Донбассалда ОБСЕялъ полициялъул къуватал чIезариялъул рахъ кколеб букIин загьир гьабуна телефоналдасан «Нормандиялъул форматалдалъун» Германиялъул, Россиялъул, Украиналъул ва Франциялъул лидераз.
Гьедин лъазабулеб буго Украиналъул президентасул пресс-хъулухъалъ.
Ангела Меркель, Франсуа Олланд, Владимир Путин ва Петр Порошенко разилъун руго политикияб диалог лъугьине ккани, гьениб кьвагьа-гIанхъи тIубан чIезабизе ккеялда ва Минскалъул къотIи-къаял тIуразаризе къваригIун букIиналда.
Порошенкоца цIидасан лъазабуна гьелъие гIоло Россиялъ нахъе рачине кколин гьениса жиндирго рагъулал, эркен гьаризе кколин киналго гъоркьлъалие росарал ва гьенибе ярагъ битIи чIезабизе кколин.