаялде нахъ вуссанин.
ХIакъикъаталдаги, Тамерлан Царнаев Нью-Йоркалде рештIанин 17 июлялда.
Россиялъул «Новая газетаялъ» бахъараб макъалаялда кьолеб буго гьадинаб баянги: 2010 соналда хасал хъулухъчагIаз дов Плотников ккун вукIана. Сурав унеб мехалда гьес загьираруна Цолъарал Штатаздаса ва Канадаялдаса социалиял сайтазда ругел щинал жиндирго гьудулзабазул цIарал. Гьезда гъорлъ букIун буго Тамерлан Царнаевасул цIарги.
Гьеб информация хъващтIан битIун букIана Америкалъул хасал хъулухъазде. ЦIех-рех гьабулеб Федералияб хъулухъалъ гьеб балъгояб информация щвей дурус гьабуна, аммаила, доб мехалъ терроризмалде хурхен букIиналъе цониги далил букIинчIин кодоб. Гьелдалъун 2011 соналда гьеб иш къан букIанин.
Балагьани, цо-цо щакал хIужаби рихьула тIатун: цо улкаялдаса Шималияб Америкалде гочарав гьев кIиявго боксерал кколаан, кIиявго гIел бащадал кколаан, ва радикалияб Исламалде вуссун, кIиявго Дагъистаналде анин.
Жиндир заманалда Канадаялъул Торонто шагьаралда Плотниковасул тренерлъун вукIарав Борис Гитманица абулеб буго Уильям вукIанин спорталъе кIудияб махшел бугев васлъун, хIатта олимпиялъул чемпионлъун вахъине рес букIанин гьесул. Аммаила, Уильям гIураб мехалда кинабго хисанин. Гьес спорт танин...
Гитманица мухбирзабазде абуна итни къоялъ жив кIалъанин Плотниковасул эменгун. Гьес дурус гьабунин Уильямил радикалияб Исламалъул бербалагьи букIараблъи ва тIаде жубана жинца жиндирго васасул гьеб бербалагьиги, гьес бачунеб букIараб жигьадги къабул гьабулеб гьечIин.
Виталий Плотников ракI бацIадав чи вугин, ва гьесул ццим бахъун бугин, гьесие бокьилаанин жиндирго вас цIар арав спортсменлъун вихьизе, ян тIаде жубана Борис Гитманица.
Царнаевасулгун жиндир васасул лъай-хъвай букIанищ-букIинчIищ абураб суалалъе Виталий Плотниковас жаваб батичIин.
Щай гьес гьединаб хIукму гьабурабали жидеда лъаларин ва гьабсагIат гьелъие ккараб гIилла лъазабизе жидеца къасд гьабулеб буго ян абулеб букIана гьез 2012 соналъул 12 июлялда Дагъистаналъул Утамыш росдал сверухълъиялда хасаб операция тIобитIун хадусала.
Доб кьалда гьев тIадехун рехсарав «Канадиявилан» тIокIцIар букIарав Плотников Россиялъул хасал хъулухъчагIаз чIвана. Гьесдаго цадахъ чIван вуго жеги анкьго къеркьохъан.
Прессалъ гьеб информация мухIканго загьирабун, хадуб рехсараб тема кIочон тана. Гьале гьалкъояз Америкалъулги Канадаялъулги газетабазда цо чанго макъала цIидахъан къватIибе бахъун бугоан Уильям Плотниковасул хIакъалъулъ.
Гьевги Тамерлан Царнаевго гIадин боксерлъун вукIана ян ракIалде швезабун, мухбирзабаз хIаракат бахъулеб буго Бостоналда букIараб теракталда гьесул хурхен букIанищ-букIинчIищ абураб суалалъе жаваб батизе.
“Canadian Press” абулеб информалаталъ абулеб буго Цолъарал Штатазул гIадлу-низам цIунулезул ва цIех-рехчагIазул шаклъи ккун бугин Царнаев Дагъистаналде сапар бухьараб мехалда гьесул бербалагьиялъе дов чIварав Уильям Плотниковас асар гьабун букIиналда.
Россиялъул хасал хъулухъчагIазги жиндир иргаялда лъазабуна, жидеца Царнаевасда хадуб хал кквей гьабулеб букIанин Дагъистаналда анлъго моцIалда жаниб, ва Уильям Плотников чIваралдаса кIиго къо ун хадув Тамерлан Царнаев республикаялдаса къватIивехун ун вукIанин.
Гьелдаса нахъе Россиялъул Федералияб Хъулухъалъул цIех-рехчагIаз рачIун рукIана Тамерлан Царнаевасул инсухъе ва суал кьунин дур вас кив вугев абун. Анзор Царнаевасги жаваб кьуна гьев Америкаялде нахъ вуссанин.
ХIакъикъаталдаги, Тамерлан Царнаев Нью-Йоркалде рештIанин 17 июлялда.
Россиялъул «Новая газетаялъ» бахъараб макъалаялда кьолеб буго гьадинаб баянги: 2010 соналда хасал хъулухъчагIаз дов Плотников ккун вукIана. Сурав унеб мехалда гьес загьираруна Цолъарал Штатаздаса ва Канадаялдаса социалиял сайтазда ругел щинал жиндирго гьудулзабазул цIарал. Гьезда гъорлъ букIун буго Тамерлан Царнаевасул цIарги.
Гьеб информация хъващтIан битIун букIана Америкалъул хасал хъулухъазде. ЦIех-рех гьабулеб Федералияб хъулухъалъ гьеб балъгояб информация щвей дурус гьабуна, аммаила, доб мехалъ терроризмалде хурхен букIиналъе цониги далил букIинчIин кодоб. Гьелдалъун 2011 соналда гьеб иш къан букIанин.
Балагьани, цо-цо щакал хIужаби рихьула тIатун: цо улкаялдаса Шималияб Америкалде гочарав гьев кIиявго боксерал кколаан, кIиявго гIел бащадал кколаан, ва радикалияб Исламалде вуссун, кIиявго Дагъистаналде анин.
Жиндир заманалда Канадаялъул Торонто шагьаралда Плотниковасул тренерлъун вукIарав Борис Гитманица абулеб буго Уильям вукIанин спорталъе кIудияб махшел бугев васлъун, хIатта олимпиялъул чемпионлъун вахъине рес букIанин гьесул. Аммаила, Уильям гIураб мехалда кинабго хисанин. Гьес спорт танин...
Гитманица мухбирзабазде абуна итни къоялъ жив кIалъанин Плотниковасул эменгун. Гьес дурус гьабунин Уильямил радикалияб Исламалъул бербалагьи букIараблъи ва тIаде жубана жинца жиндирго васасул гьеб бербалагьиги, гьес бачунеб букIараб жигьадги къабул гьабулеб гьечIин.
Виталий Плотников ракI бацIадав чи вугин, ва гьесул ццим бахъун бугин, гьесие бокьилаанин жиндирго вас цIар арав спортсменлъун вихьизе, ян тIаде жубана Борис Гитманица.
Царнаевасулгун жиндир васасул лъай-хъвай букIанищ-букIинчIищ абураб суалалъе Виталий Плотниковас жаваб батичIин.