2015 соналда Россиялъул туснахъазда хун вуго 4000 гIанав чи. Гьелъул хIакъалъулъ лъазабуна Россиялъул генералияв прокурор Юрий Чайкаца.
Федерациялъул Мажлисалда кIалъалаго, гьес абуна, хваразул къадаралда гъорлъан 87 проценталъул рукIанин батIи-батIиял унтиял. Гьел хвеялъе цогидал багьанабиги ругин - загIипаб медикияб базаги, медикиял хъулухъазул цоял камун рукIинги.
Туснахъазул системаялъул гIаммал гIунгутIиязда гъорлъ гьес рехсана гьединго такъсирчилъи цIикIкIин ва цо-цо регионазда бакIал гIунгутIи.
Инсанасул ихтиярал цIунулез лъазабулеб буго, туснахъазда чIезарурал шартIал аслияб къагIидаялда данде кколарин демократиял улкабазул нормабазде ва инсанасул ихтиярал хвезариги г1адатияб практикаялде буссун бугин.