Рузман къоялда Жанубияб Кореялъ Шималияб Кореялъулгун гIорхъода кIудиял динамиказул кумекалдалъун пропаганда халат бихъинабиялде жаваб хIисабалда Пхеньяналъ жиндирго рахъалдаги лъун руго гьединалго динамикал.
Сеулалъ мадугьалазул рахъалде трансляция гьабулеб буго поп-музыкаялъул, кьолел руго дунялалъул цIиял харбал ва Шималияб Кореялъул талъи какулел материалал. Динамиказда аскIорго чIезарун рагIула гIарадаби.
Шималияб Кореялъул рахъалъ гьел динамиказул кумекалдалъун хIалбихьулеб рагIула пропаганадялъе квал-квал гьабизе.
Пхеньяналда сверун ахIвал-хIал хIалуцин хурхараб буго, гьелъ жиндирго водородалъул бомбаялъул хIалбихьи гьабунин абураб лъазабиялда.
Цолъарал миллатазул гIуцIиялъ ва чанго улкаялъ лъазабиял гьаруна Шималияб Кореялъул ядериял амбициял какун.