Курдазул къуватаз ва гьезул партнераз лъазабулеб буго, жидеца бахъанин «Исламияб пачалихъ» гIуцIиялъул Ракка провинциялда бугеб базайин ва жидеца гьужум халат бахъинабулеб бугин.
Гьеб база рагIула радикалиял исламистаз жидерго тахшагьарлъун лъазабураб Раккаялдаса 50 гIанаб километралъул манзилалда. Гьеб кколеб буго ахирисеб кIиго анкьалда жаниб курдазул къуватазул кIиабилеб икъбал.
Гьелда цебе гьез «Исламияб пачалихъалъухъа» бахъун букIана Сириялъул Телль-Абъяд шагьарги.