21 маялда балъгояб сапаргун Сириялде щвана СШАялъул генерал Джозеф Вотел. Гьесул сапаралъул мурад ккола Россиялда гьукъараб «Исламияб пачалихъ» абураб гIуцIиялда данде рагъизе гIуцIулеб бугеб гIарабазул курдазул ва цогидазул коалициялъулгун лъай-хъвай гьаби. Вотел вачIун вукIана Сириялъул шималияб рахъалда бугеб аэродромалде ва гьес 11 сагIат бана гьеб улкаялда. Цадахъго рукIана журналисталги.
