Сербиялъ Россиялдехун буссун, гьарулеб буго Сребреницаялда букIараб чIвадариялда хурхун Цолъарал Миллатазул ГIуцIиялъул хIинкъи гьечIолъиялъул Шураялъ хIадур гьабураб резолюциялталда вето лъеян абун.
Гьадинаб хасаб кагъат Россиялъул президент Владимир Путинихъе Сербиялъул премьер-министр Томислав Николичица битIана, ян лъазабуна Сербиялъул телевидениялъ.
Рехсараб резолюциялъул проект хIадур гьабуна КIудияб Британиялъ. 1995 соналъул июль моцIалда Сребренницаялда микьазаргогIан бусурбанчи- аслияб къагIидаялъ бихьиналги балъугълъиялде рахинчIел васалги - чIвана сербазул рагъухъабаз.
Цолъарал Миллатазул гIуцIиялъул юридикиял инстанцияз гьеб иш геноцидлъун рикIкIана, амма Сербиялъул тIадтараз гьеб нахъ чIвалеб буго. Сербиялъулгун Россиялъул некIсиял диниял ва тарихиял бухьенал руго.