Шоферзабазул протесталъул акция халат бахъунеб буго
Your browser doesn’t support HTML5
Дагъистаналъул юк баччулел автомобилазул бетIергьабаз халат бахъиннабулеб буго 15 ноябралда хIалтIизе биччараб «Платон» абураб пачалихъалъе кьолеб мухь цIиккIинабиялъул системаялде данде протест. Жакъаялда республикаялда гIаммаб къагIидаялда гьелда гIахьаллъулев рагIула 900 гIанав шофер. Гьез жидерго машинаби лъун руго федералиял трассабазул рагIаллъабазда Гъизляралда, Хасавюрталда, Манасалда, Гъаякенталда. Информалатазул лъазабиязда рекъон, Гъизляралда ракIарарал акциялъул гIахьалчагIи гьанже цолъун рагIула Хасавюрталдаги Гъаякенталдаги данде ракIарарал автоколоннабигун. Информалатаз лъазабулеб буго тIолабго Россиялъул акциялда гIахьаллъулел Волгоградалъул шоферзабазул 50 автомобилалдаса колонна гIуцIун буго, Москваялде марш байбихьиялъул мурадалда. Гьединабго галиялде иналъул хIакъалъулъ лъазабун букIана Россиялъул талъиялде кагъат хъван хадуб Дагъситаналъул протесталъул гIахьалчагIазги. Гьаб видео Дагъистаналдаса журналист ГIамир ГIамировас бахъана Манасалда аскIоссан унеб федералияб трассаялда.