Россиялда 11 январалда къуваталде лъугьун буго полициялъ ккурал чагIазе жидерго гIагаразде кIалъазе изну кьолеб къанун. ГьанжелъизегIан чи ккун вукIиналъул 12 сагIаталда жаниб гьесул гIагаразда лъазабизе кколеб букIана цIех-рехчияс. Гьанже живго ккурав кIалъазе кколев вуго бокьарав гIагарав чиясде лъабго сагIаталда жаниб. КIалъазе рес кьолареб буго цIех-рехалъул балъголъи цIунизе кколеб бугони, амма гьеб нухалда цIех-рехчиясул ишазе изну кьезе кколеб буго прокурорас.
Къануналда гьел хиса-басиял Пачалихъияб Думаялъ къабул гьарун рукIана араб соналъул 22 декабралда.