Шамат къоялда Москваялъул централда полициялъ ккуна «Русские» абураб националистазул цолъиялъул бетIер Дмитрий Демушкин. Ахирисесул рагIабазда, гьев ккун вуго ОМОНалъ Новокузнецкая абураб метроялъул станциялда аскIоб.
Гьениб миллатчагIаз тIоритIулел рукIун руго пикетал. Гьел тIоритIиялъул багьана националистазул лидерас хурхинабулеб буго Москваялъул тIалъиялъ иргадулаб нухалда националистазул гIуцIиялъе жидерго акция тIобитIиялъе изну кьунгутIиялда.
Демушкинил гIуцIияллда ракIалда букIун буго I маялда гьезие гьукъараб маршалъул бакIалда 25 июлалда Москваялда протесталъул акция тIобитIизе.
Демушкинил рагIабазда, гьезда ракIалда букIун буго Азиялдасаги Жанубияб Кавказалдасаги мигрантазул 100 проценталъулаб депортация нухмалъиялдаса тIалаб гьабизе.