Украиналъул хIукуматалъул вукIарав бетIер Микола Азаровас Москваялда пресс-конференциялда лъазабуна итни къоялда Украина хвасар гьабиялъул Комитет гIуцIулеб бугилан. Гьеб идараялъ Украиналъул президент Петр Порошенко ва премьер-министр Арсений Яценюк ахIулел руго хъулухъалдаса нахъе ине ва иргадулал гурел парламентиялгун президентасул рищиял тIоритIизе. Комитеталъе бетIерлъи гьабулеб буго живго Азаровас. Гьесул рагIабазда рекъон, гьелде лъугьун руго Украиналда ругел политикалги, амма «гьезие х1инкъи бугин» абун гьезул цIарал гьес рехсечIо. Президентасул хъулухъалде гьеб Комитеталъ вихьизавулев вуго ТIадегIанаб Радаялъул депутатлъун вукIарав Владимир Олейник. Украиналда Азаровасда ва Олейникада сверун рагьун руго такъсир гьабиялъул ишал ва гьел ралагьулел руго.
