Чачан Республикаялда бугеб гьанжесеб ахIвал-хIалалъ Шималияб Кавказалда цIияб конфликт багъаризабизе бегьула, ва гьениб бугеб паракъалъи аслияб къагIидаялъ зулмуялдалъун цIунулеб буго, ян лъазабуна Брюсселалда халкъаздагьоркьосеб Кризисияб къукъаялъ Чачанлъиялда бугеб ахIвал-хIалалда сверухъ хIадур гьабураб жиндир докладалъул презентациялда.
Гьеб докладалде гъорлъе журан руго гIемерал далилал инсанасул ихтиярал хвезариялъул, коррупциялъул, диванчагIазде гьабулеб тIадецуялъул ва цогидаб зулмуялъул хIужаби рихьизарулел.
Экспертазул пикруялда Россиялъул президентасда тIадаб буго Къадыровасде жиндирго бакI бихьизабизе. ГьабсагIат Федералияб Централъул контролалъукьа гьев ворчIун вугин, абулеб буго докладалъул автораз.