Каспий ралъдалъ нартил платформаялда цIа ккедал хун вуго 32 чи. Гьедин лъазабун буго Reutersалъе Азербажаналъул нарт бахъулезул ихтиярал цIунулеб Комитеталъ. Гьенибго лъазабун буго 42 чи лъукъунги вугин, платформаялда гьанжеялде цIаги свинабун бугин. Гьениб ккаралда сверун Reutersалъул суалазе жаваб кьезе чанго нухалда инкар гьабун буго Азербажаналъул SOCAR абулеб нартил рахъалъ пачалихъияб компаниялъ. Официалиял баяназда рекъон, улкаялъул гъорхъолъа арал ишазул министерлъиялъ «Гюнешли» абулеб бакIалда бугеб гьеб платформаялдаса нахъе вачун вуго 25 чи. Гьедин лъазабулеб буго "Интерфакс-Азербайджан" агентлъиялъ. Платформаялда цIа ккун буго рузман къоялъул къаси газидасан.
