Европаялъ Россиялде данде лъазарурал санкциязул гIорхъабазда 23 июналдаса Чачан республикаялъул бетIер Рамзан Къадировасул чуязул рехъеналдаса щолеб гIарцидаса пайда босиялъул ресал къотIизарулел руго Чехиялъул Финансазул министерлъиялъ.
Гьединабго гали 20I4 соналда Къадировасде данде гьабун букIана Германиялъги.
Гьелда хадуб гьез жиндирго чуял щвезаруна Чехиялде ва ГIагараб машрикъалъул улкабазде.
Гьединаб хIукмуялде жаваб кьолаго Къадировас Магърибалде гIайиб гIунтIизабун буго, гьез чуязул ихтиярал хвезарул ругинги абун.