Гьале ункъабилеб къоялъ халат бахъунеб буго Сириялда Россиялъул рагъулаб авиациялъ гьабулеб операция. Россиялъул баяназда мугъ чIвай гьабун, CNN агентлъиялъул лъазабулеб буго бомбаби рехулел брожаробаз тIагIинабунин цIатари ва ярагъ-матахI цIунулел бакIалги рагъулаб техникаги.
Сириялъул оппозициониял сурсатазул баяназда рекъон Идлиб вилаяталда гьабураб гьавадул гьужумалъул хIасилалда анцIила цо чи чIван вуго. Гьезда гъорлъ-ичIго чи вугеб хъизам. Гьужум гьабунин Россиялъул ва Сириялъул хIукуматалъул къуватаз.
Сириялъул хIаракатчи АхIмад аль-ХIмадица абулеб буго гьеб кIиябго хIукуматалъул аскарияз Идлиб вилаяталда бугеб Балиун росдал гIадатиял гIадамазде гьавадул кьабиял гьарулаанин.